Morgunblaðið - 11.11.2021, Blaðsíða 4

4 FRÉTTIR
Innlent
MORGUNBLAÐIÐ FIMMTUDAGUR 11. NÓVEMBER 2021
30%
AFÖLLUMVÖRUM
www.lindesign.is
LINDESIGN.IS
KÓÐI í VEFVERSLUN
“1111”
DAGUR
VEFVERSLUNAR
Helgi Bjarnason
helgi@mbl.is
Árni Bjarnason á Uppsölum er elsti
maður í Heimi. Hann varð níræður
síðastliðinn mánudag. Heimur er
hafður með stórum staf með vísan til
Karlakórsins Heimis í Skagafirði
enda vitað að Árni er ekki elsti mað-
ur í heimi með litlum staf.
„Þeir tóku frábærlega á móti mér,
voru mér góðir eins og alltaf hefur
verið. Þeir héldu mér tertuveislu og
svo flutti formaðurinn mikla lof-
ræðu. Það má lengi gera úlfalda úr
mýflugu,“ segir Árni þegar hann er
spurður um móttökur kórfélaga þeg-
ar hann mætti á æfingu á mánudags-
kvöldið en níræðisafmælið bar ein-
mitt upp á mánudaginn.
Sungu fram í andlátið
Árni byrjaði í karlakórnum árið
1959 og hefur því sungið með honum
í yfir sextíu ár. Ekki segist hann vita
hvort starfandi kórfélagar hafi áður
náð að verða 90 ára. Telur það þó lík-
legt og nefnir að stofnfélagarnir hafi
lengi sungið, sumir fram í andlátið.
Árni er ánægður með félags-
skapinn í Heimi en segist þó vera
farinn að huga að því að hætta.
„Maður verður að hafa vit á því að
hætta áður en maður verður svo vit-
laus að halda að maður sé ómiss-
andi,“ segir hann og reiknar með að
þessi vetur verði hans síðasti í kórn-
um.
Árni var bóndi á Uppsölum í
Blönduhlíð og býr þar enn. Spurður
að því hvernig hann noti tímann seg-
ist Árni mest vera að dunda í bíl-
skúrnum. Þar sé hann að byggja
burstabæi og stundum kirkjur. Ekki
í fullri stærð en stór líkön. Bæirnir
eru 1,50 metrar á lengdina. Hann
segist hafa byggt yfir hundrað bæi
og þeir hafi dreifst um allt land.
Árni er nú að smíða eftirlíkingu af
Silfrastaðakirkju sem er hans sókn-
arkirkja. Hún er áttstrend og segir
hann mikið baks að ná því. Verkinu
er ekki enn lokið. Búið er að taka
Silfrastaðakirkju af grunni sínum og
flytja á Sauðárkrók þar sem unnið
er að viðgerðum á henni. Spurður
hvort ekki sé erfitt að missa kirkj-
una á „sjúkrahús“ segist Árni hafa
séð hana nógu oft og verði bara að
smíða eftir minni.
Ljósmynd/Eyþór Árnason
Silfrastaðakirkja Árni er að smíða stórt líkan af sóknarkirkju sinni. Hann hefur ekki lokið verki.
Elsti maður í Heimi
- Árni Bjarnason mætti á söngæfingu í karlakórnum á ní-
ræðisafmælinu - Smíðar burstabæi og kirkjur í bílskúrnum
Ljósmynd/Valgeir Kárason
Tertuveisla Árni Bjarnason skar
sér fyrstu sneiðina af afmælisköku
sem félagar hans í Heimi færðu hon-
um á afmælisdaginn.
Stefán E. Stefánsson
ses@mbl.is
Flestir stærri rafbílar á markaðnum
í dag kosta um og yfir 6 milljónir
króna. Hins vegar er hægt að kaupa
tengiltvinnbíla undir því verði sem
þjóna fjölskyldufólki svo dæmi sé
tekið. Þetta bendir Jón Trausti
Ólafsson, forstjóri bílaumboðsins
Öskju, á. Hann varar sterklega við
þeim fyrirætlunum stjórnvalda um
komandi áramót sem felast í að
helminga þær ívilnanir sem fylgt
hafa kaupum á tengiltvinnbílum
fram til þessa. Þannig munu regl-
urnar breytast að öllu óbreyttu, að
afsláttur á virðisaukaskatti, sem
numið hefur 960 þúsund krónum
mun verða 480 þúsund krónur frá og
með 1. janúar.
„Ég tel að þetta sé ekki tímabær
aðgerð og það er hætt við að þetta
hægi á orkuskiptunum sem nú
standa yfir. Við sjáum það t.d. á sölu-
tölunum í október að um 40% ný-
skráðra fólksbíla eru tengiltvinn og
þar á eftir kemur hreint rafmagn
með 37%. Almenningur sækir í þessa
bíla og það hefur hjálpað til að bens-
ín- og díselverðið hefur hækkað mik-
ið. Það er mikill hagur í því að skipta
yfir en það dregur strax úr hvatan-
um ef þessar ívilnanir falla niður.“
Bendir Jón Trausti á að það sé
ekki nóg með að stefni í helmingun á
skattaafslættinum heldur falli hann
að öllu leyti niður þegar svokölluð-
um 15 þúsund bíla kvóta, sem settur
var í lögin á sínum tíma, verður náð.
