Morgunblaðið - 04.03.2021, Síða 38

38 FRÉTTIRErlent
MORGUNBLAÐIÐ FIMMTUDAGUR 4. MARS 2021
Stefán Gunnar Sveinsson
sgs@mbl.is
Joe Biden Bandaríkjaforseti til-
kynnti í fyrrinótt að Bandaríkin
myndu eiga næg bóluefni gegn kór-
ónuveirunni í forðabúri sínu fyrir
alla fullorðna íbúa landsins fyrir lok
maímánuðar, eða um tveimur mán-
uðum fyrr en stefnt var að.
Hyggjast Bandaríkjamenn setja
aukinn þrótt í bólusetningarherferð
sína vegna þessara tíðinda, en rík-
isstjórn Bidens hefur stefnt að því að
meira en 100 milljónir manns verði
bólusettar fyrir veirunni fyrir 30.
apríl, en þann dag mun Biden hafa
verið hundrað daga í embætti.
Nú þegar hafa rúmlega 78 millj-
ónir Bandaríkjamanna fengið að
minnsta kosti einn skammt af bólu-
efni gegn kórónuveirunni, eða sem
nemur um 15,6% af öllum íbúum
landsins. Þá hafa um 8% fengið báða
skammtana sem flest bóluefnin
krefjast. Um 1,7 milljónir manna fá
bóluefni á degi hverjum í Bandaríkj-
unum, og sagði Biden nauðsynlegt
að flýta því ferli sem mest.
Biden kynnti um leið samkomulag
milli lyfjafyrirtækjanna Merck og
Johnson & Johnson um að fyrr-
nefnda fyrirtækið framleiði bóluefni
hins síðarnefnda. Sagði Biden þetta
dæmi um samvinnu fyrirtækja sem
áður hefði sést við framleiðslu her-
gagna í síðari heimsstyrjöld, en
Merck hætti við að þróa sitt eigið
bóluefni í janúar.
Fleiri skammtar til Austurríkis
Evrópusambandið tilkynnti í gær
að það hygðist senda 100.000
skammta af bóluefni Pfizer og BioN-
Tech til Austurríkis, en Sebastian
Kurz Austurríkiskanslari sagði
sendingunni ætlað að glíma við suð-
urafríska afbrigði veirunnar, sem
reynst hefur mjög skætt í Schwaz-
héraði landsins.
Sagði Kurz markmiðið að reyna að
stöðva frekari smit af afbrigðinu eins
fljótt og auðið væri, en hann gagn-
rýndi ESB harðlega fyrr í vikunni
fyrir hægagang í bólusetningum.
Kurz og Mette Frederiksen, for-
sætisráðherra Dana, hyggjast funda
í dag með Benjamín Netanyahu, for-
sætisráðherra Ísraels, til að ræða
samstarf ríkjanna þriggja um fram-
leiðslu og þróun á bóluefnum.
Bólusetningarherferð ESB hefur
ekki þótt standa undir væntingum
og hafa nokkur aðildarríki þess því
leitað sér fanga utan hinnar sameig-
inlegu áætlunar sambandsins, m.a.
hjá Rússum og Kínverjum.
AFP
Bólusetning Búið er að bólusetja 78
milljónir Bandaríkjamanna.
Forðabúrið klárt fyrir lok maí
 78 milljónir Bandaríkjamanna hafa þegar verið bólusettar fyrir kórónuveirunni  Merck hyggst
framleiða bóluefni Johnson & Johnson  Evrópusambandið sendir fleiri skammta til Austurríkis
Stjórnvöld í Moskvu gagnrýndu
vesturveldin harðlega í gær, en
Bandaríkjastjórn og Evrópusam-
bandið kynntu á þriðjudaginn nýjar
refsiaðgerðir vegna meðferðar
Rússa á stjórnarandstæðingnum
Alexei Navalní.
Sagði Dímítrí Peskov, talsmaður
Vladimírs Pútín Rússlandsforseta,
að Bandaríkjamenn og ESB væru
með aðgerðum sínum að valda sam-
skiptum þeirra við Rússland umtals-
verðum skaða, og væru þau á vond-
um stað fyrir.
