Morgunblaðið - 05.11.2021, Qupperneq 6

6 FRÉTTIR
Innlent
MORGUNBLAÐIÐ FÖSTUDAGUR 5. NÓVEMBER 2021
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Byggingarréttur fyrir fjölbýlis- og atvinnuhúsnæði á
fimm aðskildum byggingarreitum við Vetrarmýri í
Garðabæ hefur verið auglýstur. Samkvæmt upplýs-
ingum frá Garðabæ er reiknað með að framkvæmdir
í þessum áfanga hefjist á árinu 2022 og lóðir verði af-
hentar haustið 2022. Vetrarmýri er eitt af þremur
fyrirhuguðum uppbyggingarsvæðum á Vífilsstaða-
landi.
Vetrarmýri er 20 hektara byggingaland, að fullu í
eigu Garðabæjar, sem markast af Hnoðraholti til
norðurs, Reykjanesbraut til vesturs, Vífilsstaðavegi
til suðurs og golfvelli GKG til austurs. Áætluð heild-
arstærð byggðar í Vetrarmýri er um 66 þúsund fer-
metrar af fjölbýli og 36 þúsund fermetrar af atvinnu-
húsnæði með 664 íbúðum að hámarki. Í fyrsta
áfanga, sem nú hefur verið auglýsur, eru boðnir út
u.þ.b. 26 þúsund fermetrar af fjölbýli og 26 þúsund
fermetrar af atvinnuhúsnæði á fimm aðskildum reit-
um auk möguleika fyrir bjóðendur í atvinnuhúsnæði
að bjóða í bílastæðahús við Reykjanesbraut.
Miðað er við að hús á svæðinu verði ekki hærri en
fjórar hæðir. Við gerð deiliskipulagsins var horft til
góðra tenginga við stofnbrautina Reykjanesbraut, al-
menningssamgöngur og göngu- og hjólastíga og ná-
lægðar við útivistarperlur.
Reiknað er með að svæðið tengist eldri byggðum
og miðbæ með nýrri göngu- og hjólaleið á svokallaðri
jarðbrú yfir Reykjanesbraut. Að hluta meðfram
Reykjanesbrautinni mynda bílastæðahús „vegg“ milli
brautar og byggðar. aij@mbl.is
Vetrarmýri í Garðabæ
Brú yfir Reykjanesbraut Reykjanesbraut
Vífilsstaðavegur
Golfvöllur
GKG
Vífilsstaðir
Íþróttasvæði
20 hektara byggingarland fyrir fjölbýlis- og atvinnuhúsnæði
Fyrsti áfangi útboðs
Framkvæmdir hefjast í
Vetrarmýri á næsta ári
- Byggingarréttur á fimm reitum í fyrsta áfanga auglýstur
Ragnheiður Birgisdóttir
ragnheidurb@mbl.is
„Því miður er þetta ekki alltaf þessi
glansmynd sem dregin er upp í fjöl-
miðlum með það eitt markmið að
selja fólki ódýra þjónustu í Austur-
Evrópu,“ segir Jóhanna Bryndís
Bjarnadóttir, formaður Tannlækna-
félags Íslands, um tannviðgerðir og
aðra slíka þjónustu sem Íslendingar
sækja í erlendis. Fram kom í umfjöll-
un ViðskiptaMoggans á miðvikudag
að læknastofur í Búdapest hefðu
þjónustað á sjötta þúsund Íslendinga
hið minnsta á undanförnum árum og
að tannlæknastofur þar væru stöð-
ugt að færa út kvíarnar og hefðu
jafnvel hafið markaðssetningu á
tannlæknaþjónustu hér á landi.
Jóhanna segir Tannlæknafélagið
þó ekki hafa sérstakar áhyggjur af
þessari þróun, í skriflegu svari til
Morgunblaðsins. „Þessi tanntúrismi
hefur verið lengi til á Norðurlöndun-
um og er ekkert nýr af nálinni. Það er
alltaf ákveðinn hópur fólks sem velur
að fara þessa leið en það eru yfirleitt
þeir sem hafa svo sem ekki endilega
verið að nýta sér þjónustu tannlækna
á Íslandi. En við höfum kannski frek-
ar áhyggjur af því þegar fólk snýr til
baka og hefur lent í vandræðum og
áttar sig ekki þeirri meðferð sem þau
hafa valið og hvað getur gerst í kjöl-
far umfangmikillar meðferðar. Þar
má nefna ofmeðhöndlun og sýkingar
af völdum fjölónæmra baktería
(mosa).“
Hún bendir á að embætti land-
læknis aðhafist ekkert í slíkum til-
fellum þar sem embættið hafi ein-
ungis eftirlit með þeirri starfsemi
sem hefur starfsleyfi á Íslandi. Lög-
bundnar sjúklingatryggingar á Ís-
landi nái ekki heldur yfir þessa starf-
semi.
„Þannig er það nú að hinn almenni
borgari er ekki fær um leggja mat á
merðferðarþörf né meðferðarúrræði
sem í boði eru og er því oft verið að
bera saman epli og appelsínur hvað
verðlagningu varðar.“
Gæðin ekki sambærileg
Ljóst er að Íslendingar sækja
helst í þessa þjónustu erlendis vegna
verðmunar. Þótt aðgerðirnar geti
kallað á nokkrar ferðir til Búdapest
eru þær sagðar borga sig margfalt.