Það gæti gerst í febrúar.
„Verði það reyndin mun tengilt-
vinnbíll sem nú kostar 4 milljónir
kosta nærri 5 milljónir króna og það
felur í sér 20% hækkun á verði.
Þetta gengur þvert gegn þeim
markmiðum sem stefnt er að, t.d.
með þátttöku okkar á loftslagsráð-
stefnunni í Glasgow.“
Segir Jón Trausti að áframhald-
andi ívilnanir geti þjónað sem brú í
átt að fullkomnum orkuskiptum.
Spáir hann því að árið 2025 verði
nær allir fólksbílar sem seldir verða
almenningi knúnir áfram með
hreinu rafmagni en til þess að það
megi verða þurfi að stíga rétt skref.
„Við sjáum það á okkar viðskipta-
vinum að margir þeirra kaupa ten-
giltvinn-bíl og koma sér upp hleðslu-
búnaði sem þó getur tekið tíma.
Þegar þetta er komið upp og fólk
endurnýjar bílinn aftur þá tekur það
mjög gjarnan stökkið alla leið í
hreint rafmagn.“
Askja hefur sett fram 10 tillögur
sem ýta eiga undir orkuskipti í sam-
göngum á Íslandi. Jón Trausti ræðir
þessar tillögur í Dagmálum í dag en
þær lúta m.a. að rafvæðingu leigu-
bílaflotans, sendibíla og bifreiða fyr-
ir fatlaða.
Niðurfelling leiði til mismununar
- Forstjóri Öskju telur að framlengja eigi ívilnanir til kaupa á tengiltvinnbílum - Minni stuðningur
muni hægja á orkuskiptum - Fullkomin orkuskipti í kortunum innan fárra ára sé rétt haldið á málum
Jón Trausti Forstjóri Öskju vill tryggja snurðulaus orkuskipti með áfram-
haldandi ívilnunum sem brúi bilið fram að fullri rafvæðingu bílaflotans.
Oddur Þórðarson
oddurth@mbl.is
ESA, eftirlitsstofnun EFTA, hefur
sent samgöngu- og sveitarstjórnar-
ráðuneytinu bréf, sem Morgunblaðið
hefur undir höndum, þar sem ráðu-
neytið er beðið að útskýra og rök-
styðja sína skoðun á reikningsskilum
Reykjavíkurborgar síðustu ár. Borg-
in hefur, í tíð Dags B. Eggertssonar
borgarstjóra, tiltekið hagnað sem
hlýst af eignarhaldi Félagsbústaða
ehf. á fasteignum við reikningsskil.
Þetta er mögulega í trássi við löggjöf
EFTA um reikningsskil og endur-
skoðun opinberra stofnana, sérstak-
lega hvað viðkemur fasteignum í
eigu hins opinbera. Þannig segir
meðal annars í bréfi ESA til ráðu-
neytisins að borgaryfirvöld í öðrum
aðildarríkjum EFTA tiltaki ekki
hagnað sem hlýst af fasteignum í
þeirra eigu við ársreikningaskil, þar
sem það er bannað samkvæmt stöðl-
um ESA.
Þannig er mál með vexti að fyrir-
tækjum í einkarekstri er heimilt
samkvæmt löggjöfinni að tiltaka
hagnað af fasteignum, en ekki opin-
berum stofnunum. Þannig má leiða
að því líkur að afkoma borgarinnar
væri töluvert neikvæðari á ári hverju
ef farið væri eftir þessum stöðlum
EFTA um reikningsskil, sem banna
opinberum aðilum að tiltaka hagnað
af fasteignum.
Ráðuneytið hefur frest til 15.
Samgöngu- og sveitarstjórnar-
ráðuneytið hefur frest til 15. þessa
mánaðar til að svara bréfi ESA, þar
sem útlistaðar eru alls níu spurning-
ar, sem ráðuneytið er beðið að taka
afstöðu til. Meðal þess sem spurt er
að í bréfinu er hvort íslenska ríkið
telji að Félagsbústaðir ehf. falli und-
ir skilgreiningar EFTA um fyrir-
tæki. Telji íslenska ríkið svo ekki
vera er það beðið um útskýringu á
því hvernig megi skilgreina Félags-
bústaði ehf. og hvort sú skilgreining
geri það að verkum að fyrirtækið
falli undir staðla EFTA um reikn-
ingsskil og endurskoðun. Ráðuneyt-
ið er einnig beðið um skýringar á því
hvort og þá með hvaða hætti opin-
berar stofnanir eru hvattar til þess
að fylgja reglum EFTA um reikn-
ingsskil og hvort dæmi séu um að
mál þessu tengt hafi komið til kasta
ráðuneytisins áður.
Rukka ráðuneyt-
ið um skýringar
- Ársreikningar Reykjavíkurborgar
mögulega í trássi við EFTA-löggjöf