Morgunblaðið - 24.02.2022, Blaðsíða 56

SealyWASHINGTON
heilsurúm með classic botni
Sealy SEATTLE
heilsurúm með classic botni
Sealy PORTLAND
heilsurúm með classic botni
Virkilega vönduð dýna og hentar fólki á öllum aldri.
Washington heilsudýnan er með einstaklega vönduðu, tvöföldu
svæðaskiptu pokagormakerfi, kantstyrkingum og vandaðri yfirdýnu
sem færir þér enn meiri þægindi og stuðning við líkamann.
Ótrúlega vönduð og góð dýna á frábæru verði.
Fæst í 160/180/200x200 og 180x210 cm.
Verðdæmi 160 x 200 cmm/Classic botni og löppum
Fullt verð: 269.900 kr.Tilboð: 215.920 kr.
Verðdæmi 180 x 200 cmm/Classic botni og löppum
Fullt verð: 194.900 kr.Tilboð: 155.920 kr.
Virkilega vönduð dýna.
Millistíf heilsudýna með pokagormum
sem gefa fullkominn stuðning. Henni er
skipt upp eftir svæðum þannig að það er meiri stuðningur þar
sem við erum þyngri eins og öxlum ogmjöðmum. Náttúrulegt
Talalay latex í bland við mismunandi svamptegundir gefa henni gott
loftflæði. Virkilega vönduð dýna sem hentar fólki á öllum aldri.
Fæst í 120/140/160/200 x 200 cm.
Gæði á góðu verði.
Portland er með góðum
og sterkum pokagormum og kant-
styrkingum. Millistíf dýna með pillow top úr
mismunandi stífum svamplögum og trefjalagi. Mýkt á móti
stífum og góðum gormum. Mjúkt og gott bómullaráklæði
sem andar einstaklega vel. Dýna sem hentar öllum sem
vilja gæða vörumerki og vandaða vöru.
Fæst í 120/140/160/200 x 200 cm.
Verðdæmi 120 x 200 cmm/Classic botni og löppum
Fullt verð: 160.900 kr.Tilboð: 128.720 kr.
www.DORMA.is
Verð og vöruupplýsingar eru birtar með fyrirvara um prentvillur.
Holtagörðum, Reykjavík
Smáratorgi, Kópavogi
Dalsbraut 1, Akureyri
Skeiði 1, Ísafirði
Höskuldur Daði Magnússon
hdm@mbl.is
„Staðan er einfaldlega þannig að
leigusamningurinn minn rennur út
30. apríl og einhverra hluta vegna
hafa Samkaup þrýst á Reiti að end-
urnýja hann ekki. Reitir hafa lúffað
og ég er því á útleið,“ segir Halldór
Þórhallsson matreiðslumaður.
Hann hefur um árabil rekið vinsæla
matsölu í Mjódd í Breiðholti, Hjá
Dóra, en með vorinu er komið að
leiðarlokum þar.
Snitselinn vinsælastur
„Hérna hef ég verið síðan 1996.
Það er ágætisending enda hefur
mér liðið vel og þetta hefur gengið
vel,“ segir Dóri en matsalan er í
anddyri verslunar Nettó. Dóri selur
heimilismat eftir vigt og hefur notið
mikilla vinsælda meðal íbúa í Breið-
holti, iðnaðarmanna og annarra
vinnuhópa sem vilja gera vel við sig
í hádeginu. Auk þess grípa margir
bakka með mat á heimleið síðdegis
þegar sá gállinn er á þeim. „Það er
alltaf nóg að gera. Meira að segja
miðað við Covid-aðstæður undan-
farið. Við höfum haldið okkar og
kvörtum ekki yfir því.“
Dóri er með átta heita rétti á
boðstólum sem allir eru eldaðir á
staðnum, svo sem kjötbollur, svína-
hrygg með pöru, fiskibollur, la-
sagna og lambalæri.
