Morgunblaðið - 24.02.2022, Side 17

FRÉTTIR 17Innlent
MORGUNBLAÐIÐ FIMMTUDAGUR 24. FEBRÚAR 2022
Valnefnd Egils-
staðaprestakalls
hefur kosið séra
Kristínu Þórunni
Tómasdóttur til
prestsstarfa og
hefur biskup
Íslands, sr.
Agnes M.
Sigurðardóttir,
staðfest ráðn-
ingu hennar.
Umsækjendur voru þrír.
Nýi presturinn, sr. Kristín Þór-
unn Tómasdóttir, er fædd í Nes-
kaupstað árið 1970. Hún lagði
stund á guðfræði- og trúarbragða-
fræðinám á Íslandi, í Svíþjóð og í
Bandaríkjunum. Hún hefur starfað
sem prestur frá því 1998 við fjöl-
breyttar aðstæður í dreifbýli og
þéttbýli. Kristín hefur alla tíð verið
virk í samkirkjulegu starfi og kom-
ið að vinnu við þróun og mótun
helgihalds og sálmavinnu, segir á
vef kirkjunnar. Síðustu ár hefur
hún verið búsett í Genf í Sviss með
fjölskyldu sinni þar sem eigin-
maður hennar, sr. Árni Svanur
Daníelsson, leiðir samskiptastarf
Lútherska heimssambandsins. Þar
hefur Kristín starfað með lúth-
erskum og anglikönskum söfnuðum
í prestsþjónustu og öðrum hlut-
verkum. Íbúafjöldi Egilsstaða-
prestakalls er 4.594, þar af eru
3.475 í þjóðkirkjunni. Þrír prestar
þjóna prestakallinu. sisi@mbl.is
Nýr prest-
ur á Egils-
stöðum
Kristín Þórunn
Tómasdóttir
Í Garðabæ eru 4.068 lampar í götu- og
stígalýsingarkerfinu. Búið er að setja
upp 320 LED-lampa auk þess sem
1.830 lampar eru í útboðsferli og
verða settir upp á næstu þremur ár-
um. LED-væðingin er kostnaðarsöm
en sparnaðurinn vinnur kostnaðinn
upp á 6-7 árum með lömpum sem eiga
að endast í 20-25 ár eða 100 þúsund
klukkustundir. Gert er ráð fyrir að
orka og viðhald lækki um a.m.k. 70%,
að því er segir á vef Garðabæjar.
Í kjölfar uppsagnar HS veitna á
þjónustu og viðhaldi gatnalýsingar í
Garðabæ, sem er um það bil 1⁄3 af
gatnalýsingarkerfinu, var ákveðið að
segja upp samningi við Orku náttúr-
unnar (ON) og bjóða þjónustuna út í
sveitarfélaginu. Veitufyrirtækin tvö
höfðu séð um lýsinguna frá því að hún
var fyrst sett upp eða í meira en 50 ár.
Í byrjun febrúar tók Rafal ehf. við
þjónustu og viðhaldi gatnalýsingar í
Garðabæ eftir sameiginlegt útboð
Garðabæjar, Hafnarfjarðar og Vega-
gerðarinnar. Á sama tíma færist um-
sjón með kerfinu og utanumhald á
gagnagrunnum og landupplýsingum
til sveitarfélagsins sem hefur samið
við Loftmyndir ehf. um umsjón.
Samkvæmt upplýsingum frá HS
veitum sá fyrirtækið um þjónustu og
viðhald gatnalýsingar á sínum tíma á
öllu veitusvæði fyrirtækisins, þ.e. á
Suðurnesjum, í Hafnarfirði og Garða-
bæ, Árborg og í Vestmannaeyjum
auk Reykjanesbrautar og víðar fyrir
Vegagerðina. Þessari þjónustu var
hætt fyrir nokkrum árum á Suður-
nesjum og svo nú um áramótin á hin-
um stöðunum.
Betur komið hjá öðrum
Júlíus Jónsson, forstjóri HS veitna,
segir að þessi starfsemi hafi verið á
gráu svæði því hún sé í raun verk-
takastarfsemi sem fyrirtæki eins og
HS veitur eigi ekki að standa í. Auk
þess hafi þjónustan ekki alveg passað
við lögbundna starfsemi fyrirtækisins
hvað varði mannahald og tækja-
rekstur og í raun ekki skilað neinu
nema óþarfa umstangi og álagi.
„Við ákváðum því að þetta væri
betur komið hjá öðrum og nú hafa
þessi sveitarfélög og Vegagerðin boð-
ið starfsemina út á verktakamarkaði
þar sem hún á heima að okkar mati,“
segir í skriflegu svari Júlíusar við fyr-
irspurn Morgunblaðsins. aij@mbl.is
LED-lampar eiga að lýsa í Garðabæ
Morgunblaðið/Kristinn Magnússon
Útsýni Smyrill fylgist með af ljósa-
staur á höfuðborgarsvæðinu.
- Kostnaður í upphafi - Sparnaður við lýsingu til framtíðar - HS veitur hætta
Ásmundur Einar
Daðason,
mennta- og
barnamálaráð-
herra, hefur kom-
ist að sam-
komulagi við
Arnór Guð-
mundsson um að
sá síðarnefndi láti
af störfum sem
forstjóri Mennta-
málastofnunar. Mun Arnór koma til
starfa í ráðuneyti Ásmundar frá 1.
mars nk. Verkefni hans munu fyrst
um sinn tengjast þátttöku Íslands í
alþjóðlegum könnunum á hæfni
nemenda.
Ráðherra hefur farið þess á leit
við Thelmu Cl. Þórðardóttur, lög-
fræðing og staðgengil forstjóra, að
hún gegni starfi forstjóra Mennta-
málastofnunar, tímabundið í einn
mánuð til að byrja með. Arnór var
forstjóri í sjö ár.
Ásmundur Einar tilkynnti sama
dag að samræmd próf yrðu ekki lögð
fyrir nemendur þetta misserið. Mun
frekari þróun svonefnds Matsferils
hefjast, sem er sögð ný verkfæra-
kista til kennara og skóla. Um raf-
ræn próf er að ræða, og verkefni.
Hættir hjá
Menntamála-
stofnun
Arnór
Guðmundsson
Reykjavíkurþing Varðar verður á
morgun og laugardag 25.-26. feb.
Bjarni Benediktsson setur þingið
kl. 17:00 á morgun, föstudag.
Eyþór Arnalds ýtir í kjölfarið
málefnastarfinu úr vör.
Guðlaugur Þór Þórðarson, Áslaug
Arna Sigurbjörnsdóttir og Jón Karl
Ólafsson flytja ávörp á laugardag.
Dagskrá og skráning er á xd.is
Flokksmenn í Reykjavík eru hvattir
til að taka þátt!
Reykjavíkurþing
Varðar 2022