Morgunblaðið - 24.12.2021, Side 12

12 FRÉTTIR
Innlent
MORGUNBLAÐIÐ FÖSTUDAGUR 24. DESEMBER 2021
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
vinnuföt fást einnig í
ekur eftir þjóðveginum til Akureyr-
ar.
- - -
Jólahangikjötið er komið í hús
á flestum bæjum og nú á haustdög-
um mátti finna reykjarlykt þegar
ekið var um sveitir sýslunnar. Reyk-
meistarar eru margir en aðferðir eru
ólíkar og reykhúsin hvert með sínu
sniði. Sumir reykja einungis við tað
en aðrir nota birki, lyng og gulvíði
með til þess að fá betri keim af kjöt-
inu. Það er alltaf tilhlökkunarefni að
smakka nýja kjötið og eykur það há-
tíðarstemninguna.
- - -
Velferðarsjóður Þingeyinga
hefur undanfarið staðið fyrir úthlut-
unum í formi matarkorta til þeirrra
sem minna mega sín í Þingeyjar-
sýslum. Allir þeir sem búa á svæðinu
geta sótt um styrk hafi þeir þörf fyr-
ir aðstoð. Markmiðið er að sem flest-
ir geti haldið jól og veitt sér að hafa
hátíðarmat þó svo að aðstæður séu
bágar. Bæði einstaklingar og félaga-
ÚR BÆJARLÍFINU
Atli Vigfússon
Laxamýri
Veðrið hefur leikið við Þingeyinga í
desember. Færð hefur batnað á veg-
um eftir því sem liðið hefur á mán-
uðinn og allir hafa komist leiðar
sinnar ólíkt því sem stundum hefur
verið. Menn muna þá daga þegar
pósturinn skilaði sér ekki fyrir jól
vegna ófærðar og fólk gat ekki kom-
ist í jólainnkaupin af ótta við að kom-
ast ekki heim aftur. Þetta góða veð-
ur núna hafa allir kunnað að meta en
umferð hefur verið með mesta móti
og flugið til Húsavíkur hefur nánast
alltaf verið á áætlun.
- - -
Jólasveinar hafa verið á ferðinni
og í sumum sveitum hefur sá siður
skapast að sveinarnir fari á vél-
sleðum milli bæja. Þar hafa þeir
sungið og trallað fyrir börnin og ver-
ið með epli í poka til þess að gefa.
Þetta uppátæki jólasveinanna hefur
fallið í góðan jarðveg. Á auðri jörð er
ekkert snjósleðafæri svo þetta árið
hafa fjórhjól og slík tæki komið að
góðum notum í staðinn fyrir sleðana.
- - -
Jólatré hafa selst vel og nú eru
þingeysk tré í miklum meirihluta
seldra trjáa. Ræktun þingeyskra
skóga er að skila sér og víða eru
orðnir skjólreitir við bæi sem eru að
breyta ásýnd landsins til hins betra.
Þessir skjólreitir veita líka búfénaði
skjól auk þess sem ræktun túna og
kornakra heppnast betur þar sem
trjágróður hefur áhrif á loftslagið.
Búist er við því að miklum fjölda
trjáa verði plantað næsta vor því
mikill áhugi er á landbótum í hér-
aðinu.
- - -
Jólaskreytingar eru miklar á
Húsavík, nú sem oftar, og er gaman
að aka um bæinn og líta augum alla
dýrðina. Lyngbrekka er að margra
mati fallegasta gatan þegar kemur
fram í desember og ótrúleg vinna
liggur að baki því að koma þessu öllu
upp. Aðventuljós og þakskreytingar
prýða mörg útihús í sveitunum en
vitringarnir, á bænum Hlíð í Þing-
eyjarsveit, eru tvímælalaust það fal-
legasta sem fólk sér á leið sinni sem
samtök hafa brugðist vel við kalli
sjóðsins og hefur miklu þakklæti
verið komið á framfæri til þeirra fyr-
ir alla þá velvild sem hefur orðið til
þess að hægt hefur verið að bregðast
vel við þeim umsóknum sem borist
hafa.
- - -
Verslun hefur verið með mesta
móti í Húsasmiðjunni á Húsavík fyr-
ir jólin enda miklir afslættir í boði.
Það kemur til af því að versluninni
verður lokað um áramótin. Það er
mikið áfall fyrir alla þá sem standa í
framkvæmdum. Þá verður ekki
lengur hægt að skjótast og sækja
nagla eða skrúfur með litlum fyrir-
vara. Fólk á erfitt með að skilja það
að ekki sé grundvöllur fyrir búð með
byggingavörum á svæðinu og vonar
innilega að úr rætist.
- - -
Gott hey er eitthvað sem allir
vilja eiga um jólin, þ.e. sannkallað
jólahey sem skepnur kunna að meta.
Margir gefa búfénaði sínum betra
fóður á garðann yfir hátíðirnar held-
ur en gert er á virkum dögum. Á
þessum jólum er víða til nóg af
gæðaheyi enda var veður til hey-
skapar með eindæmum sólríkt sl.
sumar. Rúmlega níðræður bóndi á
Tjörnesi sagðist ekki muna eftir
svona samfelldum góðviðriskafla í
sinni búskapartíð og er þó mikið
vatn til sjávar runnið frá því hann
byrjaði að búa.