Beðin að skýra þennan verðmun seg-
ir Jóhanna: „Verðlagning tann-
læknaþjónustu á Íslandi er í takti við
almenna verðlagningu á öðrum
vörum og þjónustu á Íslandi. Það er
nú sennilega líka ódýrara að fara í
klippingu eða leita til lýtalækna í
Austur-Evrópu. Nótt á hóteli er líka
ódýrari í Búdapest en í Reykjavík og
svo mætti lengi telja. Hér er einfald-
lega um að ræða allt annað markaðs-
svæði og teljum við réttast að miða
okkar starfsemi eins og svo margt
annað við Norðurlöndin frekar en
Austur-Evrópu. Hvað veldur er aug-
ljóst, rekstur tannlæknastofa á Ís-
landi þarf að lúta þeim reglum og við-
miðum sem gilda í okkar samfélagi.“
Hún nefnir sem dæmi að hér gildi
til að mynda „allt önnur lög varðandi
lágmarkslaun starfsfólks sem eru
sennilega töluvert hærri en í Austur-
Evrópu“. Þá séu „skattar og álögur á
fyrirtæki há hér á landi og í hinum
norrænu ríkjunum og verð á aðföng-
um hér vestar í álfunni er allt annað
en í Austur-Evrópu.“
Spurð hvort hún telji að gæði að-
gerða í Austur-Evrópu séu þau sömu
og aðgerða hér á landi segir hún:
„Eins og áður sagði þá er þessi tann-
túrismi ekkert nýtt fyrirbæri á Norð-
urlöndunum. Rannsóknir sem hafa
verið gerðar þar benda til að gæðin
séu ekki sambærileg því sem tíðkast
á Norðurlöndunum.“ Hún segir lítið
við þessu að gera. „Þessi hópur verð-
ur alltaf til staðar og lítið sem við get-
um í því gert nema þá kannski að
upplýsa og fræða fólk um kosti og
galla þess að leita í þessa tegund
tannlæknaþjónustu.“
Verið að bera saman
epli og appelsínur
- Áhyggjur af vandræðum sem geta fylgt tannlæknaferðum
Morgunblaðið/Kristinn
Formaður Jóhanna Bryndís hjá
Tannlæknafélagi Íslands.
Karlmaður á fertugsaldri lést í um-
ferðarslysi sem varð síðdegis á mið-
vikudag þegar bíll fór út af Hval-
fjarðarvegi á móts við Félagsgarð í
Kjós. Hann var farþegi í bílnum.
Ökumaður bílsins slasaðist alvarlega
og er á gjörgæsludeild Landspítal-
ans. Bíllinn fór út af vegi við Lax-
árvog og kviknaði eldur í honum.
Mikil hálka var á slysstað og á svæð-
inu í kring og gerði það slökkviliðs-
og sjúkraflutningamönnum enn erf-
iðara fyrir.
Þetta er fimmta banaslysið í um-
ferðinni hér á landi í ár. Hið síðasta
varð 17. febrúar þegar ekið var á
gangandi vegfaranda í Urriðaholti í
Garðabæ. Eins og kom fram í Morg-
unblaðinu á dögunum hefur það ekki
gerst í áratugi að meira en 200 dagar
líði milli banaslysa í umferðinni á Ís-
landi. Síðasta langa tímabil án bana-
slysa var 171 dagur; frá 28. ágúst
2014 til 15. febrúar 2015. Þetta er
skv. slysaskráningargrunni Sam-
göngustofu sem nær aftur til 1985.
Fimmta banaslysið
í umferðinni í ár
- Látinn eftir slys á Hvalfjarðarvegi
Ragnheiður Birgisdóttir
ragnheidurb@mbl.is
„Mér finnst þetta alveg frábært átak
og mér sýnist áhuginn vera nokkuð
mikill fyrir þessu,“ segir sundkenn-
arinn Brynjólfur Björnsson um átak-
ið Syndum sem fer fram 1.-28. nóv-
ember. Nú þegar hafa yfir 850 manns
skráð sundferðir sínar á vefsíðunni
syndum.is. Alls höfðu verið syntir um
1.700 kílómetrar, þ.e. um 1,29 hringir
um landið, síðdegis í gær, á fyrstu
fjórum dögum átaksins.
„Vatnið hefur náttúrulega rosa-
lega góð áhrif á okkur. Þótt maður
syndi kannski ekkert þá finnur mað-
ur hvað maður er endurnærður, eins
og nýr maður, eftir sundferðina.
Hvað þá þegar maður bætir við
hreyfingunni í mótstöðu vatnsins,
syndir nokkrar sundtegundir, þá er
maður að virkja næstum alla vöðva-
hópa líkamans og svo er maður að
styrkja hjarta- og æðakerfi. Þetta er
mjúk og góð hreyfing fyrir liðina og
það er lítil meiðslahætta,“ segir
sundkennarinn.
„Maður veit að það er fólk sem er
að fara algjörlega á mis við það hvað
við höfum mikla heilsulind í þessum
sundlaugum svo maður vonar að
þetta verði hvatning fyrir fleiri að
sækja laugarnar. Það eru bara allt of
margir sem hafa ekki séð ljósið, hafa
ekki uppgötvað þetta. Það finnst
manni svolítið sorglegt því þetta er
svo ofboðslega gott fyrir okkur og
heldur okkur ungum. Þetta er hreyf-
ing fyrir alla.“
Morgunblaðið/Eggert
Sundgarpur Brynjólfur var kátur þegar nemendur af sundnámskeiði hans,
Garpasundi, syntu átakið formlega af stað í Laugardalslaug í fyrradag.
„Of margir hafa
ekki séð ljósið“
- Sundátakið Syndum fer vel af stað