Iðjuþjálfinn - 2021, Side 30

1. tölublað 202130
til svo hægt væri að styðja foreldra sem þrýstihóp um bætta
barnamenningu og til að krefjast breytinga í íslensku sam-
félagi svo það yrði barn- og fjölskylduvænna. Fyrsti fundur
félagsins var í byrjun nóvember 2020 og vorið 2021 sendi það
frá sér ákall til þingmanna, borgarfulltrúa og atvinnulífsins um
að gera miklu betur.
Grundvallarhugsun Fyrstu fimm er að við sem samfélag
verðum að gera betur. Skýrsla UNICEF frá árinu 2020 sýnir að
íslensk börn mælist í verri stöðu hvað varðar andlega líðan, lík-
amlega heilsu og náms- og félagsfærni en börn flestra annarra
Evrópuþjóða. Stefna Fyrstu fimm er að gera Ísland bæði barn-
og fjölskylduvænna og í fararbroddi þegar kemur að stöðu
barna. Þessu er fyrst og fremst hægt að ná fram í samstarfi
við vinnuveitendur og stjórnvöld. Rannsóknir sýna að til lengri
tíma litið mun kostnaður við stuðning fjölskyldna fyrstu fimm
árin, t.d. með lengra fæðingarorlofi, launuðu tengsla- og
umönnunarorlofi feðra, sveigjanleika á vinnumarkaði og lækk-
uðu starfshlutfalli, spara yfirvöldum og fyrirtækjum margfalt
hærri upphæðir þegar fram líða stundir. Eitt af því sem Fyrstu
fimm hafa í hyggju að taka að sér er að miðla upplýsingum
milli vinnustaða svo þeir geti deilt reynslu og aðferðum við að
koma til móts við börn og foreldra þeirra.
Fyrstu fimm stendur fyrir fundum, málþingum og námskeiðum
og myndar regnhlífar- og baráttusamtök fyrir alla þá sem láta
sig hag ungra barna varða. Ég er formaður stjórnar Fyrstu
fimm en auk mín sitja Árni Kristjánsson, Anna Mjöll Guð-
mundsdóttir, Ólafur Grétar Gunnarsson, Bjarney Rún Haralds-
dóttir og Matthías Ólafsson í stjórn. Hópurinn er fjölbreyttur en
við höfum öll sterkar skoðanir á málefninu. Fyrstu fimm hefur
verið vel tekið og margir fagnað því að kominn sé vettvangur
til að vinna að úrbótum á þessu mikilvæga æviskeiði.
Hægt er að fylgjast með Þorpinu á https://tengslasetur.is/ og
Fyrstu fimm á http://fyrstufimm.is/. Bæði samfélögin er auk
þess hægt að finna á Instagram og Facebook.
Trönuhrauni 8, Hafnarfirði, stod.is
Fagfólk STOÐAR veitir nánari upplýsingar og ráðgjöf.
Tímapantanir í síma 565 2885
HVÍLDARSPELKA
Eykur virkni, notendavæn og þægileg
• Nýstárleg hvíldarspelka með
einstaklinginn í fyrirrúmi
• Án borða og auðveld í
notkun og aðlögun
• Fáanleg bæði í barna og
fullorðinsstærðum
S.O.T Hvíldarspelka A5.indd 1 19/10/2021 4:00:13 pm