Morgunblaðið - 12.08.2021, Blaðsíða 8

8 FRÉTTIR
Innlent
MORGUNBLAÐIÐ FIMMTUDAGUR 12. ÁGÚST 2021
Jón Magnússon hæstaréttarlög-
maður fjallar um Gunnar Smára
Egilsson formann Sósíalistaflokks-
ins og hvernig hann reyni að koma
sér undan því að svara fyrir syndir
sósíalismans. Og
ekki nóg með það,
Gunnar Smári hafi í
útvarpsviðtali hnýtt
í Sjálfstæðisflokkinn
og til dæmis haldið
því fram að hann
hefði staðið gegn
vökulögunum svo-
kölluðu, en Jón
bendir á að lögin
hafi verið samþykkt
á Alþingi átta árum
áður en Sjálfstæðis-
flokkurinn var stofn-
aður árið 1929. Það
er auðvitað við hæfi
að þessi fortíðar-
flokkur ræði helst það sem gerðist á
þriðja áratug síðustu aldar en verra
ef hann fer rangt með.
- - -
Jón sagði einnig að formaðurinn
segðist ekki bera ábyrgð á Stal-
ín, sem Jón tók undir, en benti um
leið á að hann væri að boða hug-
myndafræði Stalíns og annarra
ámóta manna.
- - -
Og hann bætti við að þó að Gunn-
ar Smári „beri ekki ábyrgð á
Maó eða Stalín, þá er hann að boða
kenningu þeirra, þrátt fyrir að sósí-
alisminn leiði ævinlega til hörm-
unga. Tilraunir með sósíalismann
ættu því að vera fullreyndar eftir
hörmungasögu hans í rúm 100 ár“.
- - -
Eins og Jón benti líka á þá er af-
sökun þeirra sem boða sósíal-
isma alltaf hin sama. Þeir halda því
fram að forsprakkar sósíalismans
hingað til hafi í raun ekki stjórnað
samkvæmt sósíalismanum. En hvað
má segja um kenningu sem öllum
mistekst svo hrapallega að fram-
kvæma? Finnst einhverjum ástæða
til að gera enn eina tilraunina?
Jón Magnússon
Bera boðberarnir
ekki syndirnar?
STAKSTEINAR
Gunnar Smári
Egilsson
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Ágúst hefur byrjað hlýlega, segir Trausti Jónsson
veðurfræðingur. Meðalhiti í Reykjavík fyrstu tíu
dagana er 13,1 stig, +1,6 stig ofan meðallags áranna
1991 til 2020 og +1,7 stigum ofan meðallags síðustu
tíu ára.
Þetta er þriðja hlýjasta ágústbyrjun á öldinni í
Reykjavík. Hún var hlýjust 2003, meðalhiti þá 13,5
stig, og 13,4 stig árið 2004. Kaldasta ágústbyrjun
aldarinnar var 2013, meðalhiti þá 10,4 stig. Á langa
listanum er meðalhiti nú í fjórða hlýjasta sæti (af
147). Kaldast var árið 1912, meðalhiti 6,4 stig.
Á Akureyri er meðalhiti fyrstu tíu daga ágúst 13,7
stig, ellefta hlýjasta ágústbyrjun frá 1936. Hlýjastir
voru dagarnir tíu 1938, meðalhiti þá 15,1 stig. Hiti nú
er +2,2 stigum ofan meðallags 1991 til 2020.
Hitinn það sem af er ágúst er yfirleitt í 2. til 4.
hlýjasta sæti á öldinni (af 21). Að tiltölu hefur verið
kaldast á Austurlandi að Glettingi, þar er hitinn í 6.
hlýjasta sætinu. Hiti er ofan meðallags síðustu tíu
ára á öllum veðurstöðvum landsins. Mest er vikið á
Vaðlaheiði, +4,7 stig.
Úrkoma í Reykjavík hefur mælst 27 millimetrar
og er það um 50% umfram meðallag. Á Akureyri
hefur hún aðeins mælst 4 mm, og er það um 40%
meðallags. Sólskinsstundir hafa mælst 45,7 í Reykja-
vík, átta stundum færri en í meðalári. Sólskins-
stundir á Akureyri eru fleiri en í meðalári.
sisi@mbl.is
Ágúst hefur byrjað hlýlega
Morgunblaðið/Unnur Karen
Nauthólsvík Börnin sem sótt hafa siglinga-
námskeið í sumar hafa notið veðurblíðunnar.
Vegagerðin fékk tvö tilboð undir
áætluðum verktakakostnaði við út-
boð á lagningu nýs vegar að bænum
Djúpadal í Djúpafirði. Fram-
kvæmdin er liður í undirbúningi
stórframkvæmdar sem felst í lagn-
ingu nýs Vestfjarðavegar um Gufu-
dalssveit.
Norðurtak ehf. á Akureyri átti
lægsta tilboðið, tæpar 400 milljónir
kr. sem er 85 milljónum undir áætl-
un Vegagerðarinnar en hún er 484
milljónir. Næstlægsta tilboðið er
frá Borgarverki ehf. í Borgarnesi,
467 milljónir sem er rétt undir áætl-
un. Tilboð þriggja verktaka eru yfir
áætlun, það hæsta rúmlega 220
milljónum hærra en lægsta tilboð.
Leggja á nýjan veg við aust-
anverðan Djúpafjörð, frá vænt-
anlegum Vestfjarðavegi um Hall-
steinsnes inn að núverandi vegi
fyrir botni Djúpafjarðar. Vegurinn
er til þess að tengja bæinn Djúpadal
og frístundahús við væntanlegan
Vestfjarðaveg sem samkomulag
hefur náðst um að fari um Teigs-
skóg. Vegurinn verður um 5,7 km
að lengd og liggur að talsverðu
leyti eftir slóðum og vegum sem
fyrir eru en ekki að öllu leyti.
helgi@mbl.is
Lægsta tilboð 85 millj-
ónum undir áætlun
Morgunblaðið/Helgi Bjarnason
Við Djúpafjörð Nýr Vestfjarðavegur mun færast frá bændum í Djúpadal.
Baðinnréttingar
Fríform ehf.
Askalind 3,
201 Kópavogur.
562–1500
Friform.is.
Sumaropnun:
Mán. – Föst. 10–17
Laugardaga LOKAÐ
2
0
0
0
—
2
0
2
0