Morgunblaðið - 30.12.2021, Síða 16

BAKSVIÐ
Baldur Arnarson
baldura@mbl.is
Umfjöllun kínverskra fjölmiðla um
framlag íslensks listamanns til
Vetrarólympíuleikanna í Peking
hefur þegar skapað mikil tækifæri
til landkynningar. Meðal annars
hafa kínverskir sjónvarpsmenn sýnt
áhuga á að fjalla um íslenska nátt-
úru.
Þetta segir Runólfur Oddsson
sem hefur komið listamanninum á
framfæri í Kína.
Vísar hann til þess að sjónvarps-
stöðin China International Tele-
vision Network valdi lækninn Victor
Guðmundsson, „Doctor Victor“, til
að semja lag fyrir Vetrarólympíu-
leikana, ásamt tónlistarmönnum frá
Mongólíu, Kína og Ítalíu, en leik-
arnir hefjast 4. febrúar nk. í Peking.
Fór á 450 útvarpsstöðvar
Runólfur hafði milligöngu um
þátttöku Victors í þessu samstarfi.
„Árið 2020 kynnti ég einum
þekktasta útvarpsmanni Kína tón-
smíðar Victors. Úr varð að lag hans
var spilað á útvarpsstöðinni China
Radio International og í framhaldi
af því á yfir 450 útvarpsstöðvum um
heim allan. Lagið sló í gegn,“ segir
Runólfur.
Eftir þessar góðu viðtökur hand-
söluðu þeir frændur, Victor og Run-
ólfur, samstarf og sér sá fyrrnefndi
um tónlistina en sá síðarnefndi um
kynningarmálin.
„Framlag Victors er frábær land-
kynning fyrir Ísland. Hann var
kynntur í hinum þekkta fréttaskýr-
ingarþætti The Vibe á sjónvarps-
stöðinni CGTN [China Global
Television Network] 22. desember
síðastliðinn og var þátturinn sýndur
í Kína og um allan heim.
Talið er að á annað hundrað millj-
ónir manna hafi séð þáttinn sem er
sýndur um allan heim. Þar með tal-
ið í New York, San Francisco, St.
Pétursborg, París og í Mexíkóborg.
Í þættinum eru sýndar fallegar
myndir af náttúru Íslands, þannig
að þetta er frábær kynning á Ís-
landi,“ segir Runólfur.
Mikil áform í pípunum
Hann upplýsir að þeir hyggi á
frekara samstarf í Kína og Asíu.
Stórt verkefni sé í burðarliðnum.
„Við Victor erum frændur. Oddur
Eyjólfsson á Sámsstöðum í Fljóts-
hlíð var langafi okkar og Ingibjörg
Ketilsdóttir langamma okkar. Við
kynntumst þegar Victor tók inn-
tökupróf við læknadeild Jessenius-
háskóla í Martin í Slóvakíu, sem
þreytt var á Grand hóteli í Reykja-
vík,“ segir Runólfur, sem er um-
boðsmaður skólans á Íslandi.
„Victor útskrifaðist sem læknir
frá skólanum í fyrra. En þess má
geta að systir Victors, Eva May,
sem er á fjórða ári hjá læknadeild
Jessenius-háskóla í Martin, gerir
það gott sem plötusnúður í Slóvakíu
og Ungverjalandi,“ segir Runólfur.
Ásamt áhuganum í Kína hafi ein
helsta sjónvarpsstöð Slóvakíu lýst
yfir áhuga á að bjóða Victori í
morgunþátt í tilefni af laginu sem
samið var í tilefni Vetrarólympíu-
leikanna.
- Tónlist Doctors Victors hefur ómað
hjá hundruðum útvarpsstöðva í Kína
Ljósmynd/Skjáskot úr þætti The Vibe
Tónlistarmaður Victor Guðmundsson, „DJ Victor“, hefur verið til umfjöllunar á sjónvarpsstöðinni CGTN.
Íslenskur læknir
slær í gegn fyrir
Vetrarólympíu-
leikana í Kína
Frændur Runólfur Oddsson og Victor Guðmundsson fagna því að sá síðar-
nefndi var valinn maður ársins í háskólabænum Martin í Slóvakíu 2019.
16 FRÉTTIR
Innlent
MORGUNBLAÐIÐ FIMMTUDAGUR 30. DESEMBER 2021
Land hefur nú risið um tuttugu
sentimetra við eldstöðina Öskju frá
ágústmánuði samkvæmt síðustu
mælingum sem bárust Veðurstof-
unni rétt fyrir jól. Skýrt merki er um
að kvika sé að safnast þar undir þó
að ekki sé víst að það endi með eld-
gosi á næstunni. Þetta segir Bene-
dikt Gunnar Ófeigsson, sérfræðing-
ur Veðurstofunnar á sviði jarð-
skorpuhreyfinga.
Þensla hófst við eldstöðina um
mánaðamótin júlí-ágúst en dregið
hefur verulega úr hraðanum síðan
þá. Sömuleiðis hefur skjálftavirkni
minnkað. Að sögn Benedikts er
fyllsta ástæða til að fylgjast vel með
stöðunni áfram en hann telur þó lík-
legt að fleiri fyrirboðar muni gera
vart við sig í aðdraganda eldgoss, til
að mynda aukin skjálftavirkni.
„Ef það kemur til eldgoss myndi
það hafa mun meiri aðdraganda en
þetta landris. Það væri alla vega
mjög óvanalegt ef svo væri ekki. En
við eigum ekki von á því að neitt ger-
ist alveg á næstunni.“
Askja, sem er virk eldstöð, gaus
alls átta sinnum á síðustu öld, þar af
sjö sinnum á tímabilinu 1921 til 1929
en síðasta eldgos var árið 1961. Að
sögn Benedikts voru gosin fyrir tíma
mælinga og eru því engin gögn til
staðar um landris í aðdraganda
þeirra. Hins vegar hófust hallamæl-
ingar snemma á sjöunda áratugnum
sem benda til að landris hafi byrjað í
kjölfar gossins sem varð árið 1961 og
varði þenslan eitthvað fram á átt-
unda áratuginn. Hlé var gert á mæl-
ingum árið 1972 og er því ekki vitað
með vissu hvenær henni lauk. Síðan
hefur land sigið við eldstöðina og var
það ekki fyrr en í sumar að sú staða
breyttist. hmr@mbl.is
Enn mælist land-
ris við Öskju
- Heldur hefur dregið úr skjálftavirkni
Morgunblaðið/Eggert
Askja Land heldur áfram að rísa.
Vetrarólympíuleikarnir í Peking
fara fram 4. til 20. febrúar nk.
Opnunarhátíðin verður haldin
í „fuglahreiðrinu“, leikvang-
inum þar sem Ólympíuleikarnir
sumarið 2008 voru settir, og
þar fer lokahátíðin líka fram.
Keppnisgreinarnar verða 109
sem er metfjöldi.
Nokkur mannvirki sem voru
notuð við keppnishald á
Ólympíuleikunum 2008 verða
einnig notuð á komandi leikum.
Leikarnir 2008 skipa sér-
stakan sess í íslenskri íþrótta-
sögu en karlalið Íslands í hand-
bolta vann þá silfurverðlaun.
AFTUR LEIKAR Í PEKING
Tákn Merki Ólympíuleikanna.
Metfjöldi
greina