Morgunblaðið - 15.04.2021, Síða 34

MORGUNBLAÐIÐ FIMMTUDAGUR 15. APRÍL 2021
Vagnhöfði 7, 110 Reykjavík | Sími: 517 5000 | stalogstansar.is
stalogstansar.is
Allt til
kerrusmíða
2012
2020
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Afurðaverð á markaði
13. apríl 2021, meðalverð, kr./kg
Þorskur, óslægður 292,67
Þorskur, slægður 360,94
Ýsa, óslægð 440,13
Ýsa, slægð 340,78
Ufsi, óslægður 168,20
Ufsi, slægður 167,53
Gullkarfi 199,56
Blálanga, slægð 108,00
Langa, óslægð 196,23
Langa, slægð 162,50
Keila, óslægð 17,50
Keila, slægð 78,12
Steinbítur, óslægður 88,69
Steinbítur, slægður 122,23
Skötuselur, slægður 530,84
Grálúða, slægð 629,08
Skarkoli, óslægður 140,98
Skarkoli, slægður 453,91
Þykkvalúra, slægð 680,70
Langlúra, óslægð 190,49
Sandkoli, óslægður 10,00
Sandkoli, slægður 141,00
Bleikja, flök 1.441,00
Regnbogasilungur, flök 3.176,00
Gellur 1.134,07
Grásleppa, óslægð 22,20
Hlýri, óslægður 152,00
Hlýri, slægður 154,74
Hrogn/ýsa 210,12
Hrogn/þorskur 233,11
Lifur/þorskur 88,30
Lúða, slægð 821,51
Lýsa, slægð 44,84
Náskata, slægð 14,00
Rauðmagi, óslægður 8,61
Skata, slægð 49,21
Stóra brosma, slægð 49,00
Undirmálsýsa, slægð 179,57
Undirmálsþorskur, óslægður 213,80
Undirmálsþorskur, slægður 191,96
Ágúst Ingi Jónsson
aij@mbl.is
Ráðgert er að togarinn Mars RE
leggi í sína síðustu ferð fyrir mán-
aðamót, en skipið hefur verið selt í
brotajárn til Belgíu. Skipið er betur
þekkt sem Sturlaugur Böðvarsson
AK og Sigurfari II SH og var smíðað
hjá skipasmíðastöð Þorgeirs og Ell-
erts fyrir Grundfirðinga 1981.
Skipaþjónusta Íslands eignaðist
skipið fyrir tveimur árum og segir
Ægir Örn Valgeirsson fram-
kvæmdastjóri að framundan sé að
skipið fari í slipp þar sem það verður
meðal annars botnskoðað til að geta
fengið nauðsynleg leyfi til ferðar-
innar til Belgíu. Hann segir að einn
af dráttarbátum Skipaþjónustunnar
muni draga skipið.
140 manns unnu í stöðinni
Í Morgunblaðinu 21. júní 1981
segir frá því að Sigurfara II SH, nýj-
um 450 tonna skuttogara, hafi verið
hleypt af stokkunum hjá skipa-
smíðastöð Þorgeirs og Ellerts hf. á
Akranesi. „Skuttogari þessi er
byggður fyrir þá feðga Hjálmar
Gunnarsson og Gunnar Hjálmars-
son, Grundarfirði, og er þetta þriðja
skipið sem þessi skipasmíðastöð
smíðar fyrir þá feðga. Hin eru Siglu-
nes og Haukaberg sem bæði eru 105
lesta. Sigurfari II er 35. nýsmíði
skipasmíðastöðvarinnar sem hóf
starfsemi 1928 og það stærsta til
þessa,“ segir í frétt Morgunblaðsins.
Í skipasmíðastöðinni unnu þá 140
manns að því er fram kemur í
blaðinu. Næstu verkefni voru sögð
smíði 280 lesta fiskiskips fyrir Hrað-
frystihús Breiðdælinga og einnig
hefði verið samið um smíði tveggja
eins skipa fyrir Síldar- og fiskimjöls-
verksmiðju Akraness hf. og Lárus
Guðmundsson, Grundarfirði.
Haraldur Böðvarsson & co á
Akranesi keypti togarann snemma
árs 1986 og gaf honum þá nafnið
Sturlaugur H. Böðvarsson AK 10.
Togarinn varð síðan hluti af útgerð
HB Granda eftir að Haraldur Böðv-
arsson hf. og Grandi hf. sameinuðust
1. janúar 2004 undir nafninu HB
Grandi. Útgerðarfélag Reykjavíkur
keypti skipið af HB Granda í byrjun
febrúar 2019 og fékk það þá nafnið
Mars RE 13. Skipaþjónusta Íslands
eignaðist skipið fyrir ári.
Verkefni á Grænlandi
Skipaþjónustam hefur tekið að sér
þjónustuverkefni á Grænlandi og
tengist það námuvinnslu. Þau mál
skýrast á næstunni að sögn Ægis.
Þá hefur fyrirtækið eignast Kleifa-
berg RE og verður ákveðið á næst-
unni hvað gert verður við það.
Morgunblaðið/Árni Sæberg
40 ára Mars RE við bryggju í Örfirisey. Skipið fer í brotajárn á næstunni.
