Morgunblaðið - 24.12.2021, Side 11

FRÉTTIR 11Innlent
MORGUNBLAÐIÐ FÖSTUDAGUR 24. DESEMBER 2021
Ari Páll Karlsson
ari@mbl.is
Mannanafnanefnd hefur samþykkt
að tólf ný eiginnöfn og tvö millinöfn
verði færð á mannanafnaskrá. Sex
karlkyns eiginnöfn voru samþykkt,
nöfnin Beggi, Baggi, Pírati, Björn-
úlfur, Villiam og Morri. Þrjú kven-
kyns eiginnöfn voru samþykkt,
Meyja, Myrkva og Safíra, auk kyn-
hlutlausa nafnsins Aró.
Sótti ekki um Klingenberg
Tveimur nöfnum var hafnað. Eig-
innafninu Mín, þar sem það er leitt
af eignarfornafninu mín, og milli-
nafninu Klingenberg, þar sem eigin-
eða millinafn má
ekki vera ættar-
nafn, samkvæmt
úrskurði nefnd-
arinnar.
Spákonan og
athafnakonan
Sigga Kling seg-
ist ekki hafa sótt
um millinafnið en
hún gekk lengi
vel undir nafninu
Sigríður Klingenberg. Nú er þó
raunin önnur.
„Ég heiti ekki Klingenberg leng-
ur,“ segir Sigga í samtali við
Morgunblaðið. Hún hafi ekki notast
við Klingenberg í nokkur ár og sé
ekki af Klingenberg-ættinni. „Ég
fékk það í gegn hjá manna-
nafnanefnd. Kling er millinafn og ég
er bara kölluð Sigga Kling,“ segir
Sigga en í þjóðskrá heitir hún Sess-
elja Sigríður Ævarsdóttir.
Spurð hvort hún hafi einhver
áform um að breyta skráningunni
yfir í Sigga Kling fyrst hún má það
segir hún það ekki skipta sig miklu.
„Þó svo að ég taki upp þetta nafn
þá þarf ég ekki að breyta neinu í
þjóðskrá,“ segir hún og bætir við að
hún hafi gengist við Sesselju-
nafninu þar til hún var komin langt á
þrítugsaldurinn. „Ég held að fæstir
myndu skilja það,“ segir Sigga Kling
létt í bragði.
Klingenberg ekki löglegt
- Fólk má nú heita Beggi Vest en ekki Mín Klingenberg
Sigga Kling
Gleðileg jól og farsælt komandi ár.
Við þökkum ánægjuleg viðskipti á árinu.
ÓÐINSGÖTU 4, SÍMI 570 4500, OPIÐ VIRKA DAGA KL. 9-17.
Netfang: fastmark@fastmark.is - www.fastmark.is
Jón Guðmundsson, lögg. fast.sali.
Guðmundur Th. Jónsson, lögg. fast.sali.
Óskum viðskiptavinum okkar nær
og fjær og landsmönnum öllum
gleðilegra jóla
Gleðin kemur innanfrá
SMARTLAND
Helgi Bjarnason
helgi@mbl.is
Sveitarstjórn Rangárþings eystra
hefur samþykkt að láta fara fram
skoðanakönnun til að kanna hug íbúa
til sameiningar við önnur sveitar-
félög. Meirihlutinn klofnaði í afstöðu
til málsins. Fulltrúar Sjálfstæðis-
flokksins lögðu tillöguna fram og var
hún einnig studd af fulltrúa L-listans
sem er í minnihluta en fulltrúar
Framsóknarflokksins sem mynda
meirihluta með Sjálfstæðisflokknum
greiddu atkvæði á móti.
Íbúar Rangárþings eystra sam-
þykktu sameiningu fimm sveitarfé-
laga á Suðurlandi, raunar með litlum
mun, en sameiningin féll á því að íbú-
ar Ásahrepps vildu ekki sameiningu.
