Morgunblaðið - 11.11.2021, Blaðsíða 80

ILVA Korputorgi
Lau. og sun. 12-18
Virkir dagar 11-18:30
ILVA Akureyri
Lau. 10-17 Sun. 13-17
Virkir dagar 11-18
s: 522 4500 - www.ILVA.is
FAST SENDINGARGJALD MEÐ
PÓSTINUM HVERT Á LAND SEM ER!
11/11
20% AFSLÁTTUR
AF ÖLLUM VÖRUM
SINGLES DAY
Finnska sópransöngkonan
Camilla Nylund syngur
Fjóra síðustu söngva Rich-
ards Strauss á tónleikum
með Sinfóníuhljómsveit
Íslands í Eldborg Hörpu í
kvöld kl. 19.30 undir
stjórn Evu Ollikainen. Tvö
önnur verk eftir Strauss
eru á efnisskránni, þ.e.
tónaljóð um hrekkjalóm-
inn Ugluspegil og svíta úr
óperunni Rósaridd-
aranum. Loks verður flutt nýjasta hljómsveitarverk
Daníels Bjarnasonar, From Space I Saw Earth. Verkið
samdi hann fyrir aldarafmæli Fílharmóníusveitarinnar í
Los Angeles þar sem það var frumflutt í nóvember
2019. Daníel sækir innblástur í geimferðir sjöunda ára-
tugarins og þá sýn sem blasir við þeim sem skoða jarð-
arkringluna utan úr geimnum. Verkið er ætlað þremur
stjórnendum og því mundar Ollikainen tónsprotann í
kvöld ásamt tónskáldinu sjálfu og Kornilios Michailidis.
Camilla Nylund syngur Strauss
FIMMTUDAGUR 11. NÓVEMBER 315. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Íslenska kvennalandsliðið í körfuknattleik hefur leik í
undankeppni EM 2023 þegar liðið sækir Rúmeníu heim
í dag. Eftir þann leik mætir íslenska liðið Ungverjalandi
á Ásvöllum næstkomandi sunnudag. Benedikt Guð-
mundsson landsliðsþjálfari segir verkefnið fram undan
leggjast afskaplega vel í liðið.
„Bara rosalega vel, mér líst rosalega vel á hópinn.
Auðvitað vantar stóra pósta en ég held að við séum
með ofboðslega spennandi og skemmtilegan hóp í
höndunum,“ segir Benedikt meðal annars. »69
Með ofboðslega spennandi og
skemmtilegan hóp í höndunum
ÍÞRÓTTIR MENNING
Steinþór Guðbjartsson
steinthor@mbl.is
Útvarpið með stórum staf hefur ver-
ið vinnustaður Hreins Valdimars-
sonar í rúmlega 47 ár eða síðan í
september 1974, en vorið áður lauk
hann sveinsprófi í útvarps- og sjón-
varpsvirkjun sem kallast nú raf-
eindavirkjun. „Ég á tæpt ár í að
verða sjötugur og allir vita hvað það
þýðir,“ segir sérfræðingurinn sem
hefur lengi unnið við afritun og
hljóðlögun á eldri upptökum Út-
varpsins og þar af við yfirfærslu
dagskrárefnis af analog segulbands-
spólum og lakkplötum yfir á staf-
rænt form undanfarin 20 ár.
Víðtæk tónlistarreynsla hefur
komið Hreini vel sem hljóð- og
tæknimaður. Hann bendir á að á
fyrstu árunum í Útvarpinu hafi tölu-
vert verið unnið með gamlar hljóð-
ritanir, bæði lakkplötur og gömul,
vandmeðfarin, stökk og sleip seg-
ulbönd, með tækjabúnaði frá fyrstu
árum Útvarpsins. „Þá kom sér oft
vel að hafa tónlistarbakgrunn og
sæmilegt tóneyra, þekkingu og
reynslu sem helst í hendur við tækni-
þekkingu.“ Bætir við að sagnfræði-
áhugi hafi ekki skemmt fyrir.
Hreinn starfaði hjá norska ríkis-
útvarpinu í Ósló í rúmt ár frá hausti
1977.
„Það var svolítið skrýtin upplifun
að vinna á tæki sem voru nýjasta
nýtt, eins og að hoppa 25 ár fram í
tímann,“ segir hann. Hann hafi
fengið tækifæri til að fara á mörg
námskeið og vinna við bestu að-
stæður með sérmenntuðum og
reyndum fagmönnum. Fleiri ís-
lenskir tæknimenn hafi aflað sér
svipaðrar reynslu erlendis og hún
hafi komið að miklum notum við
þátttöku í hugmyndavinnu í sam-
bandi við nýtt útvarpshús sem hann-
að hafði verið við Efstaleiti. „Upp úr
1980 byrjaði ég svo að fara í ýmis
verkefni við afritun og hljóðlögun á
eldri upptökum Útvarpsins. Það var
svolítið ný upplifun, því með vinn-
unni komst ég nær kjarnanum í
starfsemi Útvarpsins og fékk meiri
jarðtengingu við söguna.“
Þjóðminjasafn
Töluverður hluti starfs Hreins
hefur verið tengdur vinnu með
safnaefni Útvarpsins. Hann upp-
lýsir að yfirfærsla á dagskrárefni
hafi verið vistuð með nákvæmri
skráningu starfsfólks safnadeildar
inn í gagnagrunn til varðveislu og
nota í dagskrá Útvarps til framtíðar.
Helga Lára Þorsteinsdóttir, deildar-
stjóri safnadeildar RÚV, segir að
um 72.500 segulbönd séu varðveitt í
safninu og búið sé að yfirfæra 16% á
stafrænt form. „Þetta er risavaxið
verkefni. Þar við bætist að eftir því
sem hljóðritin eru eldri þarf meiri
yfirlegu og natni ásamt mun lengri
tíma fyrir vandaða skýrslugerð, sem
er eitt af því nauðsynlegasta fyrir
not á þessari gullkistu til framtíðar,“
segir Hreinn.
Hann leggur áherslu á að starfið
hafi veitt sér mikla ánægju. Hann
hafi fengið að hlusta á og taka þátt í
varðveislu á ómetanlegum og
ógleymanlegum þjóðargersemum.
„Fjársjóðurinn er ekki bara til fyrir
dagskrárgerð einnar útvarps-
stöðvar, heldur mætti flokka hljóð-
ritasafn RÚV undir Þjóðminjasafn,
sem geymir sögu, raddir, menningu
og tíðaranda íslensku þjóðarinnar til
margra áratuga,“ segir Hreinn.
„Reiknað hefur verið út að það taki
tugi mannára að ljúka við þessar
tugþúsundir af segulbandsspólum
og lakkplötum. Því er ærið verk
fram undan á safnadeild Ríkis-
útvarpsins.“
Morgunblaðið/Kristinn Magnússon
Í Útvarpinu Hreinn Valdimarsson kann réttu tökin á gömlu efni og vinnur við að koma því á stafrænt form.
Gullkista til framtíðar
- Hreinn hefur unnið við afritun og hljóðlögun á eldri
upptökum Útvarpsins í áratugi - Risavaxið verkefni