Rit Landbúnaðardeildar : A-flokkur - 01.10.1955, Blaðsíða 56

54
ráðuneytið, að það hlutaðist til um að rannsakað yrði, hvort líkur væru
fyrir aukningu vatnsins við borun og legði fram fé í því skyni, ef nægi-
legar líkur væru fyrir hendi. Þáverandi landbúnaðarráðherra, herra Her-
mann Jónasson, tók þessari málaleitan vel. Var þegar hafizt handa um
sumarið með mælingar. Stóð Gunnar Böðvarsson, yfirverkfræðingur, fyrir
því staifi. Var borað um haustið, og fengust 2.5 1/sek. úr borholunni af
86° heitu vatni auk þess, sem fyrir var. Dýpt borholunnar er 186 m. Fram-
kvæmdin öll kostaði um 50 þús. krónur og var gerð Tilraunastöðinni að
kostnaðarlausu, nema hvað hún hýsti og fæddi mennina, sem að verkinu
unnu. Auk þeirra tveggja manna, sem áður eru nefndir, kom Árni G. Ey-
lands, stjórnairáðsfulltrúi, mjög við þetta mál og fylgdi framkvæmd þess
eftir með festu og dugnaði. — Vil ég hér með færa öllum þessum mönnum
— ásamt bormönnunum, Guðna Jónssyni og Guðmundi Jónssyni, sem
unnu mjög vel — beztu þakkir fyrir drengilegan stuðning við þetta mál,
sem ef til vill á eftir að gjörbreyta aðstöðu Tilraunastöðvarinnar til ýmissa
vandamála í sambandi við reksturinn.
Árið 1954. Á árinu 1954 voru kílræstir um 20 ha af óbrotnu landi.
Kostaði sú framkvæmd rúmlega 6 þús.‘ kr. Þá var lagður vegur og byggð
brú fyrir rúmlega 3.500 kr. Þá voru teknir upp og endurnýjaðir gólfdúkar
á nokkrum herbergjum í íbúðarhúsinu (3.400 kr.). Af verkfærum var
keypt á árinu: Heyýta (ensk, kr. 3000.00) aftan í „Ferguson“-dráttarvél og
kartöfluupptökuvél (kr. 5000.00). Ennfremur þurrkskápur, vog, sláttuvél,
ritvél, skrifborð, peningaskápur og ýmislegt fleira vegna tilraunastarfsem-
innar (alls rúmlega 20 þús. kr.). Þá var og bíllinn gerður upp, keypt á
hann nýtt hús og hurðir (12 þús. kr.).
Vegna þessara framkvæmda og nýkaupa söfnuðust skuldir á árinu (sjá
rekstrarreikning 1954, enda brást garðræktin, eins og síðar mun að vikið.
c. Búrekstur.
Árið 1953. Á fóðrum voru 5 kýr, 44 ær, 45 gemlingar og 6 hrútar, auk
7 fóðrakinda. Flöld voru ágæt á kúm, en nytjar lélegar yfir sumarmánuð-
ina eins og fyrr, þrátt fyrir beit á túni mestan hluta sumarsins jafnframt
úthagabeit. Með samþykki Tilraunaráðs jarðræktar var kúnum fargað
haustið 1953. Var tveim þeirra slátrað, ein seld og tvær leigðar Jóni Kr.
Ólafssyni, bónda á Grund, og hefur verið keypt mjólk hjá honum síðan.
Nytjar af sauðfé voru góðar, eða 16 kg fallþungi af dilkum, og ull að
meðaltali 2.1 kg á kind. Ber þess að gæta, að y4 hlutar lamba þeirra, sem
slátrað var, voru tvílembingar eða lambgimbrarlömb. Tvær ær drápust úr
„Hvanneyrarveiki“ á árinu og þrjár fóru í sjóinn úr eyjum.
Túnið var stækkað um 1.2 ha og er nú 11.5 ha alls.