Fréttablaðið - 04.03.2021, Blaðsíða 10

Frá fjármálahruninu
hafa stóru viðskiptabank-
arnir verið með sjö stjórnar-
menn hver.
Guðmundur Hafsteins­son, stjórnarmaður í Icelandair Group og fyrrverandi yfir­maður vöruþróunar Google Assistant,
segir ótímabært að skipta út stjórn­
armönnum. Samsetning núverandi
stjórnar eigi vel við þær krefjandi
aðstæður sem f lugfélagið er í og
mikilvægt sé að stjórnin fái ráðrúm
til að horfa langt fram í tímann.
„Ég trúi því að Icelandair muni
koma vel undan vetri en þó sérstak­
lega ef það er sterk stjórn sem leiðir
félagið áfram og fær þann tíma sem
hún þarf til að gera það,“ segir Guð­
mundur.
Á aðalfundi Icelandair Group,
sem verður haldinn 12. mars, verður
kosið til stjórnar. Tilnefningar­
nefnd félagsins hefur nú þegar birt
ýtarlega skýrslu þar sem lagt er til
að stjórnin, sem er skipuð Úlfari
Steindórssyni, Guðmundi Haf­
steinssyni, Svöfu Grönfeldt, Ninu
Jonsson og John F. Thomas, haldist
óbreytt.
Eftir samráð við hluthafa, stjórn
og helstu stjórnendur Icelandair
Group setti nefndin fram við­
mið um þá eiginleika sem voru
taldir eftirsóknarverðir við val á
einstökum stjórnarmönnum og
skipan stjórnar í heild. Helstu við­
miðin voru reynsla af alþjóðlegum
flugrekstri, leiðakerfum, flugflota­
stjórnun, söluleiðum, innleiðingu
stefnu og stafrænni þróun.
Steinn Logi Björnsson, fyrrver­
andi forstjóri Bláfugls, er á meðal
frambjóðenda til stjórnar. Steinn
Logi, sem starfaði í um 20 ár hjá
Icelandair Group, sagði í viðtali
við ViðskiptaMoggann í síðustu
viku að hann teldi sig mæta skil­
yrðunum sem tilnefningarnefndin
tiltók betur en frambjóðendurnir
sem nefndin tilnefndi.
Þá benti hann á að stjórnin hefði
verið valin þegar hluthafar voru
þrjú þúsund en ekki 14 þúsund.
„Því er furðulegt að sjá ekki tilefni
til neinna breytinga á stjórninni,“
bætti hann við.
Annar frambjóðandi til stjórnar
Icelandair Group er Þórunn Reynis­
dóttir, forstjóri Ferðaskrifstofu
Íslands, sem er í eigu Pálma Har­
aldssonar. Pálmi er einn stærsti
einkafjárfestirinn í íslenska f lug­
félaginu með að minnsta kosti 2
prósent í gegnum félagið Sólvelli en
einnig á hann hlut í gegnum Ferða­
skrifstofu Íslands. Ljóst er að Pálmi
vill sjá breytingar á stjórn Iceland­
air á aðalfundinum.
Aðrir stórir einkafjárfestar í
Icelandair Group, hjónin Bogi Þór
Siguroddsson og Linda Björk Ólafs­
dóttir, sem eiga um 2,3 prósenta
hlut í gegnum félagið Bóksal, styðja
hins vegar óbreytta stjórn undir
áframhaldandi formennsku Úlfars
Steindórssonar.
Samkvæmt heimildum Frétta­
blaðsins hafa Steinn Logi og Þórunn
leitað til stærstu hluthafa Iceland­
air, einkum lífeyrissjóða, til þess
að afla stuðnings fyrir margfeldis­
kosningu. Til að knýja fram marg­
feldiskosningu, sem myndi auka
líkur á kjöri þeirra töluvert, þurfa
Steinn Logi og Þórunn stuðning
hluthafa sem samanlagt ráða yfir
minnst 10 prósenta hlut.
Guðmundur, sem hefur setið í
stjórn Icelandair Group í þrjú ár,
bendir á að núverandi stjórn sé að
hluta til skipuð af fólki með víðtæka
alþjóðlega reynslu af f lugrekstri.
Hann nefnir sérstaklega John F.
Thomas og Ninu Jonsson en þau
komu ný inn í stjórnina á síðasta ári.
„Þau hafa reynst félaginu ómet­
anlega og eru rétt að byrja. Það er
sjaldgæft að íslenskt fyrirtæki hafi
aðgang að jafn víðtækri og alþjóð­
legri reynslu eins og er í núverandi
stjórn,“ segir Guðmundur.
Einnig segir hann mikilvægt að
stjórnarmenn hafi ólíkan bakgrunn
og mismunandi sérfræðikunnáttu
þannig að stjórnin sé fær um að
takast á við krefjandi aðstæður. Þá
nefnir Guðmundur að núverandi
stjórn í þessari mynd hafi einungis
starfað saman í eitt ár.
„Stjórnin kom fyrst saman um
það leyti sem COVID var að byrja
og hefur náð að leiða félagið farsæl­
lega í gegnum fordæmalausa tíma.
Í þessu samhengi má nefna að flest
sambærileg flugfélög í Evrópu hafa
fengið mun meiri aðstoð frá stjórn­
völdum en Icelandair,“ segir Guð­
mundur.
Viðskiptablaðið hafði nýlega eftir
John Thomas að honum þætti „örlít­
ið sérstakt“ að vera aðeins kjörinn
til eins árs í senn. Hann benti á að
í f lestum stjórnum erlendis væri
skipunin til að lágmarki fimm ára
í senn enda væri hlutverk stjórnar­
manna að horfa á stóru myndina og
móta framtíðarsýn.
Guðmundur tekur í sama streng.
