Iðjuþjálfinn - 2021, Blaðsíða 18

1. tölublað 202118
Tvisvar á ári kemur póstur frá yfirmanni: „Hver ætlar að taka
iðjuþjálfanema?“ Flestir fá hnút í magann og bíða fram á síð-
ustu mínútu að svara. Ég velti fyrir mér af hverju svo væri og
fannst það áhugavert svo ég ákvað að heyra í samstarfsfólki
mínu í Geðþjónustu Landspítala, Kleppi og heyra þeirra hlið.
Öll svörin sem ég fékk voru jákvæð. Rætt var um breytingar
til hins betra sem orðið hefðu á vettvangsnámi við Háskólann
á Akureyri undanfarin ár, sérstaklega hvað varðar námsmat
og kröfur varðandi verkefni nemenda á vettvangi. Matsheftið
sem unnið er eftir í miðju- og lokamati vettvangsnáms finnst
leiðbeinendum vera auðveldara og fljótlegra en áður ásamt
að stuðningur og aðgengi að skólanum hefur aukist. Á Geð-
þjónustu Landspítala búum við við þann mikla kost að vera
margir iðjuþjálfar á sama vinnustað og hefur það reynst góður
stuðningur þegar við tökum iðjuþjálfanema. Stundum höfum
við verið tveir iðjuþjálfar með einn iðjuþjálfanema, þá bæði í
þeim tilgangi að veita stuðning þegar annar hefur ekki verið
leiðbeinandi áður eða þegar iðjuþjálfinn sér ekki fram á næg
námstækifæri í teyminu. Einnig höfum við verið einn iðjuþjálfi
með tvo iðjuþjálfanema eða nokkrir iðjuþjálfar boðið upp á
nemapláss á sama tímabili. Það getur líka verið góður kostur
og var almennt viðhorf að jákvætt væri að iðjuþjálfanemarnir
gætu haft stuðning hver frá öðrum.
Reynsla og upplifun
af að vera með nema
Ég hef tekið að mér nokkuð marga nema í gegnum tíðina og
er orðlaus yfir hvað ég hef lært mikið af því. Þess fyrir utan
höfum við grætt frábæra samstarfsfélaga í kjölfar útskriftar.
Auðvitað eru iðjuþjálfanemarnir jafn mismunandi og þeir eru
margir en það erum við leiðbeinendurnir líka. Nemendur koma
með nýjustu þekkinguna frá skólanum inn á vinnustaðinn og
það gerir okkur að betri fagmönnum. Eftir að nýja námskráin
var tekin upp hefur verknámið breyst og bæst til muna.
Leiðbeinendur hafa aðgang að alls konar fræðsluefni frá
skólanum varðandi þjónustu iðjuþjálfa og hugmyndafræði
sem hefur gagnast okkur hér á Kleppi alveg ótrúlega vel.
Flest öll samskipti eru orðin rafræn og það felur í sér mikinn
tímasparnað. Miðju- og lokamat er gert rafrænt og búið að
betrumbæta og stytta matsheftið sem gerir það að verkum
að lokamat er nú á bilinu hálftími til klukkutími í staðinn fyrir
rúma tvo klukkutíma. Einu sinni yfir tímabilið er boðið upp á
leiðsagnartíma þar sem kennari, nemendur og leiðbeinendur
hittast og ræða málin. Í þeim tíma fá leiðbeinendur ekki
aðeins að heyra í sínum nemanda tala um hvernig gengur
og segja frá starfinu heldur líka frá öðrum iðjuþjálfanemum.
Þannig kynnast leiðbeinendur líka starfi annarra iðjuþjálfa af
svipuðum vettvangi.
Ég hvet alla iðjuþjálfa sem hafa tök á að taka á móti iðju-
þjálfanemum að gera það. Bæði gefur það okkur iðjuþjálfum
tækifæri til að vaxa og dafna í starfi ásamt að gefa iðjuþjálfa-
nemum fleiri námstækifæri og fjölbreyttari möguleika á að
finna starfsvettvang við sitt hæfi.
Erna Sveinbjörnsdóttir,
iðjuþjálfi í Geðþjónustu Landspítala