Fréttablaðið - 04.03.2021, Blaðsíða 32

Innilegustu þakkir til allra sem
sýndu okkur hlýhug og stuðning
vegna andláts og útfarar elskulegs
eiginmanns, föður, tengdaföður,
afa og langafa,
Rafns Magnússonar
vélfræðings og kennara,
Löngulínu 7, Garðabæ.
Sérstakar þakkir til alls starfsfólks dvalarheimilisins
Ísafoldar, Garðabæ, fyrir einstaka alúð og hlýju í hans garð.
Eva Guðmundsdóttir
Vilborg Rafnsdóttir
Kristinn Rafnsson Sólborg Tryggvadóttir
Elsa Rafnsdóttir
barnabörn og barnabarnabörn.
Innilegar þakkir til allra sem sýndu
okkur samúð, vináttu og hlýhug
við andlát og útför okkar ástkæra
eiginmanns, föður, tengdaföður og afa,
Birgis Lúðvíkssonar
Sléttuvegi 23.
Helga Brynjólfsdóttir
Lúðvík Birgisson
Sigríður Birgisdóttir Brynjar Gauti Sveinsson
Guðríður Birgisdóttir Steingrímur Gautur Pétursson
Unnur Jónsdóttir
og afabörn.
Elskulegur eiginmaður og faðir okkar,
Sigurður Sigvaldason
verkfræðingur,
Hvassaleiti 103,
lést aðfaranótt 28. febrúar.
Útförin verður auglýst síðar.
Sigrún Magnúsdóttir
Sigurður, Ragnheiður, Sólveig og Magnús Sigurðarbörn
Ástkær eiginmaður og faðir,
Armando Beqirai
lést sunnudaginn 14. febrúar.
Útförin fer fram í Grafarvogskirkju
föstudaginn 5. mars klukkan 15.
Þóranna Helga Gunnarsdóttir
Alexander Beqirai
Hjartans þakkir fyrir auðsýnda samúð
við andlát og útför föður okkar,
tengdaföður og afa,
Guðjóns Arnar
Kristjánssonar
Lækjasmára 8, Kópavogi.
Guðbjörg K. Guðjónsdóttir Stefán Þórisson
Ólafur Jón Guðjónsson Eyrún Ásta Bergsdóttir
Katrín Guðjónsdóttir
Erla Björk Guðjónsdóttir Gunnar Ólafsson
Örn Már Guðjónsson Sigrún Svava Gísladóttir
og barnabörn.
Já, ég skal alveg vera fulltrúi ham-ingjusamra Vestmannaeyinga,“ segir Kristín Jóhannsdóttir, for-stöðumaður Eldheima, glaðlega. „Stundum er látið eins og við séum ekki að gera neitt nema
hugsa um Herjólf og veðrið en
við erum að gera fullt annað. Nú
má aftur fara að hafa gaman og Vest-
mannaeyingar hafa alltaf verið góðir í
að búa til eitthvað skemmtilegt.“
Tónleikar um helgina
Eins og alþjóð veit býður Kristín upp á
tilkomumikla gosminjasýningu í Eld-
heimum en að hún breytti safninu líka í
hljómleikasal, það vissi ég ekki. „Ég er að
undirbúa frábæra tónleika um helgina,“
upplýsir hún. „Þar mun spila band sem
í er heimafólk og tónlistarmenn sem ég
er að flytja inn.“ Nú, segðu mér meira –
bið ég forvitin. „Já, hér er tónlistarfólk
sem hefur látið að sér kveða í Eyjum,
Helga Jónsdóttir og Arnór Hermanns-
son, og með þeim koma fram Magnús
R. Einarsson og Eggert Jóhannsson. Þau
munu flytja vísnatónlist, bæði sænska
og íslenska. Það er spenningur fyrir
þessu og með því að skipta Eldheimum
upp getum við tekið á móti nær hundrað
manns því hér er hátt til lofts og vítt til
veggja.“
Horfir bjartsýn fram á veginn
Kristín segir búið að ganga furðu vel
í Eyjum á veirutímanum. „Ég hef haft
