Morgunblaðið - 24.12.2021, Qupperneq 33

AFP
Þýskaland Alfreð Gíslason hefur
þjálfað í Þýskalandi í 24 ár.
Víðir Sigurðsson
vs@mbl.is
Þýska handknattleikssambandið
tilkynnti í gær að samningur við Al-
freð Gíslason um þjálfun karla-
landsliðs Þýskalands hefði verið
framlengdur til sumarsins 2024.
Alfreð tók við þýska liðinu í febr-
úar 2020, eftir síðasta Evrópumót,
og var með það á HM í Egyptalandi
í byrjun þessa árs þar sem tólfta
sæti varð niðurstaðan, sem og á Ól-
ympíuleikunum í Tókýó þar sem
það féll út í átta liða úrslitum. Nú er
hann á leið með mikið breytt lið á
EM 2022 en fjölmarga burðarása
vantar í þýska liðið sem spilar þar.
Alfreð hefur verið í fararbroddi í
þjálfun í Þýskalandi frá árinu 1997
þegar hann tók við liði Hameln.
Hann var síðan með Magdeburg í
sjö ár, Gummersbach í tvö ár og
Kiel í ellefu ár og vann þýska meist-
aratitilinn sex sinnum með Kiel og
einu sinni með Magdeburg, sex
bikarmeistaratitla, og var fjórum
sinnum kjörinn besti þjálfari
Þýskalands. Þá vann hann Meist-
aradeild Evrópu tvisvar með Kiel.
„Við vitum allt um reynslu Al-
freðs og hæfileika hans. Hann verð-
ur mikilvægur okkar unga liði. Al-
freð valdi líka að vera áfram með
okkur. Þetta er niðurstaðan úr við-
ræðum undanfarinna vikna þar
sem hann var afar áhugasamur um
möguleika þýska landsliðsins og
þann leikmannahóp sem nú er til
staðar,“ sagði Axel Kromer,
íþróttastjóri þýska handknattleiks-
sambandsins.
Heldur áfram með þýska liðið
ÍÞRÓTTIR 33
MORGUNBLAÐIÐ FÖSTUDAGUR 24. DESEMBER 2021
Þeir eru orðnir ófáir landsleik-
irnir sem maður hefur sótt í
íþróttunum. Í hinum og þessum
íþróttagreinum og hjá körlum og
konum. Eftir á að hyggja hefði
maður kannski átt að halda utan
um landsleikjafjöldann.
Ómissandi þáttur fyrir lands-
leiki er að hlýða á þjóðsöngvana.
Þeir eru fyrir löngu orðnir hluti af
alþjóðlegum íþróttakeppnum og
hafa vafalítið mikil áhrif á
íþróttafólkið sjálft. Er það skilj-
anlegt vegna þjóðernisvitundar
sem er ekki langt undan þegar
þjóðir reyna með sér í íþróttum.
Einu hef ég þó aldrei botnað al-
mennilega í og það er sú hefð að
spila þjóðsöng fyrir íþrótta-
viðburði þar sem lið frá sömu
þjóð keppa. Hér heima er þjóð-
söngurinn til að mynda spilaður
fyrir bikarúrslitaleiki í ýmsum
greinum. Ef til vill er það gert til
að gefa viðburðinum hátíðlegan
blæ.
Hægt væri að leika alls kyns
önnur lög í staðinn eins og Vest-
fjarðaóð með Kan. Ef Hebbi kem-
ur leikmönnum ekki upp á tærn-
ar, hver gerir það þá?
Ég skil þetta ekki almennilega
en líklega hefur þessi siður skil-
að sér hingað að utan. Í banda-
rískum íþróttum er þjóðsöng-
urinn sunginn fyrir hvern einasta
leik. Í NBA og NHL eru til að
mynda 82 leikir á keppnis-
tímabilinu og þjóðsöngurinn er
því spilaður ansi oft. Bandaríkja-
menn fá nú sennilega seint leið á
honum og þetta gerir því senni-
lega lítið til.
Ef annað liðið er bandarískt og
hitt frá Kanada þá eru tveir þjóð-
söngvar leiknir fyrir venjulegan
deildaleik. Ég get reyndar haft
gaman af því þegar hinir ýmsu
spámenn spreyta sig á að syngja
bandaríska þjóðsönginn fyrir
íþróttaviðburði.
BAKVÖRÐUR
Kristján Jónsson
kris@mbl.is
Tommy Stroot,
þjálfari þýska
knattspyrnuliðs-
ins Wolfsburg,
kveðst afar
spenntur fyrir
því að fá hina ís-
lensku Sveindísi
Jane Jónsdóttur í
sitt lið eftir ára-
mótin.