„Mörg krefjandi verkefni eru fram
undan sem er búið er að undir­
búa vel og mikilvægt að haldið sé
vel utan um á næstu mánuðum og
árum. Það er alls ekki best fyrir
félagið að skipta út fólki á þessum
tímapunkti. Stjórnin þarf ráðrúm
til þess að horfa langt fram í tím­
ann.“
Hluthafahópur Icelandair tók
miklum breytingum eftir hluta­
fjárútboð félagsins í september. Á
sama tíma og hluthöfum fjölgaði
úr þremur þúsundum í 14 þúsund
minnkaði samanlagður eignarhlut­
ur lífeyrissjóða úr 53 prósentum
niður í liðlega 25 prósent.
Spurður hvort svo mikil breyting
á hluthafahópnum sé tilefni til þess
að gera breytingar á stjórninni segir
Guðmundur svo ekki vera. „Það er
ekki samasemmerki þarna á milli.
Fjölgun hluthafa, sem er jákvæð í
alla staði, þýðir ekki að samsetning
og hæfni stjórnar eigi síður við, við
þær krefjandi aðstæður sem félagið
er í,“ segir Guðmundur.
thorsteinn@frettabladid.is
Varar við ótímabærri uppstokkun
Stjórnarmaður í Icelandair Group segir ótímabært að gera breytingar á stjórninni á næsta aðalfundi. Samsetning sitjandi stjórnar
eigi vel við í þeim krefjandi aðstæðum sem flugfélagið er í. Tveir frambjóðendur reyna að afla stuðnings fyrir margfeldiskosningu.
Tilnefningarnefnd Icelandair Group lagði til að stjórn félagsins yrði óbreytt. FRÉTTABLAÐIÐ/ERNIR
Fjölgun hluthafa,
sem er jákvæð í alla
staði, þýðir ekki að sam-
setning og hæfni stjórnar
eigi síður við, við þær
krefjandi aðstæður sem
félagið er í.
Guðmundur
Hafsteinsson,
stjórnarmaður
Icelandair Group
VR • Kringlunni 7 • 103 Reykjavík • Sími 510 1700 • vr@vr.is • vr.is
Allsherjaratkvæðagreiðsla VR
Atkvæðagreiðslan er rafræn, þú finnur slóð á hana á vr.is.
Valið er milli tveggja frambjóðenda til formanns VR og
11 frambjóðenda til stjórnar VR. Merkja skal við mest sjö
frambjóðendur í stjórnarkosningum. Ef þú hefur ekki Íslykil
eða rafræn skilríki sækir þú um á island.is.
Frambjóðendur til
formanns, í stafrófsröð
Helga Guðrún Jónasdóttir
Ragnar Þór Ingólfsson
Frambjóðendur til stjórnar,
í stafrófsröð
Arnþór Sigurðsson
Harpa Sævarsdóttir
Helga Ingólfsdóttir
Jón Steinar Brynjarsson
Jónas Yngvi Ásgrímsson
Kristjana Þorbjörg Jónsdóttir
Sigmundur Halldórsson
Sigríður Hallgrímsdóttir
Sigurður Sigfússon
Svanhildur Ólöf Þórsteinsdóttir
Þórir Hilmarsson
Kjörstjórn VR | 4. mars 2021
Hvernig kýst þú formann og stjórn VR
Smelltu á „Kosningar í VR 2021” á vr.is
Skráðu þig inn með Íslykli eða rafrænum skilríkjum
Atkvæðaseðill opnast með upplýsingum um
hvernig þú átt að kjósa
1
2
3
Allsherjaratkvæðagreiðsla meðal félagsmanna
VR vegna kjörs formanns og stjórnar VR, skv. 20.
gr. laga félagsins, hefst kl. 09.00 mánudaginn
8. mars nk. og lýkur kl. 12.00 á hádegi
föstudaginn 12. mars 2021.
Stjór n A r ion banka hef ur ákveðið að kosningu stjórnar bankans verði þannig háttað að
aðalstjórn verði skipuð fimm ein­
staklingum og varastjórn tveimur.
Þannig fækkar um tvo í stjórn
bankans, en frá fjármálahruninu
hafa stóru viðskiptabankarnir verið
með sjö stjórnarmenn hver.
Þetta kemur fram í endanlegum
tillögum fyrir aðalfund Arion
banka sem verður haldinn um
miðjan mars. Er ákvörðunin sögð
byggja á tillögu tilnefningarnefndar
bankans.
Stjórn Arion banka skipa Brynj­
ólfur Bjarnason formaður, Herdís
Dröfn Fjeldsted, Gunnar Sturluson,
Liv Fiksdahl, Paul Horner, Renier
Lemmens og Steinunn Kristín
Þórðardóttir.
Herdís Dröfn hefur hins vegar
ekki tekið þátt í störfum stjórnar­
innar frá því að hún tók við sem
forstjóri Valitor, dótturfélags Arion
banka, í nóvember. Því er ljóst að
hún og annar sitjandi stjórnarmað­
ur munu víkja úr stjórn bankans á
aðalfundinum.
Þá leggur stjórn bankans einn­
ig til við aðalfund, að stjórn verði
veitt heimild til breytinga á áður
gerðri kaupréttaráætlun þannig
að félaginu verði heimilað að gera
kaupréttarsamninga við fastráðna
starfsmenn félagsins um kaup á
hlutum í bankanum fyrir allt að 1,5
milljónir króna á ári, í stað núver­
andi 600 þúsunda króna árlegs
hámarks. – þfh
Fækkar um tvo í stjórn
Aðalfundur Arion banka verður haldinn um miðjan mars.
MARKAÐURINN
4 . M A R S 2 0 2 1 F I M M T U D A G U R10 F R É T T I R ∙ F R É T T A B L A Ð I Ð