Morgunblaðið - 26.08.2021, Qupperneq 12

12 DAGLEGT LÍF
MORGUNBLAÐIÐ FIMMTUDAGUR 26. ÁGÚST 2021
Fagnað verður um helgina að Akureyr-
arbær er 159 ára, en sunnudagurinn
29. ágúst er afmælisdagur bæjarins.
Venjan hefur verið að halda Akureyr-
arvöku sem næst afmælinu en vegna
Covid-19 hefur henni verið aflýst. Þeir
viðburðir sem verða á dagskrá helgina
27.-29. ágúst í tilefni afmælis sveitar-
félagsins lúta samkomutakmörkunum
og verður sóttvarna gætt í hvívetna.
Myndlist, tónlist og ljósasýningar
skipa háan sess um helgina og má þar
nefna að efnt verður til sönglaga-
tónleika með þátttöku sundlaugar-
gesta í Sundlaug Akureyrar á föstu-
deginum og þrennir tónleikar verða
haldnir á veitingastaðnum Barr í Hofi
þar sem koma fram Andrea Gylfadótt-
ir, Pálmi Gunnarsson, Ösp og Örn Eld-
járn, Tríó Akureyrar og fleira tónlist-
arfólk.
Tvær sýningar verða opnaðar í
Listasafninu á Akureyri laugardaginn
28. ágúst; það er sýning Heklu Bjartar
Helgadóttur og sýning á útilistaverki
eftir Ragnar Kjartansson.
Í verkingu Ljósin í bænum eru valin
hús lýst á litríkan, listrænan og
skemmtilegan hátt. Vídeólistaverk
Heimis Hlöðverssonar, sem var unnið
sérstaklega fyrir Menningarhúsið Hof
í tilefni 10+1 árs afmælis þess, verður
frumsýnt og einnig verður vídeó-
listaverkum varpað á Listasafnið á Ak-
ureyri. Önnur hús sem verða upplýst
með ýmsu móti eru Akureyrarkirkja,
Glerárkirkja og aðstöðuhús siglinga-
klúbbsins Nökkva við Drottningar-
braut. Þá verður ljósadýrðin ráðandi í
Lystigarðinum. Nánari upplýsingar um
dagskrá helgarinnar er að finna á slóð-
inni hallóakureyri.is.
Fjölbreyttir listviðburðir á afmæli Akureyrarbæjar
Ljósin í bænum og tónleikahald
Morgunblaðið/Sigurður Bogi
Akureyri Margt skemmtilegt í höfuðstað Norðurlands á næstu dögum.
Sigurður Bogi Sævarsson
sbs@mbl.is
L
istaverk í mótun, litir, verk-
færi, skissur og skemmti-
legar bækur. Á vinnustofu
Ólafar Nordal myndlist-
arkonu á Granda í Reykjavík kennir
margra grasa og margt spennandi er
í gerjun og sköpun. Nú í sumar var
Ólöf útnefndur borgarlistamaður
Reykjavíkur og ber þann titil í eitt ár.
Heiðursviðurkenning til þess sem
með listsköpun hefur skarað fram úr
og markað sérstök spor í íslensku
listalífi. Þetta sagði í kynningu
Reykjavíkurborgar þegar kunngert
var á þjóðhátíðardaginn, 17. júní, að
Ólöf hefði verið útnefnd.
Hafmenn og flóttafólk
„Uppruni sagna og hugmynda
heillar mig alltaf því í gömlum sögum
er hægt að finna tímalausan vísdóm.
Þó ekki til þess að upphefja hið liðna,
heldur til þess að varpa ljósi á sam-
tímann og það sammannlega sem
fylgir okkur gegnum kynslóðirnar,“
segir Ólöf þegar blaðamaður settist
niður með henni á vinnustofunni nú
fyrr í vikunni.
„Af Langanesi eru til dæmis
margar þjóðsögur um hafmenn. Þeir
voru hálfrisar sem stigu naktir upp
úr hafinu, voru svartir á hörund og
hár, en annars eins og menn. Þeir
komu syndandi að landi og gengu inn
í bæi, en voru þaðan hraktir á haf út
aftur eða drepnir á staðnum en það
þótti mikil hetjudáð. Og skilaboðin?
Jú, gætu þetta ekki verið sannar sög-
ur af hörundsdökkum mönnum sem
lent höfðu í skipsskaða úti fyrir landi,
eða jafnvel þrælum sem reyndu að
synda í land í von um frelsi. Auðvitað
tala þessar sögur beint inn í nú-
tímann, varðandi fáfræði og rasisma
og minnir á örlög flóttafólks sem
kemur hingað til Ísland, en er mörgu
vísað úr landi.“ Lungann úr líðandi
sumri dvaldist Ólöf norður á Siglu-
firði og vann þar að ýmsum spenn-
andi verkefnum. Veru úti á landi
fylgir að farið sé í tilraunaverkefni í
listinni og var afraksturinn af því
sýningin Villiljós í Alþýðuhúsinu þar
í bæ.
