Bjarmi - 01.10.2018, Blaðsíða 5

J Á, ÓHÆTT ERAÐ SEGJAAÐ ÞÖRFIN FYRIR KRISTILEGT FÉLAGSSTARF
FYRIR BÖRN OG UNGLINGA HEFUR ALLAVEGA EKKIMINNKAÐ
Þetta hafði áhrif á val mitt á ævistarfi,
þar sem ég gerðist kennari til að starfa
með börnum og á tveimur tímabilum
vann ég fyrir KFUM og KFUK sem
æskulýðsfulltrúi í fullu starfi. Þetta hefur
því haft gífurleg áhrif á mig, að ekki sé
talað um hjónabandið, en ég kynntist
Þórunni konu minni er við unnum saman
sem leiðtogar í félagsheimili KFUM og
KFUK við Maríubakka á sínum tíma. Að
sjálfsögðu og ekki síst kemur lífsviðhorfið
og kallið til trúar og eftirfylgdar við Jesú,
sem ég held að hafi hljómað sterkt, þó
svo ég hafi að einhverju marki, eins og
margir, fengið trúarlegt uppeldi sem
hefur haft sín áhrif líka.
Þú nefnir trúaruppeldið og að það
átti sinn þátt í mótun séra Friðriks
en þessi áhrifaþáttur virðist fara
þverrandi í íslensku samfélagi. Er
ekki vaxandi þörf fyrir kristilegt
æskulýðsstarf?
Já, óhætt er að segja að þörfin fyrir
kristilegt félagsstarf fyrir börn og
unglinga hefur alla vega ekki minnkað.
Við okkur blasir vaxandi skeytingarleysi
um kristna trú, guðleysi og ákveðin
andúð í garð kirkju og kristni. Kennsla
í trúarbragðafræði í skólum landsins er
orðin mjög lítil, þó svo eflaust megi finna
að inntaki og kennsluaðferðum fyrri ára
í kristinfræði eins og fleiri námsgreinum.
En Ijóst er að þekking barna á Biblíunni,
biblíusögum og grunni kristinnar trúar er
allt önnur í dag en áður var. Og trúarlegt
uppeldi á heimilum þróast líklega svipað.
En á móti kemur að áður var hverfandi
lítið barna- og unglingastarf á vegum
kirkjunnar, en þjóðkirkjan hefur tekið
þennan þátt mun alvarlegar síðustu
áratugina en var t.d. á fyrstu áratugum
KFUM og KFUK. Æskulýðsstarf innan
kirkjunnar hefur vaxið og eflaust má
eitthvað af því þakka starfi KFUM og
KFUK. í dag er það svo að margar sóknir
kjósa að vinna með KFUM og KFUK að
barna- og unglingastarfi eða fela það
félögunum.
bjarmi | apríl 2018
5