Morgunblaðið - 24.02.2022, Blaðsíða 10

DAGMÁL
Stefán E. Stefánsson
ses@mbl.is
Fjórir frambjóðendur berjast um
leiðtogasætið hjá Sjálfstæð-
isflokknum á Seltjarnarnesi en
prófkjör fer fram hjá flokknum um
komandi helgi. Allir eiga þeir það
sameiginlegt að hafa áhyggjur af
stöðu flokksins og telja mikilvægt
að fylkja íbúum að baki flokknum.
Hann náði ekki 50% atkvæða í síð-
ustu kosningum og mátti minnstu
muna að fjórða sætið, sem tryggir
meirihluta í bæjarstjórn, rynni
flokknum úr greipum.
Ásgerður Halldórsdóttir, fráfar-
andi bæjarstjóri, gefur ekki kost á
sér til endurkjörs og ljóst er af
kappræðum frambjóðendanna á
vettvangi Dagmála að innan Sjálf-
stæðisflokksins eru háværar gagn-
rýnisraddir sem telja að ekki hafi
verið haldið rétt á málum í stórum
málaflokkum undanfarin ár.
Fjármálin í góðu horfi
Núverandi forseti bæjarstjórnar
og bæjarráðs er Magnús Örn Guð-
mundsson sem er einn þeirra sem
sækjast eftir því að leiða flokkinn í
kosningunum í vor. Hann ítrekar
að flokkurinn hafi haldið skyn-
samlega og af ábyrgð á fjármálum
bæjarins og að hann sé í góðri
stöðu til þess að stíga mikilvæg
skref í uppbyggingu á sviði skóla-
mála og varðandi endurnýjun á inn-
viðum í eigu bæjarins. Kallar hann
á að endurskipulagning eigi sér
stað hjá Hitaveitu Seltjarnarness
sem er í eigu bæjarins. Svana Hel-
en Björnsdóttir býður sig einnig
fram í forystusæti flokksins og seg-
ir hún að skorti á heildstæða nálg-
un á viðhaldsmál hjá bænum. Hef-
ur hún t.d. ekki fengið í hendur
eignaskrá bæjarins sem hún segir
forsendu þess að hægt sé að fá yf-
irsýn yfir það hvar skóinn kreppir
og hvar þörfin sé brýnust á end-
urbótum. Þá bendir hún á að stórir
kostnaðarliðir bíði bæjarins varð-
andi endurnýjun lagnakerfis í bæn-
um.
Þór Sigurgeirsson hefur áður
setið sem varabæjarfulltrúi og
hann nefnir að Sjálfstæðisflokk-
urinn hafi að einhverju leyti misst
tengslin við bæjarbúa og að hlusta
þurfi betur á þarfir þeirra. Þór
þekkir pólitíkina á Nesinu frá
blautu barnsbeini en faðir hans,
Sigurgeir Sigurðsson var bæj-
arstjóri þar til áratuga.
Ragnhildur Jónsdóttir hefur set-
ið sem varabæjarfulltrúi en m.a.
farið fyrir skipulagsmálum á vett-
vangi bæjarins. Hún telur að
leggja eigi aukna áherslu á heilsu-
eflandi málefni í bænum og að þar
séu mörg tækifæri þótt rétt skref
hafi verið stigin. Hún bendir einn-
ig á mikilvægi þess að sýna ráð-
deild í rekstri bæjarins og að
knýja þurfi á um aukið fjármagn
frá ríkisvaldinu til að mæta þeim
verkefnum sem færð hafi verið frá
ríki til sveitarfélaga á síðustu ár-
um.
Horfið frá hækkun síðasta árs
Þau eru öll á þeirri skoðun að
lækka þurfi útsvar en minnihlutinn
fékk einn af fráfarandi bæjar-
fulltrúum Sjálfstæðisflokksins
óvænt í lið með sér undir lok árs í
fyrra og knúði í gegn hækkun á út-
svari bæjarins úr 13,7% í 14,09%.