„Á Siglufirði í sumar var tíminn
stundum notaður til þess að skoða
staði í ljósi tröllasagna þaðan úr ná-
grenninu. Kjálkinn mikli heitir ekki
Tröllaskagi að ástæðulausu. Sögur
þessar eru af ýmsum toga, en hafa al-
mennt það leiðarstef að fólk eigi ekki
að þvælast á tröllaslóðum því þar
leynast hættur og ekki má storka ör-
lögunum.“
Mannfuglar á Selfossi
Stóra verkefnið hjá Ólöfu nú er
að gera myndverk, sem verður við
hjúkrunarheimili sem er í byggingu á
Selfossi. Verkið verður inni í lok-
uðum garði hringlaga byggingar og
hefur vinnuheitið Mannfuglar.
„Fuglar með mannshöfuð, eins
og listverkið mun sýna, eru furðuver-
ur á mörkum tveggja tilverustiga. Í
öllum trúarbrögðum er þekkt minni
að fugl eða vængjuð vera vitji fólks á
dánarstundinni og með það stef í
huga hef ég þróað listaverkið. Mann-
fuglarnir verða vonandi smá spaugi-
legir og smá hræðilegir. Við sjáum
til,“ segir Ólöf. Mannfuglar eru svo-
kallað 1% verkefni, það er að þegar
opinberar byggingar eru reistar gild-
ir að nefnd hlutfallstala af bygging-
arkostnaði skuli fara í myndverk.
Í maí síðastliðnum var í Mennta-
skólanum við Hamrahlíð í Reykjavík
afhjúpað listaverkið Auga, sem er
eftir Ólöfu. Tilurð verksins átti sér
langan aðdraganda, en því var komið
fyrir við vesturinngang skólahússins.
Á þeim stað átti upphaflega að rækta
jurtir, sem ekki varð af. „Ég ákvað að
taka upp þráðinn þar sem arkitekt-
inn skildi við og rækta í gróð-
urreitnum æsku landsins með nægu
tæru vatni og dagsljósabirtu,“ sagði
Ólöf í ávarpi við afhjúpun verksins í
vor.
Listaverkin í Reykjavík
Að bera titil borgarlistamanns í
Reykjavík er heiðurinn einn, sem
engar kvaðir fylgja. „Mér finnst afar
vænt um þessa útnefningu, sem ég lít
svo á að sé fyrir ýmis verk sem ég hef
unnið og eru áberandi hér í Reykja-
vík, segir Ólöf. Nefnir þar Geirfugl-
inn í Skerjafirði, Bríetarbrekku í
Þingholtsstræti, Þúfuna í Örfirisey
og Augað í MH.
Einnig má nefna hljóðverk í
Skála Alþingishússins; hringlaga
grágrýtisstein með opi fyrir miðju og
fellur inn í steinvegg þar. Verkið
heitir Vituð ér enn – eða hvat? Titill-
inn er sóttur í Völuspá og ef lagður er
vangi á vegg heyrast þaðan setn-
ingar, orð eða hljóð sem hvíslandi
kona les. Orðin eru flest hugtök og
frasar sem fólkið í landinu þekkir –
og röddin í veggnum er að því leyti
ómur Íslands. Þetta endurspeglast
svo í því sem sagði í kynningu á borg-
arlistamanni nú í sumar.
„Í verkum Ólafar eru sagnir,
þjóðleg arfleifð og menningarlegt
minni uppsretta hugmynda sem sett-
ar eru fram í ólíkum miðlum og í nú-
tímalegu samhengi. Mörg verka
Ólafar sækja innblástur í þjóðsögur,
ýmist skráðar eða óskráðar, sagnir
sem gengið hafa mann fram af manni
og mótast í munnlegri geymd.“
Vísdómurinn
er tímalaus
List! Ólöf Nordal er borgarlistamaður Reykjavíkur.
Gerjun og sköpun á Granda. Þjóðleg arfleifð og
menning er uppspretta hugmynda í verkunum.
Morgunblaðið/Eggert
Listakona Varpa ljósi á það sammannlega sem fylgir okkur í gegnum kynslóðirnar, segir Ólöf Nordal í viðtalinu.
Morgunblaðið/Kristinn Magnússon
Auga Í maí síðastliðnum var afhjúpað verk Ólafar Nordal, Augað, sem er í
Menntaskólanum við Hamrahlíð. List í opinberum byggingum er skylda.
Morgunblaðið/Eggert
Örfirisey Fá listaverk í borginni eru oftar mynduð en Þúfan, eftir Ólöfu,
sem er við hafnarmynnið og hlið fiskiðjuvers Brims vestur á Granda.
Betra verð
11.790.000 kr.
Ásett verð kr. 12.990.000,-
Seljandi skoðar skipti á ódýrara
RX 450H EXE HYBRIDLEXUS
www.notadir.toyotakauptuni.isBetri notaðir bílar
Raðnúmer 415050
Nýskráður 2/2021
Akstur 4 þ.km.
Hybrid
307 hestöfl
Sjálfskipting
Fjórhjóladrif
Skoðun 2025
Bakkmyndavél
Fjarlægðarskynjarar
Bluetooth
Hiti í fram- og aftursætum
Kæling í framsætum
Akreinavari
Blindsvæðisvörn
Sjálfvirk há/lág aðalljós
Skynvæddur hraðastillir
Litað gler
Hiti í stýri
Rafdrifið lok farangursrýmis
Umferðarskiltanemi
Leiðsögukerfi
Rafstillanlegt stýri
Glertopplúga