Morgunblaðið - 24.12.2021, Síða 2

2 FRÉTTIR
Innlent
MORGUNBLAÐIÐ FÖSTUDAGUR 24. DESEMBER 2021
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Fjöldatakmarkanir vegna sóttvarna
ráða því hversu margir verða í guðs-
þjónustum í Hallgrímskirkju í
Reykjavík nú um hátíðarnar. Aðeins
400 manns komast á aðfangadag og
jóladag í messurnar, sem verður
streymt bæði á heimasíðu kirkj-
unnar á hallgrimskirkja.is og mbl.is.
Á aðfangadag verður hægt að
fylgjast með aftansöng klukkan 18
og guðsþjónustu á jólanótt klukkan
23.30. Einnig verður streymt frá há-
tíðarguðsþjónustu á jóladag kl. 14.
Um tvö þúsund manns sækja
Hallgrímskirkju að jafnaði fyrstu
jóladagana ár hvert. Vegna sótt-
varna þarf að takmarka þennan
fjölda, en í streyminu geta allir verið
með í messunum óháð staðsetningu.
Á aðfangadag, í aftansöng og mið-
næturmessu, auk hátíðarmessu á
jóladag, þarf að framvísa neikvæðu
hraðprófi við innganginn í Hall-
grímskirkju og rúmast þá 400
manns í kirkjunni miðað við sótt-
varnareglur, 200 í hvoru hólfi. Í fjöl-
skylduguðsþjónustu klukkan 14 á
öðrum degi jóla geta 100 manns ver-
ið í kirkjunni en þá er ekki krafist
hraðprófs. – Messuhald um jólin
verður víða með líku lagi og nú er í
Hallgrímskirku. Helgihaldi er
streymt yfir netið enda eru kirkj-
urnar aðeins opnar fáum.
„Himneskast af öllu í heimi er að
vera í Hallgrímskirkju á jólanótt,
syngja sálmana og heyra boðskap-
inn. Á Covid-tímum eru skorður
settar og þá er streymi á guðsþjón-
ustum næstbesti kosturinn,“ segir
sr. Sigurður Árni Þórðarson sóknar-
prestur. „Ég veit um marga sem
ætla að fylgjast með útsendingum,
til dæmis fólk sem er í sólinni suður
á Flórída og í samfélagi landa okkar
í Skandinavíu. Kirkjuhefðin meðal
Íslendinga er sterk og gaman að
geta mætt henni með útsendingu á
netinu, nú á óvenjulegum tímum í
heimsfaraldri.“ sbs@mbl.is
Jólamessum streymt á mbl.is
- Þrjár messur
verða í Hallgríms-
kirkju um jólin
Morgunblaðið/Íris
Jól Hallgrímskirkja á holtinu.
Inflúensa vetrarins er enn ekki far-
in að herja á landsmenn. Gunn-
laugur Sigurjónsson, stjórnar-
formaður Læknavaktarinnar, segist
hafa heyrt af einu tilviki og sé
nokkuð um liðið frá því það kom
upp.
Töluvert er um öndunarfærasýk-
ingar en þó minna en í haust, sam-
kvæmt upplifun starfsmanna
Læknavaktarinnar. Veirusýkingar
sem leggjast á börn hafa verið
mest áberandi enda sumar þeirra
alvarlegar.
Gunnlaugur segir að það vanda-
mál sé vaxandi að erfitt sé að
greina á milli einkenna Covid-19 og
kvefpesta nú þegar Ómíkron-
afbrigðið er að verða allsráðandi.
Hjá flestum bólusettum og hraust-
um einstaklingum séu einkennin
ekki verri en í kvefpestum. Hann
segir ekki gott að fá kórónuveiru-
smit inn á biðstofur Læknavakt-
arinnar, heilsugæslustöðva eða ann-
arra heilbrigðisstofnana, nema
vitaskuld ef fólk er bráðveikt svo
bregðast þurfi strax við. Þess
vegna er fólki með slík einkenni
ráðlagt að fara fyrst í sýnatöku
vegna Covid.
