Fréttablaðið - 23.04.2022, Blaðsíða 82

Pönk-rokkararnir í Dúkku-
lísunum slógu upp tónleikum
með Tappa tíkarrassi á Húrra
í gærkvöldi. Dúkkulísurnar
fagna 40 ára afmæli sveitar-
innar í ár, og að sögn Erlu
Ragnarsdóttur stefna þær á að
gefa út nýja tónlist á árinu.
ninarichter@frettabladid.is
Samliða tónlistinni gegnir Erla S.
Ragnarsdóttir stöðu skólastjóra við
Flensborgarskóla í Hafnarfirði. „Í ár
er fjörutíu ára starfsafmæli hljóm-
sveitarinnar og við erum í þeim
sporum að ætla að spila sem mest á
árinu. Fagna afmælinu allt árið um
kring,“ segir hún.
Aðspurð um aldursdreifingu
hlustenda svarar Erla að blandan sé
góð. „Þarna eru einhverjir sem vilja
rifja upp gamla tíma,“ segir hún, en
bætir við að aðrir haldi að þeir hafi
séð gamla auglýsingu þegar tón-
leikar sveitarinnar og Tappa tíkar-
rass voru auglýstir.
Dúkkulísurnar voru gríðarlega
vinsælar á árunum 1982 til 1987,
og hafa snúið til baka með hléum.
Svarthvíta hetjan mín er meðal slag-
ara sem enn njóta vinsælda meðal
eldri kynslóða en einnig meðal
hinna yngri. Spurð hvort nemendur
Flensborgar þekki tónlist sveitarinn-
ar svarar hún: „Já, Svarthvíta hetjan
náði smá flugi í vetur. Krakkarnir
hafa svolítið verið að blikka mig og
hrósa mér ef þau sjá mig,“ segir hún
glettin.
Dúkkulísurnar eru enn að senda
frá sér nýtt efni og Erla segir útgáfu
á dagskrá á árinu. Afmælinu verði
þannig einnig fagnað með nýjum
lögum.
En ef Dúkkulísurnar væru ungl-
ingar í dag, væru þær að senda frá
sér svipaða tónlist? „Já, við værum að
spila pínu rokk og pínu pönk. Það eru
elementin sem eru rótgróin í okkur.
Og að syngja um það sem okkur
liggur á hjarta, það hefur alltaf skipt
okkur máli. Í gamla daga sungum við
um alls konar mál: sjúka ást, heimil-
isofbeldi, áfengisbölið, kalda stríðið,
baráttuna fyrir kvenréttindum og
bættum heimi,“ segir Erla.
Hún bætir við að þessi stef eigi
enn í dag góðan hljómgrunn meðal
hlustenda, og því miður séu þessi
mál enn þá baráttumál. „Það er
ömurlegt að vera enn að syngja, 40
árum síðar, um drauminn um vopn-
lausan heim,“ svarar hún.
Auk tónleikahalds stefna Dúkku-
lísurnar á að sækja tónleika sjálfar:
„Við stelpurnar erum að skipuleggja
ferð á Coldplay í sumar. Einhverjar
okkar eru að fara á Skunk Anansie
í næstu viku,“ segir Erla og bætir
við að einn daginn ætli hún að láta
gamlan draum rætast og skella sér
á tónleika með Bruce Spring steen í
New York. n
Svarthvíta hetjan sígræn
Aníta Hirlekar segir gríðar-
lega nákvæmnisvinnu liggja
að baki nýjum gleraugum,
sem hún hannaði í samstarfi
við breskan lúxus-gleraugna-
framleiðanda. Gleraugun fara
í sölu í dag og fást í takmörk-
uðu upplagi.
ninarichter@frettabladid.is
Fatahönnuðurinn Aníta Hirlekar
sendir í dag frá sér nýja gleraugna-
línu í samstarfi við breska lúxus-
gleraugnaframleiðandann Cutler
and Gross. Samstarfið hófst fyrir
þremur árum, hönnunin var kynnt á
HönnunarMars 2021 og er nú komin
í verslunina Kiosk á Grandagarði.
„Þetta var lengi á leiðinni. Við
unnum saman fyrir þremur árum
og þetta er loksins að koma núna,
eftir Covid og Brexit. Gleraugun
koma sem sólgleraugu, en það er
hægt að taka linsurnar úr og nota
þau sem gleraugu,“ segir Aníta, sem
á og rekur fatamerki undir sínu
nafni.
Eru með sama kúnnahóp
Gleraugun eru handgerð á Norður-
Ítalíu. „Ég og þetta fyrirtæki erum
með svipaðan kúnnahóp. Við
unnum saman díteilana í gleraug-
unum og þar er allt mjög útpælt,“
segir hún. „Litasamsetningarnar eru
teknar úr mínum litaheimi.“
Gleraugun eru til sölu í verslun-
inni Kiosk frá og með deginum
í dag. „Gleraugun koma í tak-
mörkuðu upplagi og með þeim
fylgja gleraugnaklútar sem eru
unnir í mínu mynstri,“ segir
Aníta. „Þessi gleraugu eru ekki
ódýr, en þau eru hugsuð nánast
eins og skartgripur. Hugmyndin
er að þessi gleraugu séu kven-
leg, en með smá töff edge.
