Skessuhorn - 13.01.2021, Síða 10

MIÐVIKUDAGUR 13. jAnúAR 202110
„Sementsverksmiðjan harmar
óþægindi sem nágrannar fyrir-
tækisins urðu fyrir þegar sem-
entsryk þyrlaðist upp frá sílói
og lagðist yfir nágrenni verk-
smiðjunnar,“ segir í tilkynningu
sem Gunnar Sigurðsson fram-
kvæmdastjóri sendi frá sér 6.
janúar sl. „Mannleg mistök urðu
til þess að sementssíló við Sem-
entsverksmiðjuna á Akranesi yf-
irfylltist við uppskipun aðfarar-
nótt 5. janúar svo sementsryk
þyrlaðist upp og settist á göt-
ur, hús og bíla í nágrenni verk-
smiðjunnar. Sement sem fyrir-
tækið flytur inn er náttúrulegt
efni án eiturefna. Rykið sem
barst út í umhverfi verksmiðj-
unnar ógnaði ekki heilsu fólks
en getur ef ekkert er að gert
valdið skemmdum á munum og
byggingum.
Starfsfólk Sementsverksmiðj-
unnar hefur unnið í samvinnu
við íbúa, slökkviliðið, Veitur og
aðra aðila að því að hreinsa fljótt
og vel upp vettvang og eign-
ir fólks til að varna skemmdum
og forða frekari óþægindum. Sú
vinna gekk vel og fyrirtækið vill
koma á framfæri þökkum til allra
sem að komu fyrir ötult starf og
skjót viðbrögð.“
Þá segir að Sementsverk-
smiðjan sé mikilvægur hlekkur
í uppbyggingu um allt land og
leggur mikla áherslu á að starfa
í góðri sátt við umhverfi sitt og
samfélag, nær og fjær. „Fyrir-
tækið starfar samkvæmt alþjóð-
lega viðurkenndum öryggis- og
gæðastöðlum og var atvikið að-
fararnótt 5. janúar óhapp sem
ekki samræmist stefnu og vilja
fyrirtækisins eða eigenda þess.
Fyrirtækið biður því alla þá sem
fyrir óþægindum urðu velvirð-
ingar og mun gera það sem í
valdi þess stendur til að tryggja
að óhapp af þessu tagi endurtaki
sig ekki,“ skrifar Gunnar Sig-
urðsson framkvæmdastjóri.
mm
Harma
óhappið
Síðdegis á mánudaginn héldu bæjar-
ráð Akraneskaupstaðar og umhverfis-
og skipulagssvið sameiginlegan fund.
Til hans voru kvaddir forsvarsmenn
Sementsverksmiðjunnar, þeir Gunn-
ar Sigurðsson framkvæmdastjóri og
Þorsteinn Víglundsson stjórnarfor-
maður. Gerðu þeir grein fyrir mála-
vöxtum, ástæðum óhappsins þegar
sement fór úr einu sílóanna við höfn-
ina á Akranesi og yfir hluta byggð-
arinnar aðfararnótt 5. janúar, við-
brögð fyrirtækisins, úrvinnslu og að-
gerðum verksmiðjunnar í framhald-
inu. Fram kom á fundinum að rekja
megi mengunina til mannlegra mis-
taka sem Sementsverksmiðjan harm-
ar og lítur alvarlegum augum. For-
svarsmenn verksmiðjunnar vildu sér-
staklega koma á framfæri þökkum til
Slökkviliðs Akraness og Hvalfjarðar-
sveitar fyrir þeirra viðbrögð og veitta
aðstoð í kjölfar óhappsins sem og til
þeirra fyrirtækja á Akranesi sem kom-
ið hafa að úrvinnslu málsins í fram-
haldinu. jafnframt þökkuðu þeir fyr-
ir að eiga kost á að koma á fund með
bæjarfulltrúum til að gera grein fyr-
ir sjónarmiðum fyrirtækisins og þeim
ráðstöfunum sem ráðist hefur verið
í sem og þeim aðgerðum sem fyrir-
hugaðar eru á næstunni.
Brugðist við
Í kjölfar óhappsins hefur Sements-
verksmiðjan gripið til nokkurra ráð-
stafanna og undirbýr frekari aðgerðir
sem eru m.a. þær að viðbragðsáætlun
Sementsverksmiðjunnar vegna ryk-
mengunar hefur verið uppfærð svo
bregðast megi fyrr við ef slíkt óhapp
kæmi fyrir að nýju. Stofnað hefur ver-
ið verkefni í vottuðu gæðakerfi Sem-
entsverksmiðjunnar til að tryggja að
mengunaróhappið geti ekki endur-
tekið sig og felur það m.a. í sér að sett-
ar verða upp nýjar eftirlitsmyndavél-
ar svo starfsmenn sem vakta móttöku
sementsins fái betri yfirsýn yfir hvern-
ig dæling fer fram. Þá verður hljóð-
viðvörun bætt við viðvörunarljós sem
lætur vita þegar stöðva ber dælingu
þegar fylling hefur náð tiltekinni hæð
í sílóunum. Lok á mælistútum hefur
nú verið boltað niður svo það haldist
niðri við yfirþrýsting en upp um þetta
lok fór sementið og þaðan út í and-
rúmsloftið. Búnaður verður yfirfarinn
af forvarnafulltrúa hjá tryggingafélagi
Sementsverksmiðunnar.