Umræður hafa verið í sveitarstjórn-
unum eftir að niðurstaðan lá fyrir.
Ekki reyndist vera samstaða meðal
sveitarstjórna um að láta reyna á
sameiningu sveitarfélaganna fjög-
urra sem samþykktu. Hins vegar
benti niðurstaða skoðanakönnunar
meðal íbúa Rangárþings ytra til þess
að áhugi kynni að vera á þrengri
sameiningu, til dæmis við Rangár-
þing eystra.
Einfaldar spurningar
Anton Kári Halldórsson, forseti
sveitarstjórnar og oddviti Sjálfstæð-
isflokksins, segir að lagðar verði ein-
faldar spurningar fyrir íbúa, til
dæmis um það hvort áhugi sé á
áframhaldandi vinnu við sameiningu
og þá hvort vilji sé til athugunar á
sameiningu við Rangárþing ytra eða
sveitarfélaganna þriggja í Rangár-
vallasýslu. Þetta ætti þó eftir að út-
færa.
Hann segir að framhaldið komi
væntanlega til kasta nýrrar sveitar-
stjórnar sem tekur við eftir sveitar-
stjórnarkosningar um miðjan maí en
gott væri að hún fengi vilja íbúanna í
veganesti. Einnig væri gott að vita ef
meirihluti íbúa vildi láta staðar num-
ið í athugun á sameiningu því þá geti
sveitarstjórn einbeitt sér að því góða
sem fram fer í Rangárþingi eystra.
Fulltrúar B-lista Framsóknar-
flokks lögðust gegn tillögunni, meðal
annars með þeim rökum að til þess
að niðurstöður skoðanakönnunar
verði sem réttastar þyrfti að fylgja
henni úr hlaði með vandaðri kynn-
ingu á þeim valkostum sem í boði
væru og áhrifum þeirra. Fannst
þeim of stuttur tími til kosninga til
að ganga til þeirrar vinnu. Því væri
eðlilegra að ný sveitarstjórn léti
framkvæma slíka könnun.
Ákveðið að kanna hug
íbúa til sameiningar
- Meirihluti sveitarstjórnar Rangárþings eystra klofnaði
Morgunblaðið/Sigurður Bogi
Hvolsvöllur Stutt er á milli þorpanna í Rangárþingi, aðeins um 13 kílómetr-
ar, en báðir staðirnir hafa verið byggðir upp sem þjónustumiðstöðvar.
Líney Sigurðardóttir
Þórshöfn
Sex svellkaldar Baðbombur á
Langanesi drifu sig í Þorláks-
messubaðið sem var með kaldara
móti í þetta sinn, lofthiti mínus 2,7
og sjórinn 0,4 gráður, en stillt
veður. Þær voru ánægðar með
baðið sem fyllti þær orku:
„Þetta sjóbað var ofurhressandi,
við förum eins og stormsveipur í
seinustu húsþrifin fyrir jólin eftir
baðið,“ sögðu þessar kátu Bað-
bombur sem hafa einnig ákveðið
sjóbað um áramótin.
„Við höfum nú reynsluna af sjó-
baði í alls konar veðri en upplif-
unin er alltaf sú sama, þetta er
bara æðislegt og gerir öllum gott
svo við hvetjum alla til að prófa.“
Baðbomburnar hafa áður boðað
til kynningardags þar sem þær
lánuðu sinn sjósundsbúnað til ný-
liða sem langar að prófa sjósund
eða sjóbað. „Aðalmálið er að hafa
góða sjósundsskó og hanska, við
erum svo flestar bara í haldgóðu
sundbolunum okkar úr Lífstykkja-
búðinni,“ sögðu ofurhressar Bað-
bombur á Þórshöfn á Þorláks-
messudag.
Morgunblaðið/Líney Sigurðardóttir
Hressar Baðbombur á Langanesi fullar af orku eftir jökulkalt sjóbað.
Svellkaldar Bað-
bombur í sjóbaði