Fréttablaðið - 06.11.2021, Blaðsíða 88

Fréttablaðið - 06.11.2021, Blaðsíða 88
Fyrir galdur skáld- skaparins var sérstak- lega gaman að geta hoppað frá glæsi- höllum og strætum Kaupmannahafnar og vestur í Breiðafjörð og svæðið þar í kring með bókstaflega einu pennastriki. Sigurverkið er nýjasta skáld- saga Arnaldar Indriðasonar, söguleg skáldsaga sem gerist á Vestfjörðum og í Kaup- mannahöfn á 18. öld. Arnaldur er gríðarlega vinsæll glæpasagnahöfundur, með dyggan aðdáendahóp, og hefur sent frá sér eina glæpasögu á ári í fjöldamörg ár. Hann er spurður hvort hann sé ekki að taka vissa áhættu með þessari nýju bók. „Sjálfsagt er maður að taka ein- hverja áhættu, ég hef bara ekki mikið pælt í því,“ segir hann. „Þetta söguefni kom til mín mjög skyndi- lega og ég afréð að láta reyna á að skrifa upp úr því sögulega skáld- sögu. Þótt tímabilið sem ég skrifa um og söguefnið sé frábrugðið öðrum bókum mínum hef ég alltaf reynt að senda frá mér sæmilegar bókmenntir og ég hef tekist á við margt af því sem Sigurverkið fjallar um í mínum glæpasögum. Þannig að stökkið fyrir mig var ekki svo stórt. Það eru margir aðrir en ég sjálfur hissa á þessum vendingum.“ Sagnfræði og skáldskapur Aðalpersóna bókarinnar er Jón Sívertsen úrsmiður sem segir Dan- konungi, Kristjáni VII, dapurlega örlagasögu föður síns, Sigurðar, og ráðskonu hans, Guðrúnar, sem voru tekin af lífi. Þess má geta að minnisvarði um Guðrúnu er við Mikladalsá við Patreksfjörð þar sem henni var drekkt. „Ég rakst á nafn Jóns Sívertsens úrsmiðs í Kaupmannahöfn í Árbók Ferðafélags Íslands síðasta sumar og þekkti það frá Birni Th. Björnssyni þar sem hann skrifaði um Íslend- inga í Kaupmannahöfn. Í Árbókinni sá ég að Jón tengdist ákveðnu dóms- máli frá miðri átjándu öld vestur við Breiðafjörð þannig að það var fyrst og fremst söguefnið sem réð þessu ferðalagi. Hann hefur að líkindum gert við þessa glæsiklukku sem er í forgrunni sögunnar þótt hann hafi Söguefnið réð ferðalaginu Það eru margir aðrir en ég sjálfur hissa á þessum vendingum, segir Arnaldur. FRÉTTABLAÐIÐ/ SIGTRYGGUR ARI Kolbrún Bergþórsdóttir kolbrunb @frettabladid.is sennilega aldrei stigið fæti inn í Kristjánsborgarhöll.“ Arnaldur segist hafa þurft að leggja í töluverða rannsóknar- vinnu vegna bókarinnar. „Ég er ekki óvanur henni í mínum störfum sem rithöfundur auk þess sem ég er með próf í sagnfræði svo að það er bara mjög skemmtilegur hluti af vinnunni. Það er heilmikil sagn- fræði í Sigurverkinu en fyrst og fremst er bókin auðvitað skáldskap- ur og fyrir galdur skáldskaparins var sérstaklega gaman að geta hoppað frá glæsihöllum og strætum Kaup- mannahafnar og vestur í Breiða- fjörð og svæðið þar í kring með bók- staflega einu pennastriki.