Hreinsunarstarf
að hluta eftir
Á fundi bæjaryfirvalda og Sements-
verksmiðjunnar á mánudaginn var
óskað eftir nánari upplýsingum um
hvernig þrif á húsum verður hátt-
að þegar veður leyfir, en trygging-
arfélag Sementsverksmiðjunnar fer
með yfirstjórn á hreinsunaraðgerð-
um sem hófust sama dag og óhapp-
ið varð. Mikilvægt þykir að fá skýra
mynd af því hvaða hús verða þrifin
til að afstýra mögulegum skemmd-
um en einnig hefur komið fram að á
annað hundrað bílar hafi verið þrifn-
ir. Ennfremur kom fram á fundinum
að Sementsverksmiðjan hefur fundað
með Umhverfisstofnun sem fer með
eftirlit með starfseminni og stofnun-
inni verið afhent gögn vegna óhapps-
ins en á næstu vikum mun eftirlitið
færast til Heilbrigðiseftirlits Vestur-
lands.
Bæjarráð ályktar
Bæjarráð Akraneskaupstaðar hefur
samþykkt eftirfarandi bókun vegna
óhappsins:
„Bæjarráð lítur óhappið alvarleg-
um augum en telur viðbrögð for-
svarsmanna Sementsverksmiðjunnar
til marks um að fyrirtækið líti mál-
ið sömu augum. Bæjarráð leggur
áherslu á að þeir aðilar, íbúar og for-
svarsmenn fyrirtækja, sem telja sig
hafa orðið fyrir tjóni vegna óhapps-
ins, fái viðunandi úrlausn sinna mála
sem og að fyrirtækið upplýsi sem best
og sem víðast þær ráðstafanir sem
gripið hefur verið til í framhaldinu
til að lágmarka sem mest áhættuna
af því að svona nokkuð geti endur-
tekið sig.“
Mikið tjón á húsum
og bílum
Strax í kjölfar mengunaróhappsins
var m.a. ráðist í hreinsun á bílum og
húsum. Samið var við verkstæði og
tækjaleigu um hreinsun á bílum og
þegar að kvöldi þriðjudags var búið
að hreinsa sement af á annað hundr-
að bílum. Á bifreiðaverkstæði Hjalta
voru bílar sýru- og sápuþvegnir og í
kjölfarið bónaðir. Hjá Gísla jónssyni
við Ægisbraut fengu bílar sömuleiðis
þvottameðferð. Ráðist var í hreinsun
af húsum dagana á eftir óhappið en
sökum veðurskilyrða síðustu viku var
sú vinna stopul og hefur flesta dag-
ana verið frost og því ekki hægt að
háþrýstiþvo þök og veggi. Fjölmargir
óttast að sementið nái að greypa sig
fast við harða fleti og valdi þannig
varanlegu tjóni.
Lögreglan á Vesturlandi sendi á
miðvikudaginn í liðinni viku frá sér
tilkynningu til íbúa á Akranesi. Þar
er þeim sem telja sig hafa orðið fyr-
ir tjóni vegna sementsryksins bent á
að tilkynna um tjón á heimasíðu vis.
is eða hafa samband við trygginga-
félagið VÍS, en Sementsverksmiðjan
er vátryggð hjá félaginu.
Stærra svæði en talið
var í fyrstu
Ljóst er að sementsrykið sem fór
yfir byggðina á Akranesi þessa nótt
fór yfir mun stærra svæði en í fyrstu
var talið. Magn sements er án vafa í
tonnum talið, fremur en hundruðum
kílóa, og áhrif mengunarinnar gæt-
ir því víða eins og glögglega má sjá í
gamla bæjarhlutanum. Ef marka má
búsetu nokkurra þeirra bíleigenda
sem létu þrífa bíla sína daginn eftir
óhappið, er svæðið sem rykið fór yfir
töluvert stórt. Á meðfylgjandi loft-
mynd sem Skessuhorns vann er það
skyggt. Innan þess er vitað um hús-
og bíleigendur sem urðu fyrir tjóni
af sementsmengum. Gerður er fyrir-
vari um að svæðið getur verið minna
- eða stærra.
Opnaði spjallsíðu
um áhrifin
Kristinn jónsson íbúi neðst við
Kirkjubraut á Akranesi hefur opnað
síðu á Facebook undir nafninu Sem-
entsslys á Akranesi, umræðuhópur.
Þar hvetur hann samborgara sína til
að tjá sig um tjón sem þeir telja sig
hafa orðið fyrir á húsum og bílum.
„Við þurfum að vera virk í að upplýsa
hvert annað um gang mála með þrif,
hvernig samskipti ganga við trygg-
ingarnar og svo framvegis og ekki
skemmir það neitt að pósta myndum
af aðstæðum hjá ykkur ef það á við,“
skrifar Kristinn.
mm
Sementsverksmiðjan upplýsir um viðbrögð
við mengunaróhappinu í síðustu viku
Hér er verið að hreinsa framan af Lesbókinni við Kirkjubraut. Ljósm. hs.
Kort sem sýnir svæðið þar sem áhrifa mengunarinnar gætti.
Unnið var af kappi á bifreiðaverkstæði Hjalta á miðvikudagskvöldið við hreinsun
bíla og bón á nokkrum þeirra.
Unnið var sleitulaust allan síðasta miðvikudag að hreinsun húsa og bíla sem
urðu fyrir sementi. Slökkvilið, starfsmenn Gísla Jónssonar ehf og fleiri komu að
hreinsistarfinu en vinna þurfti hratt enda erfiðara að ná sementinu af eftir því
sem lengra líður frá atvikinu.