Morgunblaðið - 04.03.2021, Page 12

12 DAGLEGT LÍF
MORGUNBLAÐIÐ FIMMTUDAGUR 4. MARS 2021
Sérhæfum okkur í sölu og leigu á atvinnuhúsnæði
Pantaðu verðmat eða skoðun – 534 1020 // sala@jofur.is
TIL LEIGU
Austurströnd 5,
170 Seltjarnarnesi
Stærð: 479,5 m2
Gerð: Verslunar-/ og
þjónustuhúsnæði
Ármúla 7, Reykjavík - www.jofur.is
HAGSTÆTT LEIGUVERÐ
Vandað og gott atvinnuhúsnæði sem skiptist upp í
móttöku- /verslunarrými, opið skrifstofurými með 2
skrifstofum sem hægt er að loka með glerveggjum,
kaffistofu með innréttingu, tvær snyrtingar og stórt
lagerrými með innkeyrslu-/ vöruhurð.
Á gólfi í verslunar- og skrifstofuhluta er parket en í
lagerhluta er gólf málað. Kerfisloft og lýsing í loftum.
VSK leggst við leigufjárhæðina. Húsnæðið er laust strax.
Nánari upplýsingar veitir Helgi Már Karlsson
löggiltur fasteignasali og löggiltur leigumiðlari
s. 897 7086 hmk@jofur.is
Einnig er hægt að nálgast upplýsingar á heimasíðu
www.jofur.is
Sími 534 1020 BergsveinnS: 863 5868
Helgi Már
S: 897 7086
Magnús
S: 861 0511
Ólafur
S: 824 6703
Sigurður Bogi Sævarsson
sbs@mbl.is
Áþingi Landssambands ungmenna-félaga um síðustu helgi var Jóna Þór-ey Pétursdóttir úr Kópavogi kjörinungmennafulltrúi Íslands á sviði
mannaréttinda á vettvangi Sameinuðu þjóð-
anna. Sem slík verður hún fulltrúi ungs fólks á
allsherjarþingi samtakanna í New York í haust.
Fleiri fulltrúar ungra Íslendinga verða valdir til
annarra verkefna hjá SÞ á næstunni, hvar
fjallað verður meðal annars um kynjajafnrétti
og sjálfbærni. Allt mikilsverð mál sem nýjar
kynslóðir láta sig varða og vilja hafa áhrif á.
Greiðara aðgengi að upplýsingum
„Leiðirnar til þess að láta til sín taka eru
margar,“ segir Jóna. „Félagasamtök og alþjóð-
legar stofnanir kalla bókstaflega eftir röddum
ungs fólks, sem hefur margfalt greiðara að-
gengi að upplýsingum en fyrri kynslóðir höfðu.
Sjónarmiðin í dag byggjast því vonandi á betri
þekkingu en áður. Með samfélagsmiðlum og
netinu er líka mun auðveldara en áður að hafa
áhrif á þróun mála.“
Um þessar mundir er Jóna, sem er 25 ára,
að ljúka meistaraprófi frá lagadeild Háskóla Ís-
lands þar sem hún hefur einnig sinnt aðstoð-
arkennslu. Í námi sínu, svo sem í verkefnum og
ritgerðum, hefur hún lagt sig eftir mannrétt-
indamálum. Þannig fjallaði lokaverkefni hennar
um félags- og efnahagsleg réttindi ungs fólks á
Íslandi í samanburði við Norðurlöndin. Þar var
sérstaklega horft til stöðu námsfólks.
Allt er þetta samkvæmt áherslum og
áhuga Jónu Þóreyjar í stjórnmálunum, svo sem
á vettvangi Rannveigar sem er félag ungra
jafnaðarmanna í Kópavogi. Þá var hún leiðtogi
Röskvu í stúdentapólitík og forseti Stúd-
entaráðs Háskóla Íslands 2019-2020. Eftir
starfsárið sem forseti var hún tilnefnd af JC-
hreyfingunni sem ein af Topp 10 Framúrskar-
andi ungum Íslendingum fyrir störf í þágu
menntunar. Á þeim vettvangi lét hún meðal
annars til sín taka í málefnum flóttafólks, svo
sem því að Háskóli Íslands hætti að aldurs-
greina börn og ungmenni á flótta með tann-
greiningum.