Sveindís er
byrjuð að æfa af fullum krafti með
Wolfsburg, sem keypti hana af
Keflavík í desember 2020 og lánaði
hana til Kristianstad í Svíþjóð allt
þetta ár. Sveindís verður lögleg
með Wolfsburg í janúar en liðið er
að vanda í baráttu um þýska meist-
aratitilinn og er komið í átta liða
úrslit Meistaradeildarinnar þar
sem liðið mætir Arsenal í mars.
„Stuðningsfólk okkar getur hlakk-
að mikið til að sjá hana. Hún er
ótrúlega efnileg, gríðarlega ákveð-
in í sínum aðgerðum, tekur hrika-
lega langa spretti og er með réttu
talin vera eitt mesta efnið í íslensk-
um fótbolta. Þetta eru mjög spenn-
andi kaup og endurspegla nákvæm-
lega okkar framtíðarstefnu,“ sagði
Stroot við staðarblaðið Wolfs-
burger Allgemeine í gær.
Sóknarmaðurinn hefur leikið 13
A-landsleiki og skorað í þeim sex
mörk.
Þjálfarinn
spenntur fyrir
Sveindísi
Sveindís Jane
Jónsdóttir
BLAK
Bjarni Helgason
bjarnih@mbl.is
„Það eru oftast atvinnumenn í
íþróttinni sem hafa hlotið þessa
nafnbót þannig að ég er fyrst og
fremst stoltur og ánægður með
þessa viðurkenningu,“ sagði Ragnar
Ingi Axelsson, leikmaður Hamars í
Hveragerði, í samtali við Morgun-
blaðið í höfuðstöðvum ÍSÍ í Laugar-
dal.
Ragnar var útnefndur blakmaður
ársins í hófi Blaksambands Íslands
sem haldið var í höfuðstöðvum ÍSÍ
við Engjaveg í Reykjavík á þriðju-
daginn en hann varð Íslands-, bikar-
og deildarmeistari með Hamri á síð-
ustu leiktíð.
Íslandsmeistaratitillinn var jafn-
framt sá fyrsti í sögu Hamars í
flokkaíþrótt en liðið hefur verið al-
gjörlega óstöðvandi á árinu og tapaði
ekki leik í öllum keppnum.
Líka fyrsti frelsinginn
„Ég er líka fyrsti frelsinginn til
þess að fá þessi verðlaun sem gerir
mig ennþá stoltari. Það er oft þannig
að þeir sem spila í stöðu frelsingja
þurfa að eiga stórkostlega leiki til
þess að eiga möguleika á því að vera
valdir menn leiksins þannig að leik-
staðan sem slík fellur oft í skuggann
af smössurunum, uppspilurunum og
þessum helstu sóknarmönnum. Það
er meira ætlast til þess að við sem
spilum í stöðu frelsingja verjum þá
bolta sem koma til okkar og það er
minna um það að maður fái klapp á
bakið fyrir góða vörn, frekar en góða
sókn,“ sagði Ragnar.
Gat helgað sig íþróttinni í
Neskaupstað
Ragnar er fæddur og uppalinn í
Neskaupstað þar sem blakið hefur
ráðið ríkjum en hann byrjaði að
æfa íþróttina þegar hann var átta
ára.
„Það voru ekki margar íþróttir
sem hægt var að æfa á sínum tíma
heima í Neskaupstað. Valið stóð
einna helst á milli fótbolta annars
vegar og svo blaks hins vegar. Ég
valdi blakið þegar ég var átta ára og
blómstraði algjörlega í þeirri íþrótt.
Alla tíð hefur mér fundist þetta
hrikalega skemmtileg íþrótt að æfa
þannig að það er alveg óhætt að
segja að ég hafi valið rétt.
Ég er úr sveit líka og alla tíð hefur
maður einhvern veginn getað helgað
sig íþróttinni ef svo má segja. Það
var lítið annað að gera fyrir austan
en að einbeita sér að blakinu og ég er
mjög þakklátur fyrir mína æsku í
Neskaupstað og hversu miklum tíma
ég gat eytt í það sem mér finnst
skemmtilegast að gera.“
Besta lið landsins í Hveragerði
Ragnar ákvað að ganga til liðs við
Hamar fyrir síðasta tímabil og sér
ekki eftir þeirri ákvörðun.
„Það voru nokkrir kostir í stöð-
unni og það voru fleiri lið sem settu
sig í samband við mig þegar ég
ákvað að ég yrði ekki áfram í her-
búðum Álftaness. Hamar hafði sett
sig í samband við mig og tvíburarnir
í liðinu, Hafsteinn og Kristján Valdi-
marssynir, líka.
Ég sá það fljótt að félagið ætlaði
sér stóra hluti á komandi keppnis-
tímabili og var fljótur að hlaupa á
vagninn. Það hefur líka verið ótrú-
lega gaman að taka þátt í þeirri upp-
byggingu sem snýr að blakinu í
Hveragerði og að vera hluti af þess-
um sögulega Íslandsmeistaratitli var
ótrúleg upplifun.“
Hamar hefur nú unnið 32 leiki í
röð í öllum keppnum.
„Eins og staðan er í dag erum við
besta lið landsins og eins gaman og
það var að vinna alla þá bikara sem í
boði voru á síðustu leiktíð þá vona ég
innilega að þetta verði aðeins meiri
áskorun á yfirstandandi keppn-
istímabili.
Á síðasta tímabili töpuðum við
tveimur hrinum en annars unnum
við alla okkar leiki 3:0. Þetta voru því
tveir leikir sem við unnum 3:1 og það
væri gaman ef samkeppnin yrði að-
eins meira á næsta ári í það
minnsta.“
Þurfti ekki að koma sér-
staklega út úr skápnum
Ragnar er í sambandi með Jóni
Helga Sigurðssyni en samkynhneigð
í karlkynsíþróttum hefur ekki flogið
hátt í íþróttasamfélaginu hér á landi
í gegnum tíðina.
„Ég þurfti aldrei að koma eitthvað
sérstaklega út úr skápnum heldur
var ég meira bara ég sjálfur. Ég til-
kynnti aldrei eitthvað sérstaklega að
ég væri samkynhneigður enda
fannst mér það óþarfi. Ég leiddi al-
veg hugann að þessu þegar ég frétti
af því að ég yrði í liði með fjórum
Pólverjum þar sem menningin er
öðruvísi en á Íslandi en þetta hefur
aldrei verið neitt vandamál í bún-
ingsklefanum.“
Alltaf opinn með mína
samkynhneigð
„Ég hef alltaf verið mjög opinn
með mína samkynhneigð og aðal-
málið er held ég bara að taka ekki
sjálfan sig of hátíðlega. Það er stund-
um grínast með hitt og þetta í klef-
anum, bara eins og gengur og gerist
annars staðar, og þá bara hlær mað-
ur með, ekkert vesen. Ef manni
finnst gengið of langt þá segir maður
það og þá er það bara búið strax,“
sagði Ragnar við Morgunblaðið.
Ótrúlega gaman að taka
þátt í uppbyggingu Hamars
- Ragnar Ingi Axelsson, blakmaður ársins, hefur tekið þátt í 32 leikja sigurgöngu
Morgunblaðið/Bjarni Helgason
Bestur Ragnar Ingi Axelsson með viðurkenningar sínar sem blakmaður
ársins 2021. Hann er Íslands- og bikarmeistari með Hamri úr Hveragerði.
Brynjar Ingi Bjarnason landsliðs-
miðvörður í knattspyrnu gæti verið
á leið frá Lecce á Ítalíu til Rosen-
borg í Noregi. Ítalskir fjölmiðlar
fjölluðu um möguleg félagaskipti
Brynjars í kjölfar fréttar sem birt-
ist á fótbolti.net um að Rosenborg
væri í viðræðum við Lecce um að fá
Akureyringinn í sínar raðir.
Lecce keypti Brynjar af KA í
sumar en hann hefur enn sem kom-
ið er aðeins leikið einn leik með lið-
inu í B-deildinni á þessu keppnis-
tímabili. Hann vann sér hins vegar
fast sæti í A-landsliði Íslands.
Brynjar frá Ítalíu
til Noregs?
Morgunblaðið/Eggert
Ísland Brynjar Ingi gæti skipt úr
Lecce og í Rosenborg í Þrándheimi.
Samkvæmt mörgum breskum fjöl-
miðlum hafa stóru knattspyrnu-
félögin í Skotlandi, Celtic og Rang-
ers, bæði áhuga á að krækja í Albert
Guðmundsson, landsliðsmann hjá
AZ Alkmaar í Hollandi. Samningur
Alberts við AZ rennur út eftir þetta
tímabil og fram hefur komið að hann
hafi ekki viljað semja að nýju við fé-
lagið. Skosku félögin eiga því mögu-
leika á að fá hann til sín án greiðslu
næsta sumar. The Telegraph er
meðal þeirra fjölmiðla sem segja að
Celtic renni hýrum augum til ís-
lenska landsliðsmannsins.
Albert í Celtic
eða Rangers?
Ljósmynd/Alex Nicodim
Glasgow Albert Guðmundsson er
orðaður við stóru liðin í Skotlandi.