Morgunblaðið - 26.08.2021, Blaðsíða 11

FRÉTTIR 11Innlent
MORGUNBLAÐIÐ FIMMTUDAGUR 26. ÁGÚST 2021
Stefnt er að því að halda mótaröðina
Áhugamannadeild Spretts að áhorf-
endum viðstöddum, þó með tilliti til
þeirra sóttvarnaráðstafana sem
verða í gildi þegar keppnin fer fram.
Í keppninni í fyrravetur var ekki
hægt að hafa áhorfendur vegna
fjöldatakmarkana.
Ákveðið hefur verið að mótaröðin
2022 hefjist með fjórgangi 3. febrúar
og lokamótið verði keppni í tölti 17.
mars. Keppt verður í Samskipahöll-
inni, eins og áður.
Þær breytingar hafa verið gerðar
á keppnisgreinum að ekki verður
keppt í skeiði í gegnum höllina. Í
staðinn verður tekið upp gæð-
ingaskeið sem stefnt er að verði
haldið á vellinum hjá Spretti. Fleiri
breytingar hafa verið ákveðnar.
Nefna má að liðin hafa heimild til að
tefla fram öllum fimm knöpum liðs-
ins í nokkrum greinum þótt aðeins
árangur þriggja efstu komi inn í
stigagjöf.
Fimm sæti liða eru laus í keppn-
inni 2022 og þurfa áhugasamir að
hafa samband við Sprett fyrir lok
september. Dregið verður úr um-
sóknum. helgi@mbl.is
Morgunblaðið/Ómar
Kjóavellir Keppni í deildinni fer
fram í Samskipahöllinni.
Áhorfendur
í Áhuga-
mannadeild
- Auglýst eftir nýj-
um liðum til þátttöku
„Ég hafði köllun
til þess að takast
á við þetta starf.
Er þakklátur fyr-
ir stuðninginn
sem ég fékk og
hlakka til verk-
efna sem fram
undan eru.
Spennandi tímar
eru fram undan,“
segir sr. Þorvald-
ur Víðisson, nýkjörinn prestur í
Fossvogsprestakalli í Reykjavík.
Umsóknarfrestur um prestakallið
rann út í júlílok.
Sr. Þorvaldur Víðisson fæddist
1973 og ólst upp í Kópavogi. Árið
2001 lauk hann prófi frá guð-
fræðideild HÍ og var fyrst á eftir
æskulýðsfulltrúi Dómkirkjunnar.
Vígðist árið 2002 til Vestmannaeyja
og starfaði þar fjögur ár. Var svo
önnur fjögur ár miðborgarprestur
Dómkirkjunnar og 2011-2012 prest-
ur í Þrændalögum í Noregi. Frá
árinu 2012 hefur sr. Þorvaldur verið
biskupsritari.
Fossvogsprestakall er myndað af
Bústaða- og Grensássókn. Í presta-
kallinu búa um 14.800 manns og 62%
þeirra tilheyra þjóðkirkjunni. Prest-
urinn nýi hefur aðstöðu í Bústaða-
kirkju, en í prestakallinu öllu þjóna
þrír prestar auk annars starfsfólks.
„Starfið við Bústaðakirkju hefur
alltaf verið öflugt og að því leyti er
áhugavert að koma inn í þetta
starfsumhverfi. Ég geri ráð fyrir að
koma til starfa fljótlega upp úr mán-
aðamótum, eða þegar ýmis verkefni
sem ég hef sinnt sem biskupsritari
eru komin í annarra hendur,“ segir
sr Þorvaldur. sbs@mbl.is
Sr. Þorvaldur
ráðinn til Bú-
staðakirkju
Þorvaldur
Víðisson
Skeifan 8 | 108 Reykjavík | sími 517 6460 | VersluninBelladonna
Netverslun á www.belladonna.is
Fæst í
netverslun
belladonna.is
Nýjar haustvörur streyma inn
Skipholti 29b • S. 551 4422
TRAUS
Í 80 ÁR
Skoðið
laxdal.is
NÝTT FRÁ
Bæjarlind 6 | Sími 554 7030
Við erum á facebook
Nýtt frá
Kr. 6.990
Str. S-XXL
Skoðið
hjahrafnhildi.is
Engjateigi 5 // 581 2141 // hjahrafnhildi.is
Ný sending
frá ROFA
Stakir jakkar og yfirhafnir
Stærðir 34–52
Ísland vann í gær alla sína leiki í
opna flokknum í Evrópumótinu í
brids. Til að mynda vann lið Ís-
lands Skotland 17-3 og Frakkland
13-7. Liðið var í lok dags í 13. sæti
af 31 þjóð sem er með lið í opna
flokknum en sex efstu liðin vinna
sér rétt til að spila á heimsmeist-
aramótinu.
Spilaðar voru fimm umferðir í
gær í öllum flokkum. Ekki gekk
eins vel hjá kvennalandsliðinu og
liði eldri manna. Bæði liðin töpuðu
öllum sínum leikjum.
Mótið er spilað á netinu vegna
kórónuveirufaraldursins og eru ís-
lensku keppendurnir í höfuð-
stöðvum Bridgesambands Íslands
við Síðumúla. Mótið stendur fram
á laugardag. helgi@mbl.is
Unnu alla sína leiki í gær
Rauði krossinn telur viðbrögð ís-
lenskra stjórnvalda við erfiðri stöðu í
Afganistan sýna skýran vilja til þess
að styðja Afgani. Stjórnvöld ætla að
taka á móti allt að 120 flóttamönnum
frá Afganistan.
„Á undanförnum árum hafa stjórn-
völd lagt metnað í að byggja upp kerfi
og þjónustu í kringum samræmda
móttöku flóttafólks sem er vel til þess
fallið að aðstoða fólk frá Afganistan
sem stjórnvöld reyna nú að koma
hingað til lands,“ segir í tilkynningu
frá Rauða krossinum sem lýsir þung-
um áhyggjum af þróun mála í Afgan-
istan eftir að talíbanar náðu völdum.
„Þó Rauði krossinn lýsi ánægju
sinni með ákvörðun ríkisstjórnarinn-
ar um að taka strax á móti 120 flótta-
mönnum frá Afganistan vill félagið
minna á þau hundruð þúsunda sem
reyna að flýja í átt að landamærum
Írans og Pakistan í von um að komast
þannig frá Afganistan. Á sama tíma
hafa yfirvöld í Íran og Pakistan gefið
út að þar verði ekki tekið á móti
flóttafólki frá Afganistan en það sem
af er árinu 2021 hefur um 600 þúsund
afgönskum flóttamönnum verið snúið
til baka. Átök, þurrkar og Covid-19
bætast svo ofan á þá sáru neyð sem
fyrir ríkti í landinu.“
Nú stendur yfir neyðarsöfnun hjá
Rauða krossinum vegna ástandsins í
Afganistan.
„Allt fé sem safnast rennur beint til
mannúðaraðstoðar Alþjóðaráðs
Rauða krossins (ICRC) í Afganist-
an,“ segir í tilkynningu Rauða kross-
ins.
Skýr vilji til þess
að aðstoða Afgani
- 600 þúsund flóttamönnum vísað frá
AFP
Flug Afganskir flóttamenn á leið frá
Þýskalandi til Bandaríkjanna.