Múlaþing: byggðasögurit Austurlands - 01.01.2014, Blaðsíða 66

Múlaþing
Frétta- og dagskrárgerðarfólk Svœðisútvarps Austurlands árið 2007. Edda Óttarsdóttirforstöðumaður, Asgrímur
Ingi Arngrímsson og Jón Knútur Asmundsson. Ljósmynd: Hjalti Stefánsson.
Á fundi útvarpsráðs sumarið 1991 var rætt
um vetrardagskrá útvarpsins, þ.á m. „hlut og
fyrirkomulag dagskrárefnis landshlutastöðva
í útvarpsdagskránni á báðum rásum og í
svæðisútvarpi. Utvarpsstjóri [Markús Örn
Antonsson] lýsti þeirri skoðun að hlutur
stöðvanna ætti að fara vaxandi, bæði
svæðisbundið og á landsrásum.“38 Undir þetta
sjónarmið tóku fleiri í ráðinu og var sérstaklega
nefnt að auka þyrfti efni frá svæðisstöðvunum
í dagskrá Rásar 2. Um þetta leyti urðu ákveðin
þáttaskil í umfjöllun útvarpsráðs um málefni
svæðisútvarpa, en frá og með árinu 1992
koma þau sjaldan til umræðu í útvarpsráði.
Þetta má líklega tengja við að Markús Öm
Antonsson hætti sem útvarpsstjóri árið 1991
og varð borgarstjóri í Reykjavík, en áhugi
hans á starfí svæðisstöðvanna og velvilji í
þeirra garð kemur víða fram í fundargerðum
útvarpsráðs. Arið 2000 var bókuð í fundargerð
útvarpsráðs kvörtun tveggja ráðsmanna yfír
því að málefni svæðisstöðvanna hafí orðið
útundan í umljöllun ráðsins og þau verðskuldi
vandaða og reglulega umíjöllun þar.39
I ársskýrslum RUV frá 10. áratugnum er
ávallt tiundað að umtalsverð dagskrárgerð hafi
verið af hálfu svæðisstöðvanna fyrir landsrásir
en aðeins tvö af þessum áram er þó tilgreint
hversu mikið efni barst frá Svæðisútvarpi
Austurlands, 4720 mínútur árið 1991 (ámóti
3316 mínútum í svæðisútsendingum sama ár)
og tæplega 4300 mínútur árið 1992 (en þá voru
útsendingar svæðisútvarps 3632 mínútur). I
ársskýrslum RÚV segir að í svæðisbundnum
útsendingum sé áherslan mest á fréttir og
fréttatengt efni en þar er jafnframt tilgreint
Ríkisútvarpið - skjalasafn. 3097. fundur útvarpsráðs, 5. júlí 1991.
64
Ríkisútvarpið - skjalasafn. 3459. fundur útvarpsráðs, 6. júní
2000.