- - -
Jólin verða vonandi friðsæl og
það er bæn margra að faraldurinn
fari nú að láta undan þó svo að Þing-
eyingar hafi sloppið vel til þessa.
Áramótin eru fram undan og þá fer
ýmislegt á kreik í sveitunum eins og
þjóðsögur greina frá. Þingeyskri
sveitakonu varð eitt sitt tíðrætt um
álfana og sagði svo:
Búálfarnir, bestu karlar,
bóndans styrkja hag.
Að hagsæld vilja hlúa,
helst þeir vilja búa
við góðan bæjarbrag.
Morgunblaðið/Atli Vigfússon
Gjöf Gott hey um hátíðina skiptir máli fyrir marga. Sigríður Garðarsdóttir frá Reykjavöllum að gefa.
Gaman að gefa jólahey á aðventu
Í byrjun mánaðarins voru 47 teg-
undir æðplantna, 45 mosategundir
og 62 fléttur friðlýstar, er umhverf-
is- og auðlindaráðherra skrifaði und-
ir auglýsingu þess efnis. Tegund-
irnar eiga það sameiginlegt að vera
fágætar á landsvísu. Friðunin hefur
ekki áhrif á för fólks, en bannað er
að eyðileggja eða valda skaða á ein-
staklingum friðaðra tegunda.
Markmið með friðuninni er að
vernda og viðhalda þessum fágætu
tegundum ásamt náttúrulegu gróð-
urfari og varðveita líffræðilega fjöl-
breytni í náttúru Íslands.
Á Íslandi eru fremur fáar villtar
tegundir plantna miðað við í öðrum
löndum. Íslenska flóran telur um
490 tegundir æðplantna og er um
helmingur þeirra algengur um allt
land. Árið 1978 var 31 tegund æð-
plantna friðlýst hér en eru 47 nú.
Þekktir mosar á Íslandi eru rúm-
lega 600 talsins. Þeir eru mjög áber-
andi í íslenskri náttúru, mun meira
en víðast hvar annars staðar í heim-
inum. Mosar endurspegla ýmsa
þætti eins og loftslag og síendur-
tekna myndun á nýju undirlagi,
einkum hraunum.
Rúmlega 700 tegundir fléttna hafa
fundist á Íslandi. Fléttur eru áber-
andi þar sem annar gróður á erfitt
uppdráttar og hafa mikla aðlögunar-
hæfni.
Morgunblaðið/Eggert
Mosi Margar tegundir nú friðlýstar.
Friðlýsti
fágætar
plöntur
- Einnig 45 mosateg-
undir og 62 fléttur
Fyrsta sería af hlaðvarpsþættinum
Leiðin okkar allra er nú aðgengileg
á Spotify. Í tilefni af vetrarsól-
hvörfum hefur jólaþátturinn einnig
verið gerður aðgengilegur, Verði
ljós, elskan. Þjóðkirkjan stendur að
gerð þáttanna en spyrlar eru prest-
arnir Ása Laufey Sæmundsdóttir
og Bolli Pétur Bollason. Umsjónar-
maður er Arnaldur Máni Finnsson.
Þættirnir draga nafn af ljóði Ein-
ars Georgs Einarssonar og lagi
Þorsteins Einarssonar, Leiðin
okkar allra, en Þorsteinn léði hlað-
varpinu einnig nýja útgáfu af lag-
inu fyrir inngang og stef þáttarins.
Viðmælendur þáttanna koma úr
ýmsum áttum og hafa ólíkan bak-
grunn en eru teknir upp í hljóðstofu
sem hefur hlotið
nafnið Skrúð-
húsið og er stað-
sett í Katrínar-
túni 4, þar sem
Biskupsstofa er
til húsa.
Viðmælendur
fyrstu seríu Leið-
arinnar eru:
Björn Hjálmars-
son, Þórunn Sig-
urbergsdóttir, Nói Blomsterberg,
Svana Helen Björnsdóttir, Ólafur
Teitur Guðnason, Rósa Björg
Brynjarsdóttir og Haukur Ingi Jón-
asson auk söngvaskáldsins Svavars
Knúts. Í jólaþættinum er rætt við
skáldið Soffíu Bjarnadóttur.
Hlaðvarpsþættir kirkjunnar á Spotify
Arnaldur Máni
Finnsson
Skíðagangan Gengið í Ljósið fór
fram í Bláfjöllum á vetrarsólstöðum
í vikunni, frá sólsetri 21. desember
til sólarupprásar 22. desember.
Með göngunni var safnað áheitum
til styrktar Ljósinu, endurhæf-
ingar- og stuðningsmiðstöð fyrir
krabbameinsgreinda.
Forsprakkar göngunnar voru fé-
lagarnir Einar Ólafsson og Óskar
Páll Sveinsson. Fjölmargt skíða-
göngufólk tók þátt, þar af voru
fimm sem gengu nær samfellt í 18
tíma, frá sólsetri til sólarupprásar.
Enn er hægt að heita á verkefnið,
styrktarlínur eru: 9071010 fyrir
1.000 kr., 9071030 fyrir 3.000 kr. og
9071050 fyrir 5.000 kr. Einnig má
leggja inn á styrktarreikning Ljóss-
ins, 130-26-410420, kt. 590406-0740.
2.721 km genginn til styrktar Ljósinu
Garpar Óskar Páll Sveinsson og Einar
Ólafsson fremstir í flokki.