Heilsuvernd - 01.03.1951, Qupperneq 33

HEILSUVERND
25
stemmandi jurtir? Er ekki varhugavert fyrir konur að taka meðul
við of miklum tíðum?
Svör: 1. Hvítlaukur er miklu minni en venjulegur laukur, bragð-
og lyktarsterkari. Spurningunni að öðru leyti svarað hér á undan.
2. Sjá auglýsingar hér i heftinu. — Kaupendur Heilsuverndar
eða félagar í NLFl utan Reykjavikur mega leita til skrifstofu NLFl
um útvegun á þessum vörum.
3. Nei.
4. Hráfæði, í strangasta skilningi þess orðs, er aðeins ósoðinn eða
óbakaður matur. Brauð er því ekki hráfæði, heldur ekki skyr, þar
eð mjólkin er soðin við skyrgerðina. Matvæli þau, sem talin eru í
spurningunni, innihalda öll nauðsynleg næringarefni og fullnægja því
næringarþörf líkamans. Æskilegt væri að bæta við þetta fæði hráum
gulrófum, sem innihalda mikið af C-fjörefnum og varðveita þau flest-
um matvælum betur.
5. Skyr er aðeins nokkur hluti mjólkurinnar og Því einhæfari fæða
en súrmjólk. Auk þess er mjólkin flóuð við skyrgerðina, og veldur
það einhverju efnatjóni.
6. Varaþurrkur getur staðið í sambandi við vissa sjúkdóma, og er
yfirleitt merki um óhreint blóð, stafandi m. a. af röngu mataræði,
tregum efnaskiptum og of lítilli vatnsdrykkju.
7. Kímið eða frjóið er hluti af korninu, mjög auðugur að fjölbreytt-
um næringarefnum. Það hefir fengizt sérstakt í baukum, og var fyrir
nokkrum árum auglýst og selt sem hveitihýði (klíð). Nú um skeið mun
það ekki hafa verið til hér i vezlunum.
8. Of miklar tíðir geta verið einskonar neyðarráðstöfun líkamans
til að losa sig við skaðleg úrgangsefni, sem safnazt hafa fyrir og
hreinsunartæki líkamans megna ekki að útrýma. Blóðstemmandi lyf
ætti að forðast, heldur þarf að finna frumorsökina og ráða bót á
henni.
ATH. Sendið HEILSUVERND spurningar, en látið alltaf fylgja fullt
nafn og heimilisfang, að öðrum kosti verður spurningunum ekki sinnt.
Þetta er tekið fram að gefnu tilefni. Hinsvegar verður nafn spyrjanda
ekki birt, ef þess er óskað, heldur aðeins fangamark.
KORNMYLNU NLFÍ VANTAR HÚSNÆÐI.
Kornmylna NLFl hefir verið sett upp til reynslu og malar hún
bæði fljótt og vel. En hentugt húsnæði vantar, til þess að hún geti
tekið til starfa. Eru lesendur beðnir að gera skrifstofu NLFl að-
vart, ef þeir vita af húsnæði, t. d. í kjallara, þar sem hægt væri að
afþilja klefa fyrir mylnuna.