Heilsuvernd - 01.03.1991, Side 27

vera gagnlegt sem sveppalyf. Má þar
nefna fjallagrös, hreindýramosa og
litunarmosa.
Ásta Erlingsdóttir og börn hennar búa
til seyði af íslenskum jurtum, sem að
öllum líkindum er gagnlegt til að
útrýma sveppum. Ennþá vantar þó
rannsóknir til að sanna hvort þessar
íslensku jurtir drepi sveppi eða geri
gagn á einhvern annan hátt. Sumir
sem notað hafa íslenskar jurtir telja
þær mjög áhrifaríkar og jafnvel öflugri
en sveppalyf úr apóteki.
Kristín Ingólfsdóttir lyfjafræðingur
hefur rannsakað íslenskar fléttur og
fundið í þeim forvitnileg efnasambönd,
sem m.a. sum hver virðast drepa
sveppi.
Samhliða því að útrýma sveppum úr
meltingarfærunum þarf að „gróður-
setja" „vinsamlega" þarmagerla.
Heilmikið hefur verið skrifað um
þarmaflóru og hlutverk hennar í
heilbrigðri meltingarstarfsemi. Flestir
mæla með að nota mjólkurgerilinn
lactobacillus acidophilus.
Af þessum gerli eru til fjölmörg afbrigði
og nú á síðustu árum hafa verið sett á
markað afbrigði sem sögð eru miklu
þolnari gegn sýklalyfjum og öflugri
heldur en venjulegir acidophilus-
gerlar. Þessir gerlar ganga undir
ýmsum nöfnum t.d. „megadophilus".
Acidophilus og skyldir gerlar lifa
aðallega í ristlinum og þeir komast
lifandi gegnum meltingarfærin ef
þeirra er neytt t.d. í acidophilusmjólk
eða -jógúrt. Gerlar sem nefnast
„bifidobacterium bifidum" eru einnig
mikilvægir fyrir heilbrigða þarmaflóru.
Þeir lifa aðallega í smáþörmunum og
þeir komast einnig lifandi á sinn stað
sé þeirra neytt.
Nú eru á markaðinum a.m.k. tvær
mjólkurafurðir sem sýrðar eru með
áðurnefndum gerlum, þ.e. AB-mjóik
og svokölluð þykkmjólk. Það ætti því
að vera gott að nota þessar
súrmjólkurafurðir samhliða eða eftir
sýklalyfjagjöf.
Rétt er að benda hér á að ekki er nóg að
nota venjulega súrmjólk eða jógúrt
sem oftast er sýrð með gerli sem
heitir „lactobacillus bulgaricus".
Þeir gerlar eru að vísu vinsamlegir
gestir í þörmum okkar en þeir lifa
þar ekki né tímgast og deyja því von
bráðar. Acidophilus-gerlar og blanda
þeirra og fleiri þarmagerla fást
frostþurrkaðir í heilsufæðubúðum
og sumum lyfjabúðum.
Þeir sem af einhverjum ástæðum eiga
erfitt með að nota áðurnefndar
súrmjólkurvörur geta notað þessa
gerla til að leiðrétta óheilbrigða
þarmaflóru t.d. eftir notkun sýklalyfja.
SVEPPASÝKING OG MATARÆÐI
Ég hef með vilja geymt þangað til
síðast að ræða um mataræði og
sveppasýkingu. Það er nefnilega
þannig að næstum því ómögulegt er
að gefa mataræðisleiðbeiningar sem
henta öllum. Ég ætla þó að reyna að
gefa ofurlitlar leiðbeiningar með þeim
fyrirvara að engir tveir einstaklingar
eru eins og þess vegna verður hver og
einn að finna hvað honum hentar.
Þessar leiðbeiningar verða því aðeins
eins og rammi sem eftir er að fylla út
í af einstaklingnum sjálfum.
Candida-sveppir nærast einkum á sykri
og sætindum. Því ætti að forðast öll
matvæli sem innihalda hvers konar
sykur, einnig sæta ávexti.
Mjög margir sem þjást af sveppum í
meltingarfærum eða annars staðar
hafa myndað ofnæmi eða óþol, ekki
aðeins gegn candida-sveppum, heldur
einnig gegn alls konar gerjuðum
vörum t.d. brauðum bökuðum með
lifandi geri, ölgeri, öli, öllum vínum en
þó sérstaklega rauðvíni og hvítvíni og
margs konar freyðivínum, þurrkuðum
ávöxtum sem innihalda náttúrulegt
ger og öllum gerjuðum matvælum,
auk þess alls konar vítamínum unnum
úr ölgeri. Þá hafa sumir myndað
ofnæmi gegn myglusveppum í
umhverfi eða matvælum og jafnvel
ætisveppum.
Þetta verður hver og einn að prófa
sjálfur og haga mataræði sínu eftir
því.
Alls konar annað fæðuofnæmi er
algengt en það er mjög einstaklings-
bundið og því útilokað að gefa neinar
EINKENNIN:
Hér á eftir fer skrá yfir
nokkur einkenni sem vitað
er um að hafi lagast við
að sveppasýking var
læknuð:
Höfuðverkur margs
konar.
Truflanir á sjón- og
heyrnarskynjun.
Minnisleysi og skortur
á einbeitni.
Sjálfsmorðstilhneigingar.
Þunglyndi og kvíði,
svefnleysi.
„Tilfinningavandamál".
„Sál-líkamlegir"
sjúkdómar.
Astma og exem, einnig
í börnum.
Ýmiss konar annað
ofnæmi.
Liðagigt og fleiri
gigtarsjúkdómar.
Óreglulegar blæðingar.
Verkir á undan
tíðablæðingum.
Blöðrubólga.
Bólga í leggöngum.
Tásveppir og
munnsveppir.
Ristilbólga.
Bjúgur, uppsöfnun á
vatni.
Heila- og mænusigg.
Loftmyndun í þörmum.
Niðurgangur og
harðlífi.
Þessi listi er alls ekki
tæmandi, en sýnir þó að
einkenni sveppasýkingar
geta verið með ýmsu
móti.
27