Morgunblaðið - 12.08.2021, Qupperneq 14

14 FRÉTTIR
Innlent
MORGUNBLAÐIÐ FIMMTUDAGUR 12. ÁGÚST 2021
N Ý F O R M
H Ú S G A G N A V E R S L U N
Strandgötu 24 | 220 Hafnarfjörður | Sími 565 4100 | nyform.is
Komið og skoðið úrvalið
Raðaðu saman þínum skáp
Framleitt í eik nat, hvítaðri eik og svertuð eik
vfs.is
SÍÐUMÚLA 9, REYKJAVÍK • DALSHRAUNI 13, HAFNARFIRÐI • TRYGGVABRAUT 24, AKUREYRI • S: 560 8888 • vfs.is
EIN RAFHLAÐA
+ öll verkfæri fyrir garðinn, heimilið og bílskúrinn
SVIÐSLJÓS
Baldur Arnarson
baldura@mbl.is
Það vakti athygli á dögunum þegar
Jóhann Karlsson, sem hélt upp á 73
ára afmælið í júní, hljóp hálf-
maraþon í Suzuki-miðnæturhlaup-
inu á einni klukkustund og 39 mín-
útum.
Sigurður P. Sigmundsson, fyrr-
verandi Íslandsmethafi í maraþoni
og hálfmaraþoni í um aldarfjórðung,
segir Jóhann meðal fremstu lang-
hlaupara á Norðurlöndum í sínum
aldursflokki. Það sé sjaldgæft að svo
fullorðinn maður hlaupi á svo
miklum hraða í langhlaupum.
„Það er orðið algengt að menn séu
vel á sig komnir og frambærilegir
fram yfir sextugt. Svo fer líffræðin
að segja til sín og margir dala hratt
eftir 65 ára aldurinn. Þá er elli-
kerling komin til sögunnar,“ segir
Sigurður um eldri hlaupara.
Jóhann sé undantekning frá þess-
ari almennu reglu. Þar fari létt-
byggður og fljótur hlaupari sem
standist yngri mönnum snúning.
Í öðru sæti í Amsterdam
Sigurður hefur haldið úti afreka-
skrá á hlaup.is og fletti upp, að
beiðni Morgunblaðsins, ýmsum af-
rekum Jóhanns á ferlinum.
Árið 2009 hafi Jóhann, þá 61 árs,
náð öðru sæti í sínum aldursflokki í
Amsterdam-maraþoninu á 3:11:44
klst. Sama ár hafi Jóhann einnig sett
Íslandsmet í sínum aldursflokki í 10
km og hálfmaraþoni auk þess að ná
besta árangri 60 ára og eldri á
Laugaveginum á 5:31:03 klst.
„Árið 2018 stórbætti Jóhann Ís-
landsmetin í aldursflokknum 70-74
ára. Hljóp 10 km á 43:25 mín. í Ár-
mannshlaupinu og maraþonvega-
lengdina á 3:29:04 klst. í Þriggja
landa hlaupinu. Jóhann hefur sýnt
ótrúlega seiglu við æfingar en hann
lenti í alvarlegum veikindum fyrir
nokkrum árum,“ segir Sigurður.
Fyrst sé getið um Jóhann á
afrekaskrá er hann hljóp 10 km á
46:54 mín. í Reykjavíkurmaraþoninu
árið 1998, þá 50 ára gamall.
„Ég held ég hafi fyrst tekið eftir
honum í Reykjavíkurmaraþoninu
2001 er hann hjóp 10 km á 41:10 mín.
Þótt það væri góður tími hjá 53 ára
manni dugði það aðeins í 15. sætið á
afrekaskrá frá upphafi í flokki karla
50-54 ára í 10 km. Þetta var hins veg-
ar aðeins byrjunin hjá Jóhanni.
Annar besti tíminn frá upphafi
Hann hljóp hálfmaraþon á 1:27:39
klst. í Brúarhlaupi Selfoss 2004, þá
56 ára gamall. Það var þá annar besti
tíminn sem náðst hafði á þeirri vega-
lengd í flokki 55-59 ára. Setur svo Ís-
landsmet í hálfmaraþoni í flokki 60-
64 ára á 1:32 klst. í Akraneshlaupinu
árið 2009. Áður hafði hann sett Ís-
landsmet í maraþoni í flokki 55-59
ára er hann hljóp á 3:08:32 klst. í
Stokkhólmi árið 2005 sem hann
bætti árið eftir í 3:06:24 klst. í Kaup-
mannahöfn. Á þessum árum var Jó-
hann búinn að hasla sér völl sem
besti maraþonhlaupari meðal öld-
unga á Íslandi,“ segir Sigurður.