„Stúdentaráð taldi slíkar aðferðir ómann-
úðlegar. Við töldum ekki rétt að þær færu fram
hjá æðstu menntastofnun þjóðarinnar. Við
studdum þá afstöðu með gögnum frá bresku
tannlæknasamtökunum og ráðgjafa- og sið-
fræðihópi Evrópuakademíu barnalækna. Góðu
heilli hefur tannlæknadeildin nú horfið frá þess-
um vinnubrögðum, enda mátti draga vís-
indalegt gildi þeirra í efa. Atfylgi stúdenta hafði
mikið að segja þarna,“ segir Jóna Þórey.
Af öðrum störfum hennar má nefna þátt-
töku í loftslagsráðstefnu Sameinuðu þjóðanna
2019. Ráðstefnan var haldin í Madrid, en sjálf
sat Jóna Þórey meðal norrænna fulltrúa í
Stokkhólmi sem þar voru í fjarsambandi við
eiginlegan fundarstað.
Vitundavakning Gretu Thunberg
„Loftslagsmálin eru dæmi um málefni þar
sem ungt fólk hefur látið til sín taka og raun-
verulega haft áhrif. Greta Thunberg hefur
hrundið af stað vitundarvakningu meðal ung-
menna um allan heim. Loftslagsverkföllin sem
ungt fólk á Íslandi stendur fyrir eru merkilegt
félagslegt framtak og eru nú hafin að nýju hér-
lendis eftir hlé vegna kórónuveirunnar. Von-
andi verður fjölmennt á Austurvöll á næst-
unni,“ segir Jóna og heldur áfram:
„Sjálf lít ég svo á að loftslagsmál séu eitt-
hvert brýnasta viðfangsefni samtíðar okkar og
haldast alveg í hendur við mannréttindamálin. Í
fátækari löndum eru loftslagsbreytingar, upp-
skerubrestur og vatnsskortur að skerða mjög
lífsgæði fólks, en þó þannig að karlarnir eiga
auðveldara með að róa á önnur mið eða skapa
sér betri lífsskilyrði. Tækifæri kvenna og barna
til slíks eru ekki hin sömu og þau því líklegri til
að líða fyrir ástandið. Þarna verðum við öll að
láta til okkar taka og bæta úr.“
Mín kynslóð hafi áhrif
Jóna fer nú í haust til framhaldsnáms í lög-
fræði við Háskólann í Edinborg í Skotlandi.
Ekki þarf að koma á óvart að þar hyggist hún
leggja sig eftir mannréttindum og loftslags-
málum og tvinna þessi efni saman í verkefnum
sínum og rannsóknum.
„Mannréttindi, það er málefni kynjanna,
hlýnun andrúmsloftsins og váin sem því fylgir,
aðgengi að menntun eða félagslegum gæðum.
Allt þetta eru mikilvæg mál sem ég vil beita
mér fyrir breytingum á. Þar trúi ég að mín kyn-
slóð geti haft áhrif og finnst því afar spennandi
að verða fulltrúi Íslands á allsherjarþingi Sam-
einuðu þjóðanna, þar sem lagðar eru línur um
mál sem varða heiminn allan miklu máli.“
Mannréttindin eru mikilvæg málefni
Morgunblaðið/Sigurður Bogi
Barátta Félagasamtök og alþjóðlegar stofnanir kalla bókstaflega eftir röddum ungs fólks, segir
Jóna Þórey sem hefur beitt sér í ýmsum félagsmálum og stefnir á framhaldsnám í lögfræði.
Ég vil beita mér fyrir breytingum,
segir Jóna Þórey Pétursdóttir úr
Kópavogi. Hún verður ung-
mennafulltrúi Íslands í mann-
réttindamálum á allsherjarþingi
Sameinuðu þjóðanna í haust.