Strandapósturinn - 01.06.2000, Side 121

mannsbarka, heldur úr tækinu á borðinu. „Útvarp Reykjavík“
hljómar um litlu stofuna. Þúsund ára þögn hefur verið rofin. Ný
öld er runnin upp. Ekki er nokkur leið fyrir nútímafólk að gera
sér í hugarlund hvílík umskipti urðu með tilkomu útvarpsins.
Ohætt er að segja að það hafi ekki breyst bara eitt heldur allt.
Gluggi hafði verið opnaður þar sem útsýni var um veröld alla.
Yfir fjöll og dali og úfinn sjó bárust raddir frá einhverjum senr
enginn sá - lrljóðfæraleikur, söngur og það senr mest var unr
vert, fréttir. Og svo var hægt að hlusta á prestinn flytja messu í
kirkju suður í Reykjavík. Þetta var göldrum líkast. Fólk sem áður
þurfti að fara langar leiðir til að eiga orðastað við nágranna sína
gat nú setið í upphitaðri stofu og hlustað á fólk í órafjarlægð,
rétt eins og það væri í stofunni heima.
Fyrst eftir að útvarpið kom í Skjaldabjarnarvík var ekki komið
útvarp á næstu bæi, því var ekki óalgengt að fólk kæmi til að
hlusta á þetta undur og stórmerki. Sérstaklega voru messurnar
vinsælar. Oft mátti sjá konurnar úr Reykjafirði koma prúðbúnar
á sunnudögum þegar gott var veður til að hlýða á útvarpsmessu.
A árunum eftir 1920 tók veðurfar á Islandi að hreytast til hins
betra. Það hlýnaði og hafísinn sem áður mátti heita árviss kom
nú sjaldnar. Eigi að síður var Island samt við sig. Enn gengu stór-
viðri yfir landið með mannsköðum og stórtjóni. Þó mun búskap-
urinn í Skjaldabjarnarvík hafa gengið stóráfallalaust þau ár sem
þau bjuggu þar. Bústofninn stækkaði smátt og smátt. A árunum
1926 og 1927 er innleggið í verslunina á Norðurfirði um 600 kg.
kjöt, sem með gærum leggur sig á um kr. 904.- 25 selskinn á kr.
142.- saltfiskur þó ótrúlegt geti talist fyrir kr. 70,- og ull fyrir kr.
171.-. En þá ber þess að gæta að úttektin er aðeins kr. 1.531.-
Þarna er rekinn sjálfsþurftarbúskapur. Heimilið er að miklu
leyti sjálfu sér nægt, en á þessum árum munu Pétur og Sigríður
hafa haft tvær kýr og tvo til þijá hesta. Kannski hafa örðugleik-
arnir á þessum árum verið mestir við að afla heyjanna, það var
erfitt verk og mannfrekt í óþurrkasumrum, en það gekk meðan
Bergur og Svanfríður voru í húsmennsku. Eftir að þau fóru varð
álagið á Pétur og annað heimilisfólk miklu meira.
Þó innleggið í kaupfélagið á Norðurfirði hafi ekki verið
119