Íslandsmet í hálfmaraþoni
„Árið 2009 hljóp hann í Lauga-
vegshlaupinu á frábærum tíma eða á
5:31:03 klst. en það er 53,5 km.
Næstu ár bar lítið á Jóhanni í
götuhlaupum. Árið 2014 setti hann
Íslandsmet í flokki 65-69 ára í 10 km
er hann hljóp á 42:43 mín. í Reykja-
víkurmaraþoni. Því næst tók hann
metið af Jóni Guðlaugssyni í hálf-
maraþoni í þeim aldursflokki er hann
hljóp á 1:33:26 í Reykjavík-
urmaraþoninu árið 2015, þá orðinn
67 ára.
Afrek hans í flokki 70-74 ára í
langhlaupum frá árinu 2018 eru síð-
an einstök hér á landi. Tímar hans á
öllum vegalengdum eru svo langtum
betri en áður hefur þekkst hér á
landi. Það er merkilegt þar sem hann
byrjaði ekki að stunda langhlaup
fyrr en um fimmtugt. Þeir sem eru
núna bestir á aldrinum 60-64 ára, og
hafa verið að tína upp metin hans í
þeim aldursflokki, eiga flestir bak-
grunn sem íþróttamenn og hafa farið
í gegnum skipulagðar æfingar á
yngri árum. Þeir hafa kannski hrað-
ann umfram Jóhann en seiglan er
hans. Hann er ótrúlega góður að
halda jöfnum hraða og þeir yngri
munu þurfa mikið til ef þeir ætla að
ná árangri hans í flokkum 65 ára og
eldri,“ segir Sigurður.
Einn sá fremsti á Norðurlöndum
- Hlauparinn Jóhann Karlsson, sem varð 73 ára í sumar, er í sérflokki í langhlaupum í sínum flokki
- Fyrrverandi Íslandsmethafi í maraþoni segir Jóhann í fremstu röð öldunga á Norðurlöndunum
Ljósmynd/Kristófer Þorgrímsson
Á fullri ferð Jóhann Karlsson, fyrir miðju, í Suzuki-miðnæturhlaupinu 24. júní síðastliðinn. Til vinstri er Þorleifur
Þorleifsson en til hægri Rúnar Sigurðsson. Jóhann var fyrstur í mark 70 ára og eldri og fjórði hjá 60 ára og eldri.
Var lengi methafi
» Sigurður P. Sigmundsson
átti Íslandsmet í maraþoni í 26
ár og Íslandsmet í hálfmara-
þoni í 25 ár þar til Kári Steinn
Karlsson sló bæði met 2011.
» Sigurður starfar nú sem
hagfræðingur.
Sigurður kveðst aðspurður sannfærður um að Jóhann
myndi vera á verðlaunapalli í sínum aldursflokki á Norð-
urlandamótum í vegalengdum frá 10 km upp í maraþon.
„Ég athugaði norsku aldursflokkametin, en Norð-
menn eru mjög framarlega í íþróttum öldunga. Norska
metið í flokki 70-74 ára í 10 km hlaupi á braut er 40:57,2
og 46:00,9 í flokki 75-79 ára. Jóhann færi létt með síð-
ara metið eftir tvö ár, ef að líkum lætur. Norðurlanda-
mót öldunga fer fram annað hvert ár, næst 2022, og
væri sannarlega gaman að sjá Jóhann þar í langhlaup-
unum. Hann myndi jafnframt vera í fremstu röð á
Evrópumeistaramóti öldunga og framarlega á heimsmeistaramóti öldunga.
Margir Íslendingar hafa tekið þátt í þessum mótum í gegnum árin, oft með
góðum árangri,“ segir Sigurður.
Hlaupari á heimsmælikvarða
ÁRANGUR JÓHANNS Í ERLENDUM SAMANBURÐI
Sigurður P.
Sigmundsson
Magnús Barðdal hefur verið ráðinn í starf verkefn-
isstjóra fjárfestinga hjá Samtökum sveitarfélaga á
Norðurlandi vestra, SSNV. Um er að ræða tímabundið
verkefni sem skilgreint var sem áhersluverkefni ár-
anna 2020-2021 en hefur nú verið framlengt til hausts
2022, segir í tilkynningu. Markmið verkefnisins er að
auka fjárfestingar í landshlutanum með það fyrir aug-
um að fjölga atvinnutækifærum.
Magnús lauk ML-prófi í lögfræði frá Háskólanum á
Bifröst og var síðast útibússtjóri Arion banka á Sauð-
árkróki. Vann þar áður m.a. hjá Íbúðalánasjóði.
Verkefnisstjóri fjárfestinga hjá SSNV
Magnús Barðdal