Morgunblaðið - 02.12.2021, Blaðsíða 32

32 FRÉTTIR
Innlent
MORGUNBLAÐIÐ FIMMTUDAGUR 2. DESEMBER 2021
A
llt er í járnum í einvígi
norska heimsmeistarans
Magnúsar Carlsens og
áskorandans, Rússans
Jans Nepomniactchis, sem fram fer í
Dúbaí í Sameinuðu arabísku fursta-
dæmunum. Fimmtu einvígisskák
þeirra lauk með jafntefli í gær eftir 43
leiki. Einvígið fer af stað með sama
hætti og tvö síðustu einvígi Magnúsar
þegar hann varði titilinn eftir fjórar
skákir með styttri umhugsunartíma.
Nepo, eins og hann er kallaður, fékk
betra tafl í gær en missti af sterkum
leik í miðtaflinu og eftir það átti
Magnús ekki í erfiðleikum með að
halda jafnvægi. Skákin gekk þannig
fyrir sig:
HM einvígi í Dúbaí 2021; 5. einvíg-
isskák.
Jan Nepomniachtchi – Magnús
Carlsen
Spænskur leikur 1. e4 e5 2. Rf3
Rc6 3. Bb5 a6 4. Ba4 Rf6 5. 0-0 Be7 6.
He1 b5 7. Bb3 0-0 8. a4 Hb8
Carlsen lék 8. … Bb7 í 3. skákinni.
9. axb5 axb5 10. h3 d6 11. c3 b4 12.
d3 bxc3 13. bxc3 d5 14. Rbd2 dxe4
15. dxe4 Bd6 16. Dc2 h6 17. Rf1 Re7?!
Ónákvæmur leikur. Eftir 17. …
Bd7 eða 17. … De8 er staðan í jafn-
vægi.
18. Rg3 Rg6 19. Be3 De8
20. Hed1?!
Almennt var talið að Nepo hefði
misst af góðu tækifæri með 20. c4!
Svartur á úr vöndu að ráða vegna
hótunarinnar 21. c5. „Vélarnar“ telja
21. … De6 eða 21. … Bb4 best.
20. … Be6 21. Ba4 Bd7 22. Rd2
Bxa4 23. Dxa4
23. Hxa4 hefði mátt svara með 23.
… Hb2! o.sfrv.
23. … Dxa4 24. Hxa4 Ha8 25.
Hda1 Hxa4 26. Hxa4 Hb8 27. Ha6
Re8
Setur upp óbrjótandi varnargirð-
ingu.
28. Kf1 Rf8 29. Rf5 Re6 30. Rc4
Hd8 31. f3 f6 32. g4 Kf7 33. h4 Bf8
34. Ke2 Rd6 35. Rcxd6 Bxd6 36. h5
Bf8 37. Ha5 Ke8 38. Hd5 Ha8 39.
Hd1 Ha2 40. Hd2 Ha1 41. Hd1 Ha2
42. Hd2 Ha1 43. Hd1
– og hér sömdu keppendur um
jafntefli.
Einvígið í Dúbaí var upphaflega
sett á dagskrá í ár sem leið en allur
aðdragandi þess, þ.e.a.s. áskor-
endakeppnin, frestaðist um ár vegna
Covid-19.
Baráttuna um heimsmeistaratit-
ilinn í skák má rekja til ársins 1886 er
Austurríkismaðurinn Wilhelm Stein-
itz vann einvígi við Prússann Jo-
hannes Zukertort. Allar götur síðan
hafa einvígi um heimsmeistaratitilinn
haldið athygli heimsbyggðarinnar en
einvígi Fischers og Spasskís í
Reykjavík sumarið 1972 er án efa það
frægasta. Á tímabilinu 1993-2006
voru tveir heimsmeistaratitlar í „um-
ferð“ en sameining tókst árið 2006 er
Vladimir Kramnik vann Venselin
Topalov í sögufrægu einvígi í Elista í
Kalmykíu.