opið allan tímann af því húsið er svo
stórt, auðvitað komu fáir suma dagana
– jafnvel enginn, en bærinn gat boðið
upp á þessa þjónustu. Svo hafa hlutirnir
gengið nokkuð sinn vanagang, börnin
hafa getað verið í skólum og íþróttum
og þó að loðnan hafi ekki veiðst í jafn-
miklu magni og oft áður þá er gleði yfir
að fá þó einhverja loðnu á land. Við
höfum ekki verið jafn háð ferðaþjón-
ustu og margir aðrir landshlutar og því
hafa ekki orðið eins svakalegar sveif lur
í þessu samfélagi og sums staðar annars
staðar. Nú vonum við að botninum sé
alls staðar náð og við séum á leið upp
á við. Það er byrjað að selja inn á stór-
mótin hér í Eyjum og við vonumst til
að geta haldið stórhátíðir sumarsins,
bæði Þjóðhátíð og Goslokahátíð. Í Eld-
heimum er ég byrjuð að taka á móti
bókunum aftur.“
Í lokin er Kristín spurð hvort Vest-
mannaeyingar finni fyrir jarðhrær-
ingum. „Gott þú minnist á það,“ segir
hún. „Eyjar eru einmitt staðurinn til að
fara á núna ef skjálftar og gos eru uppi
á landi. Ég er ein þeirra sem hafa ekki
fundið fyrir neinum jarðskjálfta í þess-
ari hrinu, vinir mínir og sambýlismaður
hafa reyndar fundið einn og einn, en
Vestmannaeyjar eru vel settar svo það
þarf enginn að tapa gleðinni út af því
eins og er.“ gun@frettabladid.is
Við hugsum ekki bara
um Herjólf og veðrið
Vestmannaeyingar eru hamingjusamastir Íslendinga og ánægðastir með sitt samfélag,
samkvæmt niðurstöðum nýrrar könnunar sem skýrt var frá í Fréttablaðinu í gær. Því
var slegið á þráðinn til ágætrar Eyjapæju, Kristínar Jóhannsdóttur í Eldheimum.
Í Eldheimum er hátt til lofts og vítt til veggja og þar ætlar Kristín að bjóða upp á tónleika um helgina. FRÉTTBLAÐIÐ/EYÞÓR
Nú má aftur fara að hafa gaman
og Vestmannaeyingar hafa
alltaf verið góðir í að búa til eitt-
hvað skemmtilegt.
1861 Abraham Lincoln verður sextándi forseti Banda-
ríkjanna.
1877 Emile Berliner finnur upp hljóðnemann.
1936 Zeppelinloftfarið Hindenburg flýgur sitt fyrsta
reynsluflug.
1955 Armed Forces Radio and Television Service Keflavik
fær heimild íslenskra stjórnvalda til sjónvarpsútsendinga.
1964 Hljómar frá Keflavík slá í gegn á fyrstu bítlatón-
leikunum á Íslandi. Tónleikarnir eru haldnir í Háskólabíói.
Fjórar aðrar hljómsveitir koma þar fram.
1968 Fyrsta leikritið sem sett er upp sérstaklega fyrir
sjónvarp á Íslandi er sent út. Það er verkið Romm handa
Rósalind eftir Jökul Jakobsson.
1971 Íslendingar kaupa uppstoppaðan geirfugl á upp-
boði í London. Áður var safnað fyrir fuglinum um allt
land.
1983 Menningarmiðstöðin Gerðuberg er opnuð í Breið-
holtshverfi í Reykjavík.
2000 PlayStation 2 kemur fyrst út í Japan.
2005 Háskólinn í Reykjavík og Tækniháskóli Íslands sam-
einast undir merkjum þess fyrrnefnda.
Merkisatburðir
4 . M A R S 2 0 2 1 F I M M T U D A G U R20 T Í M A M Ó T ∙ F R É T T A B L A Ð I Ð
TÍMAMÓT