Magnús Örn segir ólíðandi að Sel-
tjarnarnes sé með eina hæstu út-
svarsprósentu á landinu og vill að
gengið verði hreint til verks og að
prósentan verði lækkuð sem fyrst í
13,5%. Ragnhildur og Svana Helen
tala á svipuðum nótum um að
lækka strax en Þór vill stíga var-
legar til jarðar. Markmiðið eigi að
vera að fara niður í 13,7% en að
ekki sé víst að það sé tímabært
eins og sakir standa.
Í dag tryggir bæjarfélagið börn-
um 14 mánaða og eldri pláss í leik-
skóla. Markmið meirihlutans hefur
verið að færa það niður í 12 mán-
aða aldur. Um nokkurra ára skeið
hefur risavaxinn og nútímalegur
leikskóli verið á teikniborði bæj-
arins en nú hefur verið horfið frá
því. Uppfært mat segir kostnað við
slíka framkvæmd vel yfir 3 millj-
arða króna en til samanburðar má
benda á að heildartekjur bæj-
arfélagsins eru rúmir 4 milljarðar á
ári.
Frambjóðendurnir eru allir sam-
mála um að ganga þurfi hreint til
verks við að útfæra þurfi smærri
tillögu og að það þurfi að gerast
hratt. Þó er ljóst að slík fram-
kvæmd tæki alltaf nokkur ár, bygg-
ingartíminn einn og sér, að hönnun
og skipulagsbreytingum loknum að
minnsta kosti eitt og hálf til tvö ár.
Kraumar undir á Seltjarnarnesi
- Frambjóðendur í leiðtogasæti Sjálfstæðisflokksins vilja lækka útsvar en greinir á um tímasetn-
ingar - Gagnrýna lítið viðhald á eignum bæjarins - Horfið frá hugmyndum um risastóran leikskóla
Prófkjör Magnús Örn Guðmundsson, Svana Helen Björnsdóttir, Þór Sigurgeirsson og Ragnhildur Jónsdóttir bítast
um fyrsta sætið hjá Sjálfstæðisflokknum á Seltjarnarnesi. Fyrsta sætið er í sögulegu tilliti ávísun á bæjarstjórastól.
10 FRÉTTIR
Innlent
MORGUNBLAÐIÐ FIMMTUDAGUR 24. FEBRÚAR 2022
Höfðabakka 9, 110 Reykjavík
Verið velkomin í sýningarsal okkar að Höfðabakka 9
eða verið í sambandi við Gústa sölustjóra
vinnufatnaðar, sími 888-9222, gustib@run.is
KULDAFATNAÐUR
Við sjáum
um allar
merkingar
9063
Húfa 100% ull
9015
%$*#+&)+!(($ '!!"!
6441
Fóðraður kuldajakki
6514
Fóðraðar kuldabuxur
6202
Fóðraður kuldagalli
Hudson Bay 10061301
Loðfóðraðir öryggisskór
SAFE & SMART
monitor
Birna a rs r ra
fyrrverandi sendifulltrúi hjá Rauða krossinum
Allt er
fullorðnum fært!
Ég tók meirapróf 70 ára og leiðsögumannapróf
65 ár. Námskeið U3A um menningararfleifð
nýtist mér verulega vel í leiðsögninni. Og ég er
ekki hætt – ég fylgist áfram með öllu því sem
er í boði í Vöruhúsi tækifæranna.
Tilgangur Vöruhúss tækifæranna er að auðvelda fólki á þriðja æviskeiðinu að gera breytingar á lífi sínu
og láta óskir sínar rætast. Vöruhúsið er spennandi nýjung sem svarar kalli sífellt stækkandi hóps fólks sem
komið er yfir miðjan aldur og vill feta nýjar slóðir í lífinu á einn eða annan hátt.
Líttu inn á vöruhús tækifæranna.is