Fréttablaðið - 16.06.2022, Blaðsíða 13

Með myndun nýs meirihluta í
borgarstjórn Reykjavíkur hefur
Framsókn í fyrsta skipti í sögunni
tryggt sér stól borgarstjóra.
Ólafur Harðarson, fyrrum pró­
fessor í stjórnmálafræði, hefur
réttilega dregið fram að þetta er
viðburður, sem markar pólitísk
kaflaskil.
Breytingin í Reykjavík hefur þó
tæplega afgerandi áhrif á borgar­
samfélagið. Hitt er stærri spurning:
Munu kaflaskilin hafa áhrif á
landsmálapólitíkina?
Ný ásjóna
Umræða um nýjan borgarstjórnar­
meirihluta hefur mestmegnis
endurspeglað mismunandi mat
á því hvort eða hversu miklar
breytingar megi finna í málefna­
samningi hans.
Í kosningunum var orðið breyt­
ingar notað meir en önnur. Í því
ljósi er ekki óeðlilegt að menn leiti
þeirra í nýjum meirihlutasáttmála.
Veruleikinn er hins vegar sá að
enginn flokkur boðaði grund­
vallarstefnubreytingar í málefnum
borgarinnar.
Kosningarnar snerust því í raun
og veru meir um ný andlit en nýja
stefnu. Í þessu sambandi mega
menn ekki gleyma að verkefni
sveitarstjórna eru að mestu lög­
bundin.
Miðjubandalag
Hóflegar málefnalegar breytingar
eru þannig í fullu samræmi við
stefnuskrár flokkanna. Pólitísk
samsetning nýja meirihlutans
vitnar aftur á móti um miklar
breytingar.
Nú eru það flokkarnir næst
miðjunni, sem mynda meirihluta.
Flokkarnir á jöðrunum til hægri
og vinstri sitja eftir í minnihluta.
Þetta hefur ekki gerst áður í
Reykjavík og aldrei á Alþingi.
Ríkisstjórnin er andstæðan
við þetta mynstur. Þar eru það
flokkarnir á jöðrunum, sem raun­
verulega ráða för. Framsókn hefur
tiltölulega lítil málefnaleg áhrif við
ríkisstjórnarborðið.
Hér er því komið nýtt tækifæri
fyrir flokkana næst miðjunni.
Reynslan ein mun svara því
hvernig það tækifæri verður nýtt.
Helsti óvissuþátturinn lýtur að
því hvort stóraukið fylgi Fram­
sóknar á höfuðborgarsvæðinu öllu
og væntanleg forysta fyrir meiri­
hluta í Reykjavík muni einnig leiða
til frjálslyndari viðhorfa í lands­
málum.
Íhaldselementin
Reynslan frá Alþingi sýnir að
samstarf jaðranna í hartnær fimm
ár hefur leitt til þess að mikil­
vægustu ákvarðanir eru settar í
biðflokk af því að samstarf þeirra
byggist á gagnkvæmu neitunar­
valdi.
Samstarfið hefur leitt í ljós að
íhaldselementin í Sjálfstæðis­
f lokknum eru orðin sterkari en
þau frjálslyndu. Eins er þetta í VG.
Þar eru íhaldselementin orðin
sterkari en þau róttæku.
Þetta merkir að Sjálfstæðis­
f lokkurinn telur sig eiga ríkari
málefnalega samleið með VG en
frjálslyndum flokki eins og Við­
reisn. Að sama skapi telur VG sig
eiga meira sameiginlegt með Sjálf­
stæðisflokknum en sósíaldemó­
krötum í Samfylkingu.
Margt bendir því til að í fyrir­
sjáanlegri framtíð muni þessir
tveir f lokkar ýmist vera saman í
meirihluta eða minnihluta eins og
nú er á Alþingi og í borgarstjórn.