Fyrsta einvígi
Nepomniachtchis
Nepo hefur enga reynslu af vett-
vangi heimsmeistaraeinvígja en gjör-
þekkir sögu þeirra og hernaðar-
áætlun sigurvegaranna. Hann virðist
hafa óbilandi sjálfstraust og kveðst
ekki vitund hræddur við Magnús.
Fyrir einvígið í Dúbaí höfðu þeir teflt
11 kappskákir; Nepo hafði unnið fjór-
um sinnum, sex skákum hefur lokið
með jafntefli og Magnús unnið einu
sinni.
Jan Nepomniachtchi er af gyð-
ingaættum, var afburðanámsmaður
og meðfram skákinni haslaði hann
sér völl í vinsælum vídeó- og keppn-
isleik, DotA (Defence of the Anci-
ents) sem gæti útlagst: Til varnar því
ævaforna. Magnús á svipuð áhuga-
mál, og fyrir nokkrum árum komst
hann í efsta sæti meðal sjö milljóna
þátttakenda í leik á netinu, Fantasy
Premier League. Verðlaunafé í ein-
víginu losar tvær milljónir banda-
ríkjadala.
Nepo gæti hæglega
unnið einvígið í Dúbaí
Skák
Helgi Ólafsson
helol@simnet.is
Ljósmynd/Heimasíða einvígisins
Næsti heimsmeistari? Nepo er til
alls líklegur í HM-einvíginu í Dúbaí.
JÓLAGJÖFIN í ár?
arc-tic Retro
VERÐ FRá:
29.900,-
Aðalfundur Félags sjálfstæðismanna í Miðbæ og Norðurmýri
verður haldinn fimmtudaginn 9. desember kl. 16:00
á Center Hotel, Miðgarði.
Dagskrá:
1. Venjuleg aðalfundarstörf
2. Önnur mál.
StjórnMiðbæjar og Norðurmýri.
Aðalfundur
Félags sjálfstæðismanna í
Miðbæ ogNorðurmýri
Ingibjörg Ýr Pálmadóttir, skóla-
stjóri Fossvogsskóla, lét af störfum í
gær eftir 25 mánuði í starfi. Ástæðan
er fyrst og fremst gríðarlegt álag
sem fylgt hefur óvissu með húsnæð-
ismál Fossvogsskóla eftir að raki og
mygla kom þar upp fyrir rúmum
tveimur árum, og öllu raskinu á
skólastarfinu vegna framkvæmda
við húsnæðið, sem ekki sér fyrir end-
ann á.
Ákvörðunina tók Ingibjörg með
hagsmuni sína og fjölskyldu sinnar
að leiðarljósi.
„Ástæðan er fyrst og síðast þetta
gríðarlega álag sem hefur verið í
starfi, að það er engu líkt. Það hefði
þurft miklu miklu meiri stuðning inn
í skólastarfið til að þessi formúla ætti
að ganga upp,“ segir Ingibjörg í
samtali við mbl.is.
Þegar Ingibjörg tók við keflinu í
Fossvogsskóla á haustönn 2019 stóð
til að framkvæmdum lyki í nóvember
það sama ár. Það fór hins vegar ekki
svo. Engin kennsla fer fram í skóla-
húsnæðinu á þessu skólaári.
„Fyrst og síðast er þetta mín
ákvörðun. Það eru takmörk fyrir því
hvað maður leggur mikið á sig og
það var bara komið nóg,“ bætir hún
við.
Til viðbótar við starf skólastjóra
hefur Ingibjörg þurft að taka að sér
ýmis önnur verkefni til að láta skóla-
starfið ganga upp. Verkefni sem hún
hefði í raun ekki átt að hafa á sínum
herðum.
„Það hefur verið gríðarlegt álag að
taka heilt starf ofan á starf skóla-
stjórnanda og það eru takmörk fyrir
því hvað maður getur gert það lengi.
Þessi húsnæðismál hafa verið rosa-
lega tímafrek og tekið mikla orku og
það var bara komið nóg. Það er gott
að einhver annar taki við,“ segir
Ingibjörg. solrun@mbl.is
Morgunblaðið/Eggert
Fossvogsskóli Myglan í húsnæði
grunnskólans varð ljós árið 2019.
Hættir störfum
vegna álagsins