helgi@mbl.is
Inflúensan
ekki farin
að herja
- Minni sýkingar en
á haustmánuðum
Steinar Ingi Kolbeins
steinar@mbl.is
Fyrrverandi formaður Dómara-
félags Íslands, Ingibjörg Þorsteins-
dóttir, segir í samtali við Morgun-
blaðið að dómur Björns Þorvalds-
sonar, dómara við Héraðsdóm
Reykjavíkur, hafi engin áhrif á stöðu
Ástríðar Grímsdóttur, dómara við
Héraðsdóm Reykjaness. Málið sé þó
afar óvanalegt og kveðst hún ekki
muna í fljótu bragði eftir sambæri-
legum dómi. „Ég get ekki betur séð
en að dómarinn við Héraðsdóm
Reykjavíkur vísi til þess að fyrri
dómur sé rangur og hún hafi átt að
vita betur. Þetta er náttúrlega dóm-
ari á sama dómstigi svo ég geri ráð
fyrir að menn láti á þetta reyna.“
Vísar hún til þess að líklegt sé að
málið fari lengra í dómskerfinu.
Saknæm háttsemi dómara
Björn Þorvaldsson, dómari við
Héraðsdóm Reykjavíkur, dæmdi í
gær íslenska ríkið og flugvélaleiguna
ACL bótaskyld og gerði þeim að
greiða Isavia 2,5 milljarða króna
vegna kyrrsetningar flugvélar ACL,
sem þá var í notkun hjá WOW air, en
Isavia gerði kröfu á ACL um að
greiða niður tveggja milljarða króna
skuld WOW air. Í úrskurði héraðs-
dóms sem dæmdi í málinu fyrir
tveimur dögum var tekið fram að
niðurstaða fyrra máls hefði verið
röng og háttsemi dómarans í málinu,
Ástríðar Grímsdóttur, saknæm. Vís-
ar það til þess að Ástríður taldi ekki
þörf á að fresta réttaráhrifum úr-
skurðarins og því hægt að fljúga þot-
unni úr landi.
Staða dómara trygg
Niðurstaða Héraðsdóms Reykja-
víkur hefur engin áhrif á stöðu
Ástríðar að mati Ingibjargar. Staða
dómara sé tryggð í stjórnarskrá.
„Dómarar verða að geta dæmt á
eigin ábyrgð eins vel og þeir geta,
alltaf óhræddir við það að dómarnir
hafi einhver áhrif á stöðu þeirra. Það
er grundvallarregla í kerfinu. Það
þarf eitthvað stórkostlegt að fara úr-
skeiðis til að eitthvað geti gerst.“
Afar óvanalegur dómur
- Staða dómara er tryggð í stjórnarskrá - Líklegt að málið fari á æðri dómstig
Mogunblaðið/Hari
Á brott Flugvélinni, sem var kyrrsett, var flogið frá Íslandi í júlí árið 2019.
Það var margt um manninn í miðborg Reykja-
víkur í gærkvöldi. Veður var milt og margir
lögðu lokahönd á jólagjafakaupin. Eflaust hafa
svo einhverjir verðlaunað sig með heimsókn á
veitingahús að því loknu, í skjóli undanþágu frá
sóttvarnareglum. Þau Grýla og Leppalúði voru á
vappi á Laugaveginum og heilsuðu upp á ung-
viðið. Margir höfðu á orði að þau hefðu betur
verið með grímu, svo ófrýnileg voru þau.
Morgunblaðið/Árni Sæberg
Grýla og Leppalúði grímulaus á Laugaveginum
Morgunblaðið kemur næst út
mánudaginn 27. desember.
Öflug fréttaþjónusta verður á
mbl.is yfir jólin. Hægt er að
senda ábendingar um fréttir á
netfangið netfrett@mbl.is.
Þjónustuver áskriftar-
deildar er opið í dag, að-
fangadag, kl. 8-12. Lokað er á
jóladag og annan dag jóla.
Netfang áskrifendaþjónust-
unnar er askrift@mbl.is og
síminn er 569-1100.
Áskrifendaþjónustan verð-
ur opnuð aftur mánudaginn
27. desember kl. 7.
Auglýsingadeild er lokuð til
27. desember. Netfang hennar
er augl@mbl.is. Hægt er að
bóka dánartilkynningar á
mbl.is.
Fréttaþjónusta
mbl.is um jólin
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir