Morgunblaðið - 24.12.2021, Side 32

HANDBOLTI
Kristján Jónsson
kris@mbl.is
Guðmundur Þ. Guðmundsson, lands-
liðsþjálfari karla í handknattleik, til-
kynnti á dögunum hvaða tuttugu leik-
menn hefðu orðið fyrir valinu til að
keppa á EM í janúar. Morgunblaðið
tók Guðmund tali og spurði fyrst
hvaða leikmenn hann átti ekki kost á
að velja?
„Það voru auðvitað leikmenn þarna
sem eru meiddir. Haukur Þrastarson
hefur glímt við meiðsli í rúmt ár en að
sjálfsögðu er hann landsliðsmaður
þegar hann er alveg heill. Arnór Þór
Gunnarsson hefði verið í hópnum en
gaf ekki kost á sér. Hákon Daði
Styrmisson hefði verið í þessum hópi
ef hann hefði ekki meiðst. Oddur
Gretarsson hefur einnig verið meidd-
ur og kom því ekki til greina. Ég vil
líka nefna að Óðinn Þór Ríkharðsson
bankar á dyrnar og er að sjálfsögðu á
35 manna listanum. Ég ákvað að láta
tvær örvhentar skyttur leysa Sig-
valda af. Menn sem geta spilað í horn-
inu. Að vera með fjórar skyttur eykur
fjölbreytnina hægra fyrir utan. Þetta
snýst svolítið um vörnina líka og það
eru ýmsar pælingar á bak við þetta.
Kristján Örn getur ýmsa hluti sem
aðrir geta ekki, eins og að skjóta af
löngu færi. Ég vildi eiga svoleiðis
vopn. Þessi ákvörðun var ekki einföld
en þessir örvhentu leikmenn hafa all-
ir staðið sig vel. Ég er sáttur við valið
en ég hef fylgst vel með mönnum og
ég held að þetta sé sterkasti hópurinn
sem við eigum kost á í dag,“ sagði
Guðmundur þegar Morgunblaðið
ræddi við hann.
Samkomulag gert við Arnór
Arnór Þór hefur verið lengi í lands-
liðinu og var fyrirliði á HM í Egypta-
landi í byrjun árs. Arnór gaf ekki kost
á sér en Guðmundur segist hafa gert
heiðursmannasamkomulag við
hornamanninn.
„Hann hefur verið lykilmaður í
þessu liði og ég sakna hans auðvitað.
Við erum með heiðursmanna-
samkomulag. Ef við lendum í miklum
vandræðum vegna meiðsla þá er Arn-
ór tilbúinn til að spila með okkur og
þess vegna er hann á 35 manna list-
anum. Það hljómaði einkennilega að
hann væri hættur með landsliðinu en
hann er tilbúinn að hjálpa. Ég hefði
gjarnan viljað hafa hann því Arnór
hefur verið frábær með landsliðinu
árum saman og var fyrirliði á síðasta
stórmóti. Hann er sterkur karakter
og frábær innan hópsins.“
Liðin á EM geta farið með tuttugu
leikmenn í mótið og sextán eru á leik-
skýrslu hverju sinni. Svigrúmið fyrir
þjálfarana hefur aukist með árunum
en áður fyrr var þeim þrengri stakk-
ur sniðinn á stórmótum.
„Ég er ánægður með að geta farið
með tuttugu manna hóp en það munu
ekki allir spila í hverjum leik. Ég mun
ræða það við leikmenn því menn
þurfa að sinna þeim hlutverkum sem
þeir fá. Stundum getur hlutskiptið
verið að vera með hópnum en spila
ekki. Menn þurfa að vera tilbúnir í
það í einhvern tíma.“
Margt sem var í rétta átt
Að öllu óbreyttu mun Guðmundur
nú geta nýtt krafta Arons Pálmars-
sonar á stórmóti á ný en Aron missti
af HM í Egyptalandi.
„Þegar við rifjum upp síðasta stór-
mót þá er ágætt að hafa í huga að þá
vantaði fjóra lykilmenn í liðið á þeim
tíma. Aron Pálmarsson er einn mik-
ilvægasti leikmaður liðsins. Janus
Daði Smárason var ekki leikfær þótt
hann hafi reynt að spila í upphafi
mótsins. Haukur Þrastarson var
meiddur og Alexander Petersson
reyndist ekki almennilega tilbúinn í
slaginn vegna höfuðhöggsins sem
hann fékk í leiknum gegn Portúgal
skömmu fyrir mótið. Við vorum þar
af leiðandi í miklu basli sem lið að
koma þessu heim og saman. Þess
vegna náðum við ekki því sæti í
mótinu sem við hefðum viljað en mín
skoðun er sú að margt hafi engu að
síður verið á réttri leið hjá okkur.“
Orri Freyr Þorkelsson, hornamað-
ur hjá Elverum í Noregi, er á leið á
sitt fyrsta stórmót og skipar vinstra
hornið ásamt Bjarka Má Elíssyni.
Hefur Guðmundur fylgst vel með
Orra?
„Já, hann hefur staðið sig vel í
norsku deildinni en hefur minna spil-
að í Meistaradeildinni. Hann hefur
verið í landsliðshópnum hjá mér áður
og hefur aðeins fengið að kynnast
þessu hjá okkur. Hann hefur vaxið
sem leikmaður og er að spila með
mjög góðu liði.“
Lúxus á hægri vængnum
Þegar Guðmundur var sjálfur
landsliðsmaður á níunda áratugnum
vakti athygli erlendis að íslenska
landsliðið átti tvo toppmenn í skyttu-
stöðunni hægra megin, Kristján Ara-
son og Sigurð Sveinsson, þegar flestir
voru ánægðir með að eiga eina öfluga
örvhenta skyttu. Nú er staðan sú að í
hópnum eru fjórar örvhentar skyttur
og allt leikmenn sem standa sig vel
með liðum í sterkum deildum erlend-
is: Ómar Ingi Magnússon, Viggó
Kristjánsson, Kristján Örn Krist-
jánsson og Teitur Örn Einarsson. Við
þetta má bæta að Alexander Peters-
son leikur enn í Þýskalandi og því má
segja að Íslendingar eigi fimm öfluga
leikmenn erlendis í þessari stöðu.
Hvernig stendur á þessu?
„Þetta er alveg með ólíkindum og
mjög skemmtilegt. Kannski er þetta
eitthvað sem enginn reiknaði með því
á tímabili höfðu menn miklar áhyggj-
ur af þessari stöðu. Síðan hefur ræst
úr því og nú eigum við fjóra mjög
frambærilega leikmenn. Þetta er
gríðarlega jákvætt. Ég hef ekki
ákveðið svar við þessu umfram það að
mér finnst félögin oft hafa gert góða
hluti hérna heima. Félögin framleiða
góða leikmenn. Við tölum oft um
höfðatöluna og getum alveg gert það í
þessu samhengi. Við náum að búa til
ótrúlega marga góða leikmenn og það
skilur þetta enginn í heiminum. Ég
fæ mjög oft þessa spurningu, hvernig
getið þið verið meira eða minna inni á
stórmótunum? Við erum álíka fjöl-
menn og litlar borgir í öðrum löndum.
Íslendingar eru tilbúnir að leggja
hart að sér og æfa vel. Ég held að við
höfum byggt upp ákveðna þekkingu
gagnvart handboltanum og gott starf
er unnið hjá félögunum. Félögin eru á
endanum þau sem búa leikmenn til.“
Tíminn vel nýttur
Guðmundur fékk landsliðshópinn
saman í nóvember. Liðið stillti þá
saman strengi en ekki voru spilaðir
vináttuleikir enda fylgja því ýmis
flækjustig á tímum faraldursins.
„Mér fannst við fá mjög mikið út úr
því. Við unnum til dæmis með and-
lega þætti. Við töluðum um markmið-
asetningu. Hvernig við byggjum upp
þetta lið og hvernig við viljum nálgast
verkefnið. Það var hluti af pakkanum.
Við gáfum okkur tíma til þess enda
vildum við vera hér heima og fá fleiri
daga til að vinna í okkur sjálfum. Mér
fannst það mjög jákvætt. Það var
bæði mikilvægt fyrir mig og mik-
ilvægt fyrir leikmennina. Við vorum
ekki í þessu stressi sem svo oft er í
kringum landsliðið. Þá er alltaf verið
að hlaupa og alltaf verið að spila einn
eða tvo leiki. Þá þarf að fljúga út í
leiki og aftur heim. Þá fer tíminn
rosalega fljótt en í þetta skiptið not-
uðum við tímann til æfinga og að
byggja okkur upp,“ sagði Guð-
mundur og hann er einnig ánægður
með lokaundirbúninginn fyrir EM
sem fram undan er í janúar.
„Já, ég er mjög glaður yfir því að
við skulum fá tvo leiki hingað til Ís-
lands. Það er ekki sjálfgefið og í raun
ekki auðvelt á þessum tímum. Við
spörum gríðarlega mikinn tíma á því.
Í aðdraganda leikjanna getum við
notað tímann í annað en ferðalög.
Sem væri jákvætt atriði svona yfir-
leitt en ég tala nú ekki um á þessum
Covid-tímum,“ sagði Guðmundur.
Skilja ekki
hvernig við
förum að
- Undirbúningur án landsleikja í
nóvember var Guðmundi dýrmætur
AFP
EM 2022 Guðmundur Þ. Guðmundsson segir að íslensku félögin séu í
lykilhlutverki í því að framleiða góða handboltamenn.
32 ÍÞRÓTTIR
MORGUNBLAÐIÐ FÖSTUDAGUR 24. DESEMBER 2021
Þýskaland
Magdeburg – Hamburg ...................... 34:26
- Ómar Ingi Magnússon skoraði sjö mörk
fyrir Magdeburg og Gísli Þorgeir Krist-
jánsson eitt.
Lemgo – Bergischer ........................... 27:27
- Bjarki Már Elísson skoraði fjögur mörk
fyrir Lemgo.
- Arnór Þór Gunnarsson skoraði fjögur
mörk fyrir Bergischer.
Füchse Berlín – Balingen................... 26:26
- Daníel Þór Ingason skoraði eitt mark
fyrir Balingen en Oddur Gretarsson er frá
vegna meiðsla.
Staðan:
Magdeburg 32, Kiel 26, Flensburg 25,
Füchse Berlín 25, Wetzlar 21, Göppingen
19, Lemgo 18, Melsungen 18, Leipzig 16,
Hamburg 16, Erlangen 14, RN Löwen 14,
Hannover-Burgdorf 12, Bergischer 11, N-
Lübbecke 10, Stuttgart 9, Balingen 8,
Minden 6.
B-deild:
Emsdetten – Aue ................................. 24:26
- Anton Rúnarsson skoraði eitt mark fyrir
Emsdetten.
- Arnar Birkir Hálfdánsson skoraði eitt
mark fyrir Aue. Sveinbjörn Pétursson lék
ekki með liðinu.
_ Efstu lið: Gummersbach 28, Hagen 25,
Nordhorn 24, Hüttenberg 23, Hamm 22.
.$0-!)49,
Spánn
Valencia – Obradorio.......................... 91:71
- Martin Hermannsson skoraði sex stig,
tók tvö fráköst og gaf eina stoðsendingu hjá
Valencia á 20 mínútum.
_ Efstu lið: Real Madrid 26, Barcelona 22,
Joventut Badalona 18, Murcia 16, Valencia
16, Baskonia 16, Tenerife 16, Manresa 16.
Rúmenía
Rapid Búkar. – Phoenix Constanta... 37:85
- Sara Rún Hinriksdóttir skoraði 21 stig
fyrir Phoenix, tók 11 fráköst og átti þrjár
stoðsendingar á 26 mínútum.
NBA-deildin
Atlanta – Orlando ............................... 98:104
Boston – Cleveland........................... 111:101
Milwaukee – Houston ...................... 126:106
Oklahoma City – Denver ................... 108:94
Sacramento – LA Clippers ................ 89:105
57+36!)49,
Guðmundur Þórður Guðmundsson, landsliðsþjálfari karla í handknattleik,
og tuttugu manna hópurinn sem hann valdi hefja lokaundirbúninginn fyrir
Evrópumótið sunnudaginn 2. janúar. Liðið dvelur hér á landi til 11. janúar
þegar það fer til Ungverjalands, en spilar vináttulandsleiki gegn Litháen 7.
og 9. janúar.
Fyrsti leikur Íslands á EM er gegn Portúgal 14. janúar í Búdapest en síð-
an er leikið við Holland, undir stjórn Erlings Richardssonar, 16. janúar og
Ungverjaland 18. janúar. Tvö af þessum fjórum liðum komast áfram í milli-
riðlakeppnina sem hefst 20. janúar. Liðin tvö sem verða í tveimur neðri
sætum riðilsins hafa lokið keppni.
Liðið kemur saman 2. janúar
hins vegar fram annan dag jóla,
þrátt fyrir að aðeins níu úti-
leikmenn séu til taks hjá Everton.
„Nú verð ég að bíða og sjá hvort
við eigum ellefu leikmenn í leik-
inn. Ég er mjög hissa á að hann
skuli enn vera á dagskránni,“
sagði Rafa Benítez, knatt-
spyrnustjóri Everton, á blaða-
mannafundi.
Útbreiðsla kórónuveirunnar á
Englandi er þegar farin að hafa
áhrif á jóladagskrána í ensku úr-
valsdeildinni í knattspyrnu því í
gær var tilkynnt að tveimur leikj-
um hefði verið frestað. Liverpool
getur ekki tekið á móti Leeds á
Anfield á sunnudaginn, annan dag
jóla, og leikur Wolves og Watford
fer heldur ekki fram. Kórónu-
veirusmit í röðum Leeds og Wat-
ford valda þessu. Hvorugt liðið er
með nægilega marga leikfæra
leikmenn að mati forráðamanna
ensku úrvalsdeildarinnar.
Mikið hefur verið um frestanir í
deildinni á síðustu vikum en fimm
af sex leikjum sem voru á dagskrá
síðastliðinn laugardag var frestað.
Leikur Everton og Burnley fer
Jólaboltanum frestað hjá Liverpool
AFP
Frestað Jürgen Klopp fær lengra
jólafrí vegna smita hjá Leeds.
_ Kylfingurinn Perla Sól Sigurbrands-
dóttir stóð uppi sem sigurvegari á Or-
lando International Amateur-mótinu
en leikið var á Orange County Nation-
al-golfsvæðinu í Orlando í Flórídaríki.
Perla er aðeins 15 ára gömul og mjög
efnileg. Hún lék þrjá hringi á samtals
216 höggum, þremur höggum færri en
Nandy Dai frá Kína sem varð önnur.
Hún lék síðasta hringinn á 70 höggum,
tveimur höggum undir pari, sem var
besti hringur mótsins.
_ Karlalandslið Íslands í knattspyrnu
endar árið 2021 í 62. sæti heimslista
FIFA en það er óbreytt staða frá því
listinn var síðast gefinn út 19. nóv-
ember. Belgía er sem fyrr á toppnum
og þar á eftir koma Brasilía, Frakkland,
England, Argentína, Ítalía, Spánn,
Portúgal, Danmörk og Holland í tíu
efstu sætunum.
_ Varnarmaðurinn Áslaug Dóra Sig-
urbjörnsdóttir hefur gert nýjan
tveggja ára samning við knatt-
spyrnudeild Selfoss. Áslaug hefur
þrátt fyrir ungan aldur verið lykil-
maður Selfoss undanfarin þrjú ár. Hún
er 18 gömul, fjölhæfur varnarmaður,
og er ein af efnilegustu knattspyrnu-
konum landsins.
Hún hefur leikið 67 meistaraflokksleiki
fyrir Selfoss, þar af 48 í efstu deild.
Áslaug Dóra er fyrirliði U19 landsliðs
Íslands.
Eitt
ogannað