„Við fáum alltaf nýja ýsu á hverj-
um morgni og því er fiskur í raspi
alltaf vinsæll. Eins rifjasteikin. En
allra vinsælastur er samt snitselinn
sem ég er með með á miðviku-
dögum og föstudögum,“ segir Dóri.
Hann segist ekki vita hvað tekur
við hjá sér eftir að matsölunni í
Mjódd verður lokað í apríllok. „Nei,
ég get ekkert sagt til um það að
neinu gagni. Við verðum bara að
sjá hvernig landið liggur þegar
fram í sækir. Ég held ég byrji bara
á að taka mér frí til að ná áttum.
Það verður fínt að fá frí. Svo sjáum
við hvort eitthvað nýtt verður í
kortunum, það er ekkert í sjónmáli
nú.“
Eldað fyrir þrjár kynslóðir
Dóri hefur fyrir löngu eignast
traustan hóp viðskiptavina sem
munu sakna viðurgjörningsins í
Mjódd. „Það eru allir drullufúlir,
það er stutta svarið,“ segir Dóri
þegar hann er spurður um hvernig
kúnnarnir hafi tekið tíðindunum.
„Hérna hef ég horft upp á nýjar
kynslóðir taka við af þeim eldri.
Foreldrar hafa komið hingað með
krakkana sína og nú eru þessir
krakkar farnir að koma sjálfir með
sín börn. Það segir dálítið um
hversu langan tíma maður er búinn
að vera hérna,“ segir Dóri.
Morgunblaðið/Eggert
Kveðjustund Halldór Þórhallsson matreiðslumaður hefur staðið vaktina í Mjódd frá 1996 en Hjá Dóra lokar í vor.
Dóri á útleið í Mjódd
og kúnnarnir drullufúlir
- Vinsælli matsölu úthýst - Kjötbollur og snitsel í 25 ár
Suttungur nefnist ný-
stárleg ljóðlistahátíð
sem haldin verður í
kvöld, 24. febrúar, í Saln-
um í Kópavogi og hefst
kl. 20. Á henni er fram-
úrstefnulegri nálgun á
tungumálið fagnað og er
hátíðin hugsuð sem vett-
vangur til að efla til-
raunakennda ljóðlist
hvort heldur er í framsetningu, inntaki, formi eða með
þverfaglegri nálgun þar sem notast er við hljóð, vídeó,
tónlist, gjörninga eða annað. Suttungur var fyrst hald-
inn á netinu fyrir tveimur árum og er nú haldinn í annað
sinn. Hátíðin er að þessu sinni liður í Dögum ljóðsins og
koma fram þau Ásta Fanney Sigurðardóttir, Björk Þor-
grímsdóttir, Brynjar Jóhannesson, Elías Knörr, Kristín
Ómarsdóttir, Kött Grá Pjé (Atli Sigþórsson), Ófeigur
Sigurðsson & Kristín Karólína, Ragnar Helgi Ólafsson,
Sjón og Sólbjört Vera Ómarsdóttir. Ásta Fanney er
skipuleggjandi og listrænn stjórnandi hátíðarinnar.
Tilraunakennd ljóðlist á Suttungi
FIMMTUDAGUR 24. FEBRÚAR 55. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
„Við höfum æft tvisvar á dag síðan á mánudag og sá
tími hefur nýst vel. Flestir í hópnum hafa verið að vinna
saman reglulega síðastu árið en ég og Pavel [Ermol-
inskij] erum orðnir hálfgerðir nýliðar aftur. Við höfum
nýtt vikuna til að setja okkur vel inn í hlutina,“ segir
Haukur Helgi Pálsson m.a. en hann leikur sinn fyrsta
landsleik í þrjú ár þegar Ísland mætir Ítalíu í kvöld. »47
Haukur Helgi og Pavel aftur orðnir
hálfgerðir nýliðar í landsliðinu
ÍÞRÓTTIR MENNING