Morgunblaðið - 01.05.2021, Síða 56

Vorvindar er yfirskrift tónleika Duo Landon í 15:15 tón-
leikasyrpunni sem haldnir verða í Breiðholtskirkju í
dag, laugardag, kl. 15:15. Duo Landon skipa fiðluleik-
ararnir Hlíf Sigurjónsdóttir og Martin Frewer, en þau
leika á fiðlur eftir fiðlusmiðinn Christopher Landon og
þaðan er nafnið á dúóinu dregið. Á þessum tónleikum
mun Martin leika á víólu sem Jón Marinó Jónsson
hljóðfærasmiður hefur smíðað. Á efnisskrá tónleikanna
eru dúettar fyrir fiðlu og víólu eftir tónskáldin W.A.
Mozart, B.J. Martinu og G.F. Händel – J. Halvorsen.
Vorvindar á 15:15 tónleikum í dag
LAUGARDAGUR 1. MAÍ 121. DAGUR ÁRSINS 2021
5 6 9 0 9 0 0 0 0 0 9 0 0
Í lausasölu 1.268 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Valsmenn sigruðu Skagamenn 2:0 í upphafsleik Ís-
landsmóts karla í knattspyrnu á Hlíðarenda í gærkvöld
með mörkum Patricks Pedersens og Kristins Freys Sig-
urðssonar. Það var Pedersen sem skoraði fyrsta mark
mótsins í ár. Hinir fimm leikirnir í fyrstu umferðinni
fara síðan fram í dag og á morgun. »48
Pedersen skoraði fyrstur í sigri Vals
ÍÞRÓTTIR MENNING
Steinþór Guðbjartsson
steinthor@mbl.is
Glens, frumkvöðlafyrirtæki þriggja
nemenda á lokaári í Kvennaskólanum
í Reykjavík, setti nýverið fjölskyldu-
spilið 20/20 á markað og hefur salan
farið fram úr björtustu vonum. „Við
byrjuðum með 65 pakka í sölu og þeir
eru nær uppseldir,“ segir Franklín
Ernir Kristjánsson um verkefni hans,
Dóru Lilju Njálsdóttur og Ara Borg
Helgasonar.
Frumkvöðlafræði er valáfangi í
Kvennaskólanum. Nemendur eru
með í fyrirtækjasmiðju, stofna og
reka eigið fyrirtæki, fjármagna það,
gera viðskiptaáætlun og taka þátt í
árlegri vörusýningu á vegum Ungra
frumkvöðla (vorumessan.is).
„Að fenginni ákveðinni leiðsögn
var okkur hent út í djúpu laugina,“
segir Franklín um forsögu þess að
þremenningarnir stofnuðu fyrirtæki
vegna framleiðslu á fjölskylduspilinu.
Hann segir að þau hafi viljað hanna
skemmtilega vöru sem tengdist árinu
2020 og dottið niður á spil sem þau
hönnuðu út frá atburðum og áberandi
Íslendingum í fyrra. „Við lögðum höf-
uðið í bleyti og hugsuðum fyrst um að
gera bók, veltum fyrir okkur ýmsum
öðrum hugmyndum og eftir að við
staðnæmdumst við spilastokk
ákváðum við að hanna okkar eigið
spil.“
Þekktar persónur
Kórónuveirufaraldurinn var málið í
fyrra og því kemur ekki á óvart að sjá
þríeykið, Víði Reynisson, Þórólf
Guðnason og Ölmu Möller, í spilinu.
Þar eru líka til dæmis Hetjurnar, Ari
Eldjárn, Hildur Guðna, Bríet, Bubbi,
Bjarni Ben, Katrín Jakobs og Guðni
Th. Í stokkunum eru 80 spil, 20 per-
sónuspil og 60 orkuspil. Safna þarf
tvisvar sinnum 20 stigum. Spilari fær
mismunandi mörg stig fyrir að ná
hverri persónu og það er gert með því
að safna ákveðnum spilum. „Leik-
urinn snýst um að safna þessum spil-
um og stigum sem þau gefa,“ útskýrir
Franklín. Þríeykið færi til dæmis fólk
í sóttkví og þegar spilari sé sendur í
sóttkví verði hann að sitja hjá í næstu
umferð. „Við lögðum okkur fram um
að skapa skemmtilegt spil fyrir tvo til
fimm keppendur þar sem létt grín og
minningar frá löngu og ströngu ári
svífa yfir vötnum.“
Áfanginn hófst í janúar, nemend-
urnir fóru á fulla ferð í febrúar og
verkefninu var skilað 16. apríl. „Við
höfum fengið mjög góð viðbrögð við
spilinu og keppendur hafa lýst yfir
mikilli ánægju með það,“ segir
Franklín. „Spilið er spennandi og
samkeppnin í því mikil.“
Franklín segir að þessi nýsköpun
hafi kveikt í sér. „Ég ætla að halda
áfram á þessu sviði,“ staðhæfir hann.
Þau vilji líka byggja upp fyrirtækið.
„Framtíðarmarkmiðið er að gefa út
eitt nýtt spil á ári. Vandamálið er að
framkvæma en ekki að hugsa.“ Hann
bætir við að spilið sé ágætis mótvægi
við mikla skjánotkun ungs fólks.
„Mér þykir mun skemmtilegra að
hitta fólk, sitja og spila, heldur en að
sitja fyrir framan tölvuna.“
Ungir frumkvöðlar Franklín Ernir Kristjánsson, Dóra Lilja Njálsdóttir með spilastokkinn og Ari Borg Helgason.
Með ása í spilunum
- Stórhuga frumkvöðlar í Kvennaskólanum í Reykjavík