Gamli Sturlaugur
í brotajárn í Belgíu
- Smíðaður fyrir Grundfirðinga
Gunnlaugur Snær Ólafsson
gso@mbl.is
Íslensku kaupskipafélögin Eimskip
og Samskip fagna frumvarpi um lög
um íslenska alþjóðlega skipaskrá,
sem samgöngu- og sveitarstjórnar-
ráðuneytið hefur birt í samráðsgátt
stjórnvalda, í skriflegum svörum við
fyrirspurn blaðamanns. Segja félög-
in núverandi rekstrarumhverfi ekki
hagstætt og benda á að ekkert
kaupskip sé skráð hér á landi.
Verkalýðsfélögin hafa hins vegar
gagnrýnt frumvarpið harðlega sem
þau segja, verði það að lögum,
heimila félagslegt undirboð á Ís-
landi. Vísar verkalýðshreyfingin til
ákvæðisins sem heimilar kaupskip-
um sem skráð eru á Íslandi að
greiða laun samkvæmt kjarasamn-
ingum í heimalandi skipverja.
Í svari Eimskips um afstöðu fé-
lagsins til hins umdeilda ákvæðis
segir: „Ein af ástæðum þess að nú-
verandi skipaskrá er ekki með
skráð skip er vegna þeirra takmark-
ana er snúa að áhöfnum. Með því að
létta slíkum takmörkunum er mun
líklegra að alþjóðlegir skipaeigend-
ur sjái hag sinn í því að skrá skip
sín á Íslandi og það getur falið í sér
tækifæri fyrir íslenska sjómenn eins
og dæmin sanna t.d. frá Færeyjum
þar sem færeyskir sjómenn eru
starfandi á alþjóðlegum skipum sem
skráð eru í færeysku skipaskránni
og sama má segja um Noreg.“
Samskip tekur undir mikilvægi
samkeppnishæfni og segir: „Þess
má um leið geta að langstærsti hluti
flutninga til og frá Íslandi er á
höndum erlendra aðila og skipa sem
skráð eru út um allan heim. Í því
samhengi má nefna flutninga á súr-
áli, olíu, áli, margvíslegri bygging-
arvöru, fóðri, áburði, vikri, fiski-
mjöli og fleiru. Samskip styðja því
breytingar sem gera fyrirtækjum
kleift að keppa á jafnræðisgrund-
velli.“
Mikilvægt hlutverk
Þá telja bæði félögin jákvætt að
stjórnvöld hafa kynnt frumvarp um
breytingar á gildandi lögum sem á
að skapa grundvöll fyrir íslenska al-
þjóðlega skipaskrá.
„Enda gegnir kaupskipaútgerð
mikilvægu hlutverki í alþjóðavið-
skiptum sem og fyrir íslenskt sam-
félag. Fyrir eyríki eins og Ísland er
mikið öryggismál fyrir þjóðina að
hafa kaupskip skráð á Íslandi svo
landið hafi yfirráð yfir slíkum skip-
um á vályndum tímum, t.d. í heims-
faröldrum í framtíðinni eða ef upp
kæmi stríðsástand. […] Því yfirráð
yfir skipum ráðast af flaggríki
skipsins,“ segir í svari Samskipa.
Eimskip segir að „með frumvarp-
inu er verið að breyta löggjöfinni á
Íslandi til samræmis við það sem
gengur og gerist í nágrannalöndum
okkar sem er jákvætt. Það eru
vissulega einhverjir þættir sem
skerpa þarf á en við erum að fara
yfir drögin og munum koma okkar
ábendingum á framfæri“. Fram
kemur í greinargerð frumvarpsins
að gert sé ráð fyrir að fjármálaráðu-
neytið birti frumvarp um breytingar
á skattlagningu kaupskipaútgerða
og telja skipafélögin líklegt að
áformin auki líkur á að skip verði
skráð hér á landi. Það er þó háð því
að takist að skapa hagstæða um-
gjörð sem uppfyllir öryggiskröfur,
kröfur til skráninga og útgáfu skír-
teina og aðra þjónustu. „Til að halda
uppi slíkri sólarhringsþjónustu þarf
því að laða að nokkurn fjölda skipa,“
segir í svari Eimskips.
Samskip vísa til þess að félagið sé
með flutninga í 12 ríkjum og meiri-
hluti þeirra verkefna ótengdur Ís-
landi.
„Að mörgu er að hyggja varðandi
alþjóðlega skipaskrá og má þar
nefna hluti á borð við lagaumhverfi,
skattareglur, reglur um áhafnir og
þjónustu skipaskrár við skipseig-
endur. En verði lagabreytingarnar
til þess að lögin hér verði sam-
keppnishæf við það sem annars
staðar gerist aukast vissulega mjög
líkur á því að skip verði skráð hér á
landi.“
Reglur um áhafnir ein
hindrana skráninga
- Skipafélög fagna frumvarpi sem verkalýðsfélög harma
Skráning Stjórnvöld hvetja íslenskar kaupskipaútgerðir til að sigla skipum
sínum undir íslenskum fána. Ekkert kaupskip er í dag skráð á Íslandi.