Jaðarflokkarnir taka skellinn
Þetta veltur þó talsvert á Fram­
sókn. Þar eru líka sterk íhalds­
element. Áhrifavald þeirra
getur ráðið miklu um það hvort
kaflaskilin takmarkast við þetta
kjörtímabil í Reykjavík eða hvort
þau leiða til breytinga á Alþingi
eftir næstu þingkosningar.
Í þessu ljósi er ástæða til að
skoða tvö atriði:
Annars vegar bendir margt
til að jaðarflokkarnir í stjórnar­
samstarfinu hafi tekið skellinn
vegna óánægju með biðflokks­
pólitíkina. Framsókn hefur notið
þess að vera ekki gerandi við
ríkisstjórnarborðið. Hugsanlega er
unnt að teygja þá stöðu fram yfir
næstu þingkosningar.
Hins vegar er athyglisvert að
Framsókn nýtur þessarar sérstöðu
í stjórnarsamstarfinu, á sama
tíma og skoðanakannanir sýna
vaxandi stuðning við fulla aðild
að Evrópusambandinu og þótt
nýja fylgið komi að hluta frá þeim
flokkum, sem hafa stutt þá stefnu.
Þrettán ár eru síðan Framsókn
gekk til kosninga með fulla aðild á
stefnuskrá.
Líkurnar á kaflaskilum
á Alþingi
Vitaskuld er ekki unnt að lesa neitt
út úr kosningunum um afstöðu
fólks til fullrar Evrópusambands­
aðildar, enda var hún ekki á dag­
skrá þeirra.
Hitt er ljóst, að fátt bendir til
þess að íhaldselementin í Fram­
sókn hafi skapað þennan mikla
kosningasigur.
Spurningin um kaflaskil í víðara
samhengi en því sem nær til
borgarstjórastólsins, ræðst þar af
leiðandi mest af því hvort frjáls­
lynda miðjuelementið í Fram­
sókn lætur meira að sér kveða á
næstunni. Án þess er erfitt að sjá
samsvarandi kaflaskil í landsmál­
unum. n
Stór kaflaskil eða smá?
Þorsteinn
Pálsson
n Af Kögunarhóli
Samstarfið hefur
leitt í ljós að íhalds­
elementin í Sjálfstæðis­
flokknum eru orðin
sterkari en þau frjáls­
lyndu. Eins er þetta
í VG. Þar eru íhalds­
elementin orðin sterk­
ari en þau róttæku.
Bæjarstjórn Akraness auglýsir hér með tillögu að
endurskoðuðu aðalskipulagi Akraness ásamt
umhverfismatsskýrslu í samræmi við 31. gr.
skipulagslaga nr. 123/2010. Tillagan felur í sér
endurskoðun á Aðalskipulagi Akraness 2005-2017
og er sett fram á uppdrætti, í greinargerðum og í
vefsjá.
Tillagan verður til sýnis á skrifstofu
Akraneskaupstaðar, Dalbraut 4, hjá
Skipulagsstofnun, Borgartúni 7b, Reykjavík, og í
vefsjá á vefsíðu Akraneskaupstaðar www.akranes.is
frá og með 20. júní 2022 til og með 5. ágúst. 2022.
Þeim sem telja sig eiga hagsmuna að gæta er hér
með gefinn kostur á að gera athugasemdir við
tillöguna. Frestur til að skila inn athugasemdum er
til 5. ágúst 2022. Athugasemdir skulu vera skriflegar
og undirritaðar með nafni, kennitölu og
heimilisfangi. Þeim skal skila á bæjarskrifstofu
Akraness, Dalbraut 4, 300 Akranesi, eða á
netfangið skipulag@akranes.is, merktum
Aðalskipulag 2033.
Bent er á að athugasemdir við aðalskipulag eru
opinber gögn.
Akranes.is
Sviðsstjóri skipulags og umhverfissviðs
Vegagerðin hef ur ý tt úr vör
vitundar átaki um öryggi starfsfólks
við vegavinnu, undir yfirskriftinni
Aktu varlega! – mamma og pabbi
vinna hér. Í því sambandi hafa verið
hönnuð eftirtektarverð skilti, sem
munu vafalaust vekja athygli veg­
farenda í sumar.