“ Læsilegur texti Í Sigurverkinu stíga fram sögulegar persónur, eins og konungurinn og Eggert Ólafsson, skáld og náttúru- fræðingur. „Þegar maður skrifar um slíkar sögulegar persónur fer maður á stúfana og kynnir sér hverjar þær voru og hvernig þær lifðu og hugs- uðu og reynir að nýta sér það en það má ekki vera þvingað eða ofhlaðið í textanum. Einhver mikil þekking- aratriði mega ekki skyggja á drama- tíska byggingu. Maður notar ekki nema lítinn hluta af sögu þeirra í svona skáldverki og auðvitað aðeins það sem hentar ramma sögunnar. Í tilviki kóngsins fannst mér áhuga- vert samband hans og líf læknis hans, Johanns Struensee. Í tilfelli Eggerts vildi ég laða fram upp- lýsingamanninn sem var langt á undan öðrum hér í allri veraldlegri hugsun,“ segir Arnaldur. Bókin er afar læsileg og þar fyrnir Arnaldur málið ekki svo mjög, eins og kannski hefði verið freistandi. „Ég leitast við að fyrna málið upp að vissu marki en forðast í leiðinni að hafa það of stirðbusalegt eða til- gerðarlegt. Ég vildi búa til læsilegan texta sem hefði skírskotun í fortíð- ina og næði því andrúmslofti sem við kannski teljum að eigi við um þessa tíma og gera það með þeim hætti að textinn rynni vel og væri auðskilinn.“ Ofbeldi vandmeðfarið Sigurverkið er saga um skelfilega atburði og þar er frásögn af aftöku sem hlýtur að taka á lesendur. Arn- aldur er spurður hvort einhverjir kaflar hafi tekið á hann þegar hann var að skrifa þá. „Vissulega, en ég reyni líka að létta andrúmsloftið, sérstaklega með lýsingu á samskiptum úrsmiðs- ins og kóngsins í Kristjánsborgar- höll,“ segir hann. „Suma kafla var erfitt að skrifa og þeir þurftu mikla yfirlegu vegna þess að of beldi er vandmeðfarið í skáldskap. Þetta átti sérstaklega við um aftöku Guð- rúnar Valdadóttur. Það voru tveir kaflar sem var mjög erfitt að setja frá sér en ég vildi vera trúr munn- mælunum og því sem haldið var að gerst hefði þann dag og þá er engrar undankomu auðið. Að öðru leytinu var gaman að skrifa margt í þessari sögu og sérstaklega sumt af því sem gerist í Kaupmannahöfn.“ Í glæpasögum Arnaldar hefur alltaf mátt greina sterka samúð með einstaklingum sem eru beittir of beldi og andúð á þeim sem taka sér vald yfir öðrum. Spurður hvort þetta sé ekki einnig afar áberandi í þessari sögu segir Arnaldur: „Bækur mínar snúast oft um valdaleysi þolandans og langtímaáhrifin sem gerandinn hefur á hann. Ég vona að í þeim sé víða að finna samúð með þeim sem brotið er á og eiga um sárt að binda og fá ef til vill ekki réttlætinu fullnægt en þurfa að búa við afleiðingar ofbeldis og kúgunar og óréttlætis. Ég vona að Sigurverkið varpi ljósi á óréttlætið í sinni verstu mynd.“ Áfram með Konráð Á hann von á því að eiga eftir að skrifa fleiri skáldsögur sem eru ekki glæpasögur? „Ég er ekki með neinar slíkar bækur í undirbúningi,“ segir hann. „Núna held ég áfram að segja sögu Konráðs, lögreglumannsins í síðustu bókum mínum. Ég á enn eftir að gera nákvæmari grein fyrir þeim málum sem hann hefur haft í sigtinu að undanförnu og ég á enn eftir að átta mig á persónunni til fulls, svo það er næst á dagskrá. Það er þó aldrei að vita hvað gerist ef reka á fjörur manns karakterar í lík- ingu við úrsmiðinn og kónginn.“ n 48 Menning 6. nóvember 2021 LAUGARDAGURFRÉTTABLAÐIÐMENNING FRÉTTABLAÐIÐ 6. nóvember 2021 LAUGARDAGUR
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93
Blaðsíða 94
Blaðsíða 95
Blaðsíða 96
Blaðsíða 97
Blaðsíða 98
Blaðsíða 99
Blaðsíða 100
Blaðsíða 101
Blaðsíða 102
Blaðsíða 103
Blaðsíða 104

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.