Morgunblaðið - 12.08.2021, Qupperneq 76

20%
Sparadu-
af borðstofu-
húsgögnum
12. – 30. mars
20%
Sparadu-
af öllum borðbúnaði
BLIXTON BORÐSTOFUBORÐ
Olíuborin eik. 95x222 cm. Áður 119.900 kr. Nú 95.920 kr.
GAIN BORÐSTOFUSTÓLL
Dökkgrát velvet. Áður 29.900 kr. Nú 23.920 kr.
ILVA Korputorgi
Lau. og sun. 12-18
virkir dagar 11-18:30
ILVA Akureyri
Lau. 10-17 Sun. 13-17
virkir dagar 11-18
s: 522 4500 - www.ILVA.is
Steinar Ingi Kolbeins
steinar@mbl.is
Laufey Lín Jónsdóttir er nafn sem
tónlistarunnendur ættu að leggja á
minnið. Laufey, sem nýverið lauk
námi í Berklee-tónlistarháskólanum
í Boston, gefur út lag í samstarfi við
Fílharmóníusveit Lundúna nú á
föstudag. Lagið, sem hægt verður
að nálgast á öllum helstu streym-
isveitum, heitir „Let you break my
heart again“ og segist Laufey hafa
samið það um miðja nótt nú í vetur.
„Þetta átti ekkert að vera neitt
sorglegt lag, en það varð það samt
að lokum,“ segir Laufey í samtali
við blaðamann Morgunblaðsins.
Hún segir sjálfseyðingarhvöt í
bland við ást vera þema lagsins.
„Bara svona þegar maður er 21 árs
og kann ekkert á ástina og lífið og
allt er bara einhvern veginn flókið.“
Berklee-háskólinn í Boston
Laufey ólst upp í heimi klass-
ískrar tónlistar, en móðir hennar
spilar á fiðlu í Sinfóníuhljómsveit Ís-
lands. Hún segist alltaf hafa ætlað
sér að lifa og hrærast í heimi tón-
listarinnar, en ferillinn tók óvænta
stefnubreytingu þegar hún hlaut
fullan styrk í Berklee-skólann í
Boston. „Mér fannst þetta ansi ólík-
leg leið fyrir mig að fara, það er í
djass- og popptónlist,“ segir Laufey.
En í Berklee lærði hún að eigin
sögn allt milli himins og jarðar um
heim tónlistarinnar, auk söngs.
Hún segir hjólin hafa farið að
snúast, og það ansi hratt, þegar hún
fór að setja inn myndbönd á sam-
félagsmiðla af sér að spila eigin lög.
Fylgjendahópur Laufeyjar hefur
vaxið merkilega hratt á undanförnu
hálfu ári. Í kjölfarið hafi svo tæki-
færin að vissu leyti bara dottið í
hendurnar á henni.
Tækifærin komu í tölvupósti
Listrænn stjórnandi Lundúna-
fílharmóníunnar sendi henni tölvu-
póst í janúar og tjáði henni að hann
hefði fylgst með henni og óskaði eft-
ir samstarfi.
„Að heyra lagið sitt spilað með
þetta góðri og virtri sveit er nátt-
úrlega algjör draumur,“ segir Lauf-
ey um samstarfið.
Einnig fékk hún nú snemma árs
annað tækifæri er BBC hafði sam-
band við hana og var hún í kjölfarið
fengin til þess að stjórna útvarps-
þætti á BBC 3, sem er klassísk rás
stöðvarinnar. Þættirnir, Happy
harmonies with Laufey, koma út
alla laugardaga, og spilar hún klass-
íska og djasstónlist og leiðir fólk í
gegnum hlustunina.
Laufey hyggst leggja í sitt fyrsta
tónleikaferðalag nú í haust og byrj-
ar ferðalagið heima á Íslandi þegar
hún spilar á Airwaves-hátíðinni.
Því næst liggur leiðin til London
þar sem hún spilar á London Jazz
Festival. Í kjölfarið flýgur hún aft-
ur til Bandaríkjanna og mun
ferðast á milli allra helstu stór-
borga Bandaríkjanna og spila. „Ég
er náttúrlega alveg ótrúlega
spennt. Ferillinn minn byrjar í
miðjum faraldri og ég hef því eig-
inlega ekkert spilað fyrir framan
fólk, nema þá á netinu,“ segir Lauf-
ey að lokum.
Ljósmynd/Jackie Karlsson
Fjölhæf Auk þess að syngja inn á lagið spilar Laufey á selló ásamt sveitinni.
Í samstarfi við Fílharm-
óníusveit Lundúna
- Ferillinn farinn á flug - Tónleikaferðalag um Bandaríkin
FIMMTUDAGUR 12. ÁGÚST 224. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
„Við ætlum að fara til Skotlands og sækja til sigurs.
Engin spurning. Einvígið er galopið og í fyrsta skipti í
langan tíma hafa útivallarmörkin ekki aukavægi. Það
hentar okkur í þessu tilfelli því þeir skoruðu þrjú í fyrri
leiknum. Við trúum því að við getum slegið Skotana út
og þessum leik fylgir bara tilhlökkun,“ segir Höskuldur
Gunnlaugsson, fyrirliði Breiðabliks, meðal annars í
samtali við Morgunblaðið í dag. Blikar eru brattir fyrir
síðari leikinn gegn skoska liðinu Aberdeen í kvöld en
Aberdeen vann 3:2 í fyrri leiknum í Reykjavík. » 67
Blikar trúa því að þeir geti slegið
Aberdeen út með sigri í Skotlandi
ÍÞRÓTTIR MENNING
Færeyska tónlistarkonan Eivör Pálsdóttir kemur fram í
spjalltónleikaröð Jóns Ólafssonar, Af fingrum fram, í
Salnum í Kópavogi í kvöld kl. 20.30. Eivör er margverð-
launuð og þekkt tónlistarkona og bjó hér á landi í mörg
ár og heimsækir landið reglulega. Hún hefur sent frá
sér fjölda hljómplatna og einnig samið tónlist við sjón-
varpsþætti. Plötur hennar hafa verið af ýmsu tagi og
hefur hún sungið djass, kántrí, þjóðlagapopp, rokk og
sinnt tilraunamennsku.
Eivör gestur Jóns í Af fingrum fram