Hinsegin dagar í Reykjavík - aug. 2019, Síða 67

– Söngvar og
sögur úr lífi
dívu
Hurðin er opnuð snaggaralega enda
er líklega enginn tími fyrir neitt hálfkák
á þessum bæ. Fyrir innan stendur hún
brosleit og útitekin eftir góða daga fyrir
norðan í skógrækt með fjölskyldunni.
Hún er með símann við eyrað. Það krefst
eflaust góðs skipulags og margra símtala
að halda á lofti öllum þeim boltum sem
fylgja því að vera söngkona, fasteignasali,
húsmóðir og margt fleira. Þegar símtalinu
lýkur setjumst við niður með kaffibolla til
að ræða málin því frá mörgu eru að segja.
Viðtalið tók Gunnlaugur Bragi Björnsson.