Morgunblaðið - 21.01.2021, Blaðsíða 20

20 FRÉTTIRInnlent
MORGUNBLAÐIÐ FIMMTUDAGUR 21. JANÚAR 2021
Lambhaga. Þar fer fullvinnsla,
pökkun og dreifing fram.
Þegar ný tækni er tekin í notkun
kemur oft ýmislegt upp á. Hafberg
segir að síðustu vikur og mánuði hafi
agnúarnir verið sniðnir af bún-
aðinum.
Nú er hann tilbúinn til að auka
við. Gróðurhúsið var byggt fyrir sex
ræktunarfæribönd en í fyrsta
áfanga voru aðeins þrjú tekin í notk-
un. Verður þremur bætt við á þessu
ári og er húsið þar með nýtt að fullu.
Þá verður byggt aðstöðuhús og íbúð-
arhús fyrir starfsfólk og í kjölfarið
verður næsta sjö þúsund fermetra
gróðurhúsið byggt. Stefnir Hafberg
að því þegar á næsta ári.
Ekkert að gefa eftir
Hafberg hefur starfað við garð-
yrkju frá því hann fór fjórtán ára í
sveit í garðyrkjustöðina Laufskála í
Borgarfirði. Hann fór síðan til Nor-
egs í garðyrkjunám og vinnu og þeg-
ar heim var komið stofnaði hann
Lambhaga árið 1979. Eiginkona
hans, Hauður Helga Stefánsdóttir,
markaðaðsstjóri Lambhaga, stendur
að rekstrinum með honum.
Hafberg stendur í 1.100 milljóna
króna uppbyggingu og önnur eins
fjárfesting er framundan. „Það er
áhuginn fyrir því að gefa fólki mögu-
leika á að fá ferskt, ómengað græn-
meti,“ segir Hafberg þegar hann er
spurður hvað drífi hann áfram.
„Enginn er eilífur en það eru engin
merki um að ég sé að gefa eftir,“
bætir hann við.
Morgunblaðið/Árni Sæberg
Afurðir Sjálfvirkar vélar skera salatið og færibönd færa afurðirnar í poka í keri sem fer strax í kæli. Pottarnir með afskurðinn fara sína leið.
Skorið Salatið skilar sér í geymslu-
pakkningar og fer beint í kæli.
„Við erum að greina starfsemi okkar út frá heimsmarkmiðum Samein-
uðu þjóðanna vegna þess að við viljum leggja okkar af mörkum til ís-
lensks samfélags, jafnt umhverfislega, samfélagslega og efnahagslega.
Innleiðing markmiðanna snýst um að draga úr neikvæðum áhrifum,“
segir Hauður Helga Stefánsdóttir, markaðsstjóri og annar eigandi
Lambhaga.
Hún segir að áherslur Lambhaga liggi meðal annars í því að tryggja
fæðuöryggi Íslendinga, bæta næringu og stuðla að sjálfbærum land-
búnaði. „Okkur finnst ótrúlega mikilvægt á þeim tímum sem við lifum
að taka þátt í að takmarka losun gróðurhúsalofttegunda frá rekstri
Lambhaga, setja stefnu í umhverfismálum og innleiða mælingar og
markmið sem draga úr kolefnisfótspori fyrirtækisins,“ segir Hauður.
Verið er að vinna að útreikningum á kolefnisfótspori rekstursins.
„Við ákváðum að spýta í lófana í þessu málefni, meðal annars vegna
Covid-19, en faraldurinn er gott dæmi um félagslegar og heilsufars-
legar ógnanir sem samfélagið okkar stendur frammi fyrir í dag vegna
umgengni okkar mannanna við jörðina okkar. Það hefur aldrei verið
mikilvægara en nú að stuðla að sjálfbærum landbúnaði og grænmetis-
framleiðslu. Við eigum jú bara eina jörð,“ segir Hauður.
Dregið úr neikvæðum áhrifum
UMHVERFISSTEFNA
Sáning Sjálfvirk vél býr til potta úr pappír. Ganga rennur með pottum í gegnum sán-
ingarvél. Fjær vinna starfsmenn við hinn enda framleiðslunnar, afskurðinn.
Hagstofa Íslands hefur nú endur-
skoðað mannfjöldaspána fyrir tíma-
bilið 2020-2069. Birt eru þrjú afbrigði
af framreikningunum á íbúafjöld-
anum, þ.e.a.s. miðspá, háspá og
lágspá. Nú er í endurskoðaðri miðspá
gert ráð fyrir að íbúar landsins verði
orðnir 445 þúsund árið 2069.
Í háspánni er hins vegar reiknað
með að íbúar verði 527 þúsund í lok
spátímabilsins en 370 þúsund sam-
kvæmt lágspánni.
Í frétt Hagstofunnar í gær kemur
fram að engar breytingar verða á
áætlaðri meðalævi landsmanna í end-
urskoðaðri spá miðað við þá mann-
fjöldaspá sem birt var í desember sl.
Gætu verið 500 þúsund á árinu
2059 samkvæmt háspá
Af spátölum Hagstofunnar má
meðal annars sjá að ef háspáin geng-
ur eftir verða Íslendingar orðnir
rúmlega 400 þúsund talsins á árinu
2024 en samkvæmt miðspá nær þjóð-
in því marki á árinu 2027.
Samkvæmt háspánni gætu Íslend-
ingar orðið 500 þúsund talsins á árinu
2059 en ef miðspáin gengur eftir
verða Íslendingar á því ári 438 þús-
und talsins.
Nýtt líkan búferlaflutninga
Í skýringum Hagstofunnar í gær
kemur fram að endurskoðunin á
mannafjöldatölunum felst í því að
gert var nýtt líkan fyrir búferlaflutn-
inga erlendra ríkisborgara til að bæta
aldursdreifingu mannfjöldans yfir
spátímabilið. „Nýtt líkan tekur mið af
komu til landsins, dvalartíma og aldri
og tekur áætlaður brottflutningur er-
lendra ríkisborgara frá landinu nú
mið af þeim atriðum,“ segir í frétt
Hagstofunnar. omfr@mbl.is
Íbúar gætu orðið
400 þúsund 2027
 Hagstofa Íslands
hefur endurskoðað
mannfjöldaspána
Morgunblaðið/Hari
Mannfjöldi Áætlað er að landsmenn
verði 445 þúsund árið 2069.