Fréttablaðið - 30.10.2021, Síða 39

LAUGARDAGUR 30. október 2021
Hjartaheill
Landssamtök
hjartasjúklinga
Ekki ætti að heimila útihátíðir nema tryggt sé að hjartastuðtæki sé í innan við 500 metra fjarlægð, segir Tómas Gíslason, aðstoðarframkvæmdastjóri Neyðarlínunnar. FRÉTTABLAÐIÐ/VALLI
Útbreiðsla hjartastuðtækja er mikilvæg
og vitneskja um staðsetningu þeirra líka
Frekari útbreiðsla hjartastuðtækja og gagnagrunnur yfir staðsetningu þeirra getur bjargað lífi fólks sem fer í
hjartastopp. Miklu máli skiptir fyrir notendur að merkingar við hjartastuðtækin séu mjög áberandi.
Mun meiri útbreiðsla hjarta-
stuðtækja, góðar merkingar og
gagnagrunnur yfir staðsetningu
tækjanna gæti gert kraftaverk
þegar kemur að því að bjarga lífi
fólks sem fer í hjartastopp, segir
Tómas Gíslason, aðstoðarfram-
kvæmdastjóri Neyðarlínunnar. „Ég
sá nýlega kynningu sem ættuð var
frá Heathrow-flugvelli í London.
Þar var talað um að lifun ein-
staklinga sem fá hjartastopp á
fjölförnum göngum flugvallarins
hafi verið um 16% en farið í um
og yfir 80% með markvissri
þjálfun starfsmanna og góðri
dreifingu hjartastuðtækja. Þarna
eru aðstæður náttúrlega mjög sér-
stakar og líklega alltaf einhver sem
verður vitni að atvikinu auk þess
sem AED-merkin, sem segja til um
staðsetningu tækjanna, eru alltaf
sýnileg á göngum flugvallarins.
Líklega er óraunhæft að stefna að
svona árangri hér á landi, en rann-
sóknir í Bandaríkjunum hafa sýnt
fram á að líkur á farsælum árangri
við endurlífgun nánast þrefaldast
sé AED-tæki beitt í tæka tíð.“
Gagnlegir hjartahlauparar
Vandamálið hér á landi er tvíþætt
að mati Tómasar. Annars vegar eru
AED tæki alls ekki komin nógu
víða og hins vegar er hætt við að
of langan tíma taki að koma tæki
á vettvang hjartastopps. „Sjálfum
finnst mér sjálfsagt að stefna að því
að AED tæki séu alls staðar þar sem
búast má við að fólk safnist saman
og reikna megi með meira en tíu
mínútna ferðatíma sjúkrabíls.“
Tómas segir að á nokkrum
stöðum erlendis, t.d. í Svíþjóð og
Danmörku, hafi komið upp 