Þetta er ekki eitthvað sem
við gerum endilega aftur,“
segir hún.
Gott tækifæri í
gleraugunum
Aníta hefur átt farsælan
feril sem hönnuður. Hún
lærði fatahönnun við Cent-
ral Saint Martins- hönnunarskólann
í London með áherslu á mynstur og
textílvinnu. Lokaverkefni hennar
úr meistaranámi við sama
skóla var sýnt á tísku-
vikunni í London árið
2014.
„Ég lærði í Lond-
on og vann smá í
París, en ég er búin
að vera á Íslandi síð-
ustu sjö ár. Ég hef lengi
ætlað mér að hanna
gleraugu og þetta er gott
tækifæri til að bæta í fylgi-
hlutina hjá merkinu,“ segir
hún. „Ég var að vinna í
París og New York í smá
tíma og var einu sinni
að vinna hjá þessu
fyrirtæki í London.“
Aníta segir að
samstarfið hafi
þannig átt sér
a ð d r a g a n d a .
„Kúnna hópurinn var rosalega hrif-
inn af minni hönnun þegar ég var að
selja hjá þeim í London, og þá kom
þessi hugmynd til, að við myndum
einhvern tímann vinna saman að
gleraugum.“
Hún segir að samstarfið hafi að
miklu leyti farið fram í gegnum
Zoom, í heimsfaraldrinum. „Við
vorum lengi að ákveða litina og
díteilana í gleraugunum. Þar þarf
næmt auga.“
Elton John og King‘s Speech
Cutler and Gross er heimsþekkt
merki og meðal annars hafa fræg-
ustu stjörnur skemmtanabransans
skartað vörumerkinu. „Þetta fyrir-
tæki sá um öll gleraugun í King‘s
Speech,“ segir Aníta og bætir við að
fyrirtækið hanni einnig öll gleraugu
fyrir Elton John.
„Gildi fyrirtækisins er á þá leið,
að gleraugu eru persónulegur stíll,
ekki bara nauðsyn sem fólk þarf á
að halda,“ segir hún. „Þetta er ein-
staklingsbundið og maður býr til
stílinn fyrir manneskjuna. Þess
vegna er mín hönnun, til dæmis
kjólarnir sem ég geri, bara einn og
einn. Allt er einstakt. Það sama má
segja um gleraugun. Við deilum svo-
lítið svona hugmyndafræðinni,“
segir Aníta.
Í dag er opið partí í Kiosk þar
sem gleraugun verða til sýnis og
sölu. „Ég verð á staðnum og ætla að
kynna gleraugun. Andrea Maack
verður þarna líka og ætlar að kynna
sumarilmina sína. Svo erum við að
taka inn nýtt merki í Kiosk sem er
Kalda-skór. Þannig að það er þrennt
í gangi á morgun,“ segir Aníta Hir-
lekar, fatahönnuður. n
Með næmt auga fyrir
gleraugnahönnun
Gleraugun eru framleidd í þremur litum.
Aníta Hirlekar.
Mynd/Þórdís reynisdóttir
Gleraugun eru handgerð á Ítalíu.
Tónlist síðpönksveitarinnar stenst tímans tönn. Mynd/Aðsend
Fasta – heilsuefling eða öfgar?
Fræðslunefnd NLFÍ efnir til málþings á Icelandair Hotel Reykjavik Natura
þriðjudaginn 26. apríl 2022 kl. 19:30.
• Hvað gerist í líkamanum við föstu?
• Er mikill munur á mataræði þeirra
sem fasta og þeirra sem ekki fasta?
• Er fasta áhættusöm?
• Er hún fyrir alla?
• Hver er áhrifaríkasta fastan?
Dagsföstur, 16:8, 20:4, 5:2?
Frummælendur:
Er algengt að fólk fasti reglubundið á Íslandi?
Jóhanna Eyrún Torfadóttir næringarfræðingur og doktor í lýðheilsuvísindum
Þjálfun og fastan með Sigurjóni Erni
Sigurjón Ernir Sturluson íþróttafræðingur og ultra-hlaupari
Fasta, gerðir og heilsuáhrif
Þorbjörg Hafsteinsdóttir næringarþerapisti
Er fasta lykillinn að langlífi og lífsgæðum?
Lukka Pálsdóttir sjúkraþjálfari BS, MBA, stofnandi Happ og Greenfit
Berum ábyrgð á eigin heilsu
www.nlfi.is
Málþing Náttúrulækningafélags Íslands - 26. apríl 2022
Allir velkomnir
Aðgangseyrir 2.000 kr.
Frítt fyrir félagsmenn
Fundarstjóri: Geir Gunnar Markússon,
næringarfræðingur á Heilsustofnun
Þorbjörg Hafsteinsdóttir Lukka Pálsdóttir Geir Gunnar MarkússonJóhanna Eyrún Torfadóttir Sigurjón Ernir Sturluson
50 Lífið 23. apríl 2022 LAUGARDAGURFréttablaðiðLífið Fréttablaðið 23. apríl 2022 LAUGARDAGUR