Rit Landbúnaðardeildar : A-flokkur - 01.10.1955, Side 88

86
Júlí var í kaldara lagi, en heyskapartíð var hagstæð. Gras spratt hægt,
sem mun m. a. hafa stafað af því, hvað jörð var orðin þurr, því úrkoma
var lítil, þó nokkrum sinnum gerði skúri. Þann 29. og 30. var norðvestan
illskuveður og var grátt í heiðar að morgni þess 30.
Ágúst. Fyrri hluti ágúst var kaldur, þokusamur og með súld og skúr-
um. Þann 14,—21 gengu hitar og stillur, og var sú bezta heyskapartíð sem
fáanleg er, suðvestanátt og hitar nótt og dag. Þann 22. gekk til norðaustan-
áttar, kólnaði og var oft súld, en þó þurrkflæsur öðru hvoru. Mikil frost-
héla að morgni höfuðdags, 29. ág., og féll mjög kartöflugras í flestum
görðum, en sá lítið á því í halla og á hæðum. Ágúst var í góðu meðallagi
til heyskapar vegna hinnar ágætu viku frá 14.—21.
September byrjaði með miklu úrfelli og kulda. Hinn 3. gerði mikinn
snjó á heiðarnar og gránaði niður undir bæi. Snjódýpi á Fljótsdalsheiði
var 30—40 cm, og stóð fé víða og gat sig naumast hreyft. Þurrkleysur voru
fram til 10. Þurrkflæsur voru um miðjan mánuðinn, og náðust þá öll
hey hér í nágrenni. Síðustu viku mánaðarins voru samfelld frost, daga og
nætur. Lægst fór frostið í rúmlega 6°. Kartöflur voru víða óuppteknar
að einhverju leyti og mátti heita, að þær gjöreyðilegðust. Var þó víða
tekið upp eftir að aftur var orðið þítt, en þótt kartöflurnar sýndust ó-
skemmdar við upptöku, reyndist mest ónýtt, er frá leið. Berjaþroskun á
þessu sumri var mjög léleg, einkum á bláberjum. September var mjög
slæmur, fram úr hófi kaldur og sólarlaus.
Október var fremur góður, úrkomulítill, veður stillt en óvenju kalt.
Frostakafli um miðjan mánuðinn tók alveg fyrir jarðvinnslu, en í mán-
aðarlokin þiðnaði, og fór klaki þá að mestu úr jörð.
Nóvember mátti heita mildur og snjólaus. í byrjun mánaðarins gerði
þó norðvestankuldaáhlaup og snjóaði dálítið, og var féð tekið á hús. En
þann 6. þiðnaði aftur, og var lengst af þítt það sem eftir var mánaðarins,
einkum síðari hlutann. Fullorðnu fé var aftur sleppt víðast. Miklar rign-
ingar voru síðari hlutann, einkum frá 20.—26. Klaki var allur úr jörð, og
blotnaði hún mjög og vegir urðu þungfærir.
Desember. Fjórir fyrstu dagar desember voru þíðir og ágæt veður, en
snarpur frostakafli frá 5. til 11., og varð víða mjög svellað á jörð, þar sem
hún var mjög blaut fyrir. Frost varð mest aðfaranótt 9., eða rúm 13°.
Aftur þíðviðri og talsverð rigning öðru hvoru fram undir 20., en úr því
lengst af frost og nokkurt snjóföl til áramóta. Desemberveðráttan var
fremur óstöðug en sæmilega góð.
í heildinni verður árferði 1954 að teljast gott.