Bandaríkjastjórn ákvað í fyrradag
að setja viðskiptaþvinganir á sjö
háttsetta embættismenn í Rúss-
landi, eftir að leyniþjónustustofnanir
Bandaríkjanna komust að þeirri nið-
urstöðu að rússnesk stjórnvöld bæru
ábyrgð á Novichok-árásinni á Na-
valní í ágúst síðastliðnum. Á meðal
þeirra sem sæta nú refsiaðgerðum
er Alexander Bortnikov, yfirmaður
rússnesku leyniþjónustunnar FSB,
en stofnunin hefur verið sökuð um
að hafa átt veg og vanda af eitrun
Navalnís.
Peskov hafnaði hins vegar öllum
slíkum ásökunum og sagði það fyrir
neðan allar hellur að saka FSB um
slíkt athæfi.
Sagði hann um
leið að aðgerðir
Bandaríkja-
manna og ESB
fælu í sér „af-
skipti“ af innan-
ríkismálum
Rússa og hét því
að þeir myndu
svara refsiað-
gerðum vest-
urveldanna í sömu mynt.
Fyrstu skilaboðin úr fangelsinu
Navalní fékk í gær að senda sín
fyrstu skilaboð úr Kolchukino-
fangelsinu þar sem hann er nú hafð-
ur í haldi. Setti Navalní færslu á
Instagram-síðu sína, þar sem hann
sagði að ekkert bjátaði að hjá sér.
Gantaðist hann með lífið innan fang-
elsismúra, en Navalní deilir klefa
með tveimur öðrum.
Fangelsið er skammt utan
Moskvu, en gert er ráð fyrir að Na-
valní verði fljótlega fluttur í svo-
nefndar „fangabúðir nr. 2“ til að af-
plána refsingu sína til tveggja og
hálfs árs fyrir að hafa rofið skilorð.
sgs@mbl.is
Rússar fordæma
refsiaðgerðirnar
 Navalní segir ekkert bjáta að sér
Alexei
Navalní
Vísindamenn við
Bristol-háskóla
segja frumnið-
urstöður rann-
sókna sinna
benda til þess að
bóluefni Oxford-
háskóla og Ast-
raZeneca sýni
meira en 80%
virkni meðal eldra fólks í áhættu-
hópum eftir einungis einn skammt.
Bóluefni Pfizers sýndi um 71%
virkni í sömu rannsókn, en enn á
eftir að ritrýna hana.
Könnuðu vísindamennirnir
virkni bóluefnanna í fólki yfir átt-
ræðu, sem hafði farið á sjúkrahús
með öndunarfærasjúkdóm, og at-
huguðu hvort viðkomandi hefði
verið bólusettur.
Segja höfundar rannsóknarinnar
að hún hafi leitt í ljós að bæði bólu-
efni veittu vörn gegn veirunni eftir
einungis einn skammt og bæði
drægju úr áhættunni á því að veikj-
ast alvarlega af henni.
Nokkur ESB-ríki hafa forðast að
gefa fólki yfir 65 ára aldri bóluefni
AstraZeneca, en Frakkar ákváðu
fyrr í vikunni að snúa þeirri
ákvörðun við.
BRETLAND
AstraZeneca sagt
virka vel á eldra fólk
Hið keilulaga Merapi-fjall, sem er á Jövu-eyju í
Indónesíu, byrjaði að gjósa á þriðjudags-
morgun. Merapi er eitt virkasta eldfjall lands-
ins, en nafn þess þýðir „Fjall eldsins“. Merapi
er þó ekki hið eina sem gýs á Indónesíu, því Si-
nabung-fjallið á Norður-Súmötru lét einnig í
sér heyra á þriðjudaginn með kröftugu ösku-
gosi.
Eldfjallafræðingar skrásettu 13 mismunandi
öskuskot úr fjallinu, en strókurinn úr því náði
allt að fimm kílómetra hæð. Ekki hefur verið
tilkynnt um manntjón af völdum gosanna.
AFP
Eldglæringar
í Indónesíu