Ástæðan fyrir því að farið er í
þetta átak núna er sú aukna hætta
sem starfsfólki stafar af hraðakstri
í gegnum vinnusvæði. Þrátt fyrir
að öll framkvæmdasvæði séu vel
merkt, með meðal annars hraða­
lækkandi skiltum og gátskjöldum,
brennur við að ökumenn virði ekki
hraðatakmarkanir og aki allt of
hratt miðað við aðstæður. Það eykur
mjög hættu á slysum á fólki og oft
hefur hurð skollið nærri hælum.
Sumarið er gengið í garð með
tilheyrandi framkvæmdum um
allt land, bæði í þéttbýli og á þjóð­
vegum. Því þykir okkur hjá Vega­
gerðinni mikilvægt að minna á að
það skiptir máli að fara varlega í
kringum fólk sem vinnur á vegum
úti. Þarna eru að verki mömmur og
pabbar, frændur og frænkur, afar
og ömmur, eða í stuttu máli ást­
vinir einhverra, og vinnudagurinn
er unninn við erfiðar aðstæður í
umferðinni. Við viljum með þessum
áberandi skiltum auka nándina
og skilninginn á því að tillitssemi
okkar varðar þetta fólk miklu og að
um líf og dauða getur verið að ræða
ef ekki er ekið varlega í gegnum
vinnusvæði.
Vegagerðin leggur mikla áherslu
á öryggi bæði vegfarenda og starfs­
fólks og stöðugt er unnið að endur­
bótum. Sem dæmi hefur tækja­
kostur verið aukinn verulega og
varnarbifreiðar með árekstrarvörn
hafa sannað gildi sitt á fjölförnum
vegum. Öryggisbúnaður starfsfólks
hefur verið bættur, öryggisstefna er
í sífelldri endurskoðun, áhættumat
hefur verið unnið fyrir ýmsa starf­
semi og haldið verður áfram á þeirri
braut.
Okkur er umhugað að stuðla
að góðri öryggismenningu meðal
okkar starfsfólks og því hefur verið
unnið að því í vetur að fræða fólk
um hvað einkennir góða öryggis­
menningu og hvernig við náum að
komast á þann stað að vera framúr­
skarandi í öryggismálum.
En það eru ekki aðeins við ein
sem getum gætt að öryggi okkar
starfsfólks, og verktaka okkar. Þar
þarf samhent átak og viðhorfsbreyt­
ingu meðal allra vegfarenda og við
vonumst til að þetta vitundarátak
verði skref í rétta átt.
Til að kynna vitundaátakið hélt
Vegagerðin morgunverðarfund
þann 7. júní síðastliðinn. Þar skrif­
uðu Vegagerðin og samstarfsaðilar
undir viljayfirlýsingu, en með Vega­
gerðinni í þessu átaki eru ríkislög­
reglustjóri, Samgöngustofa og verk­
takafyrirtækin Colas Ísland, Ístak
og Borgarverk.
Átakið Aktu varlega! – mamma og
pabbi vinna hér stendur yfir í sumar
frá 7. júní til 15. september. Ökum
varlega – komum heil heim! n
Ökum varlega, hér vinna
mömmur, pabbar, afar og ömmur!
Bergþóra
Þorkelsdóttir
forstjóri Vega­
gerðarinnar
Sumarið er gengið í
garð með tilheyrandi
framkvæmdum um
allt land, bæði í þétt­
býli og á þjóðvegum.
Því þykir okkur hjá
Vegagerðinni mikil­
vægt að minna á að
það skiptir máli að fara
varlega í kringum fólk
sem vinnur á vegum
úti.
FIMMTUDAGUR 16. júní 2022 Skoðun 13FRÉTTABLAÐIÐ