Strandapósturinn - 01.06.1990, Blaðsíða 12

ili staðarins. Formaður flutti ræðu, fótliprir félagar sýndu nýjustu
sporin í ballett. Jón Magnús Magnússon og Halldór Jóhannsson
sungu gamanvísur og konur úr Átthagafélaginu sýndu
handprjónaða kjóla eftir Aðalbjörgu Jónsdóttur. Síðan söng kór
félagsins nokkur lög undir stjórn Erlu Þórólfsdóttur. Á meðan á
skemmtidagskrá stóð var borið fram kaffi og heitar lummur, sem
bakaðar voru á staðnum og voru það félagar úr Átthagafélaginu
sem sáu um það. Þessarar afmælishátíðar verður getið nánar
annars staðar í ritinu.
Haustfagnaðurinn var haldinn í Vetrarbrautinni þann 2. nóv.,
Hljómsveitin Upplyfting ásamt söngkonunni Sigrúnu Evu Ár-
mannsdóttur sá um að skemmta dansgestum. Á þessa skemmtun
var vel mætt og mikið fjör.
Sú nýbreytni var tekin upp að koma saman, spila félagsvist og fá
sér sunnudagskaffi um leið. Var það haldið í Breiðfirðingabúð við
Faxafen þann 1L nóvember.
Jólaballið var í Þórscafé, þann 26. desember. Diskótekið Dísa
lék og tveir jólasveinar komu og skemmtu börnunum. Var það
síðasta skemmtunin á árinu.
Ekki er hægt að skrifa svo um það sem gerðist á árinu að ekki sé
minnst góðs félaga sem andaðist á haustdögum. Þar á ég við
Þorstein Matthíasson frá Kaldrananesi. Þorsteinn var einn af
frumkvöðlum að stofnun Átthagafélags Strandamanna hér í
Reykjavík. Hann var fyrsti formaður þess frá stofndegi þann 6.
febrúar 1953 til 1959. Heimahagarnir áttu hug Þorsteins og hjarta
og skrifaði hann margar greinar í Strandapóstinn. Við félagar
hans þökkum honum fyrir allt sem hann færði okkur. Blessuð sé
minning hans.
Þann 10. október átti Haraldur Guðmundsson 80 ára afmæli.
Hann sat í stjórn félagsins um margra ára skeið og lengst af sem
formaður þess, en er núna framkvæmdastjóri Strandapóstsins.
Sumarhús félagsins var leigt út í 15 vikur og nokkrar helgar.
Vil ég svo að lokum þakka öllum sem veitt hafa félaginu braut-
argengi á einn eða annan hátt, og einnig þakka ég stjórn og
skemmtinefnd fyrir samstarfið á árinu með ósk um góðan fé-
lagsáhuga á komandi ári.
10