Strandapósturinn - 01.06.2000, Side 108

Ekki er ótrúlegt að þar hafi Skjalda-Björn haft vetursetu sinn
fyrsta vetur á Islandi og áfram haft þar bú eftir að hann flutti um
set til Skjaldabjarnarvíkur. Sjálfsagt hefur verið haft í seli frá
Skjaldabjarnarvík eftir að byggð lagðist af í Bjarnarnesi hinu
forna og Sel nafnið fest við staðinn. En hvaðan nafnið Skaufasel
kemur held ég að sé flestum hulin ráðgáta.
Geirólfur hét maður er braut skip sitt við Geirhólmsnúp.
Hann bjó þar síðan undir Núpnum að ráði Björns, er sagt, en
undir Geirhólmsnúp getur enginn búið. Trúlega hefur hann
búið í Sigluvík norðan við Geirhólmsnúp.
Með landnámi Skjalda-Bjarnar hefst saga búsetu í Skjalda-
bjarnarvík með herskáum og glæsilegum víking sem barst mikið
á sem sést á því að hann kemur að landi með alskjaldað skip sem
ekki aðrir gerðu en þeir sem vildu sýna mátt sinn og megin og
þóttust eiga nokkuð undir sér. Síðan hefur verið byggð í Skjalda-
bjarnarvík, þar til um miðja tuttugustu öld, þó ekki án hléa, því
að stundum mun svo hafa verið að sorfið að ekki hélst þar byggð
og komu þá bæði til drepsóttir og harðæri. Þegar veðurfar tók
að kólna eftir 1250 urðu þessar byggðir harðast úti, eftir að haf-
ís fór að vera allt að því árviss má segja að fbúum þessa lands-
hluta hafi verið haldið í heljargreipum íss, frosts og hungurs. Þó
er athyglisvert að á þeim tíma er hvað mestir fólksflutningar
voru tíl Vesturheims, fór fátt fólk af Ströndum sem bendir til
þess að þar hafi sjaldan verið sultur í búi.
Erfitt er að sjá hversu samfelld byggðin í Skjaldabjarnarvík
hefur verið. Þó má leiða að því líkum að ekki hafi liðið svo mörg
ár að ekki hafi verið búið þar og oft verið tvíbýli eða meira á
jörðinni. I manntalinu 1703 er Magnús Sighvatsson bóndi í
Skaldabjarnarvík og býr með bústýru er Sigþrúður hét Einars-
dóttir, þau giftust síðar en voru barnlaus. Arið 1735 virðist jörð-
in fara í eyði og ekki byggjast aftur fýrr en Jón Arnason kemur
þangað 1785. Eftir það virðist vera nokkuð samfelld búseta til
1947, þó koma ár sem ekki er búið þar.
Ekki er hægt að segja að margir stórhöfðingjar hafi búið í
Skjaldabjarnarvík eftir manntalið 1703. Einna þekktastur er
Hallvarður Hallsson frá Horni. Hann er skráður húsmaður í
Skjaldabjarnarvík frá 1785 til æviloka. Hann var ókvæntur og
106