Heilsuvernd - 01.03.1951, Blaðsíða 28

20
HEILSUVERND
fæddra galdralækna og trúboða, sem hafi ekki vit á læknis-
fræði. Þetta hefir ekki við rök að styðjast. I fyrrnefndum
greinaflokki B. L. J. eru birt ummæli nokkurra lærðra
og þekktra lækna, sem dvalið hafa langvistum meðal frum-
stæðra þjóða í Asíu, Afríku og víðar og hafa sjaldan eða
aldrei séð þar innfædda sjúklinga með krabbamein. Þannig
birtir enska læknablaðið British Medicál Journál þessi
ummæli eftir enskum lækni, sem starfað hafði í Nígeríu í
Afríku árum saman:
„I 22 ár hefi ég aldrei séð hér krabbamein eða sarkmein.
Sumir læknar í strandhéruðum Nígeríu sjá það einstaka
sinnum, en sjúklingarnir eru þá aðallega innfæddir menn,
sem hafa verið með Evrópumönnum og tekið að einhverju
leyti upp siði þeirra og mataræði.“
Það eitt, að hið þekkta læknablað birtir þessi ummæli
og mörg fleiri slík, er trygging fyrir því, að þau eru ekki
úr lausu lofti gripin og styðjast ekki við umsagnir ólæknis-
fróðra galdralækna eða trúboða.
Sem skýringu á því, að lítið sé um krabbamein meðal frum-
stæðra þjóða, getur próf. Dungal þess, að þær séu allar
skammlífar. Lesendur Heilsuverndar vita, að þetta er ekki
rétt. Þeir þekkja litla Húnzaþjóðflokkinn í Norður-Ind-
landi af lýsingu enska læknisins McCarrisons. Og Húnza-
menn ná háum aldri, en fá samt ekki krabbamein, fremur
en aðra menningarsjúkdóma. Sama er að segja um Indí-
ánakynþáttinn, sem sagt er frá á öðrum stað hér í heftinu,
og til eru mörg fleiri slík dæmi.
Hitt er rétt, að flestar eða allar frumstæðar þjóðir og
villiþjóðir eiga við að stríða ýmsa sjúkdóma, sem stafa af
bakteríum eða af óhollum siðum eða matarvenjum. Svo er
t. d. um ýmsar tegundir krabbameina, sem getið er um í
fyrrnefndum greinaflokki og próf. Dungal drepur á í grein
sinni. En allt eru það dæmi um krabbamein, sem stafa af
óhollum siðum eins og t. d. því að tyggja betelhnetur, orna
sér með sérstökum hitunartækjum innanklæða o. s. frv., og
staðfesta þá kenningu, að rangir lífshættir séu orsök þessa