Skessuhorn - 05.01.2022, Blaðsíða 10

MIÐVIKUDAGUR 5. JANÚAR 202210
Komin eru tilboð í byggingarétt á
allt að 115 íbúðum á sex lóðum á
Sementreit á Akranesi. Eftir er að
úthluta um 300 íbúðum til viðbótar
á svæðinu, sbr. gildandi skipulag. Á
vef Akraneskaupstaðar er fjallað um
tilboðin sem bárust og niðurstöður
matsnefndar.
Tilboðin í byggingar-
réttinn og stigin sem
tilboðin hlutu:
Bjóðendur Stig
Bryggja 2 ehf. 25,5
Ferrum fasteignir ehf 62,3
Húsvirki ehf 67,2
Fastefli ehf 97,0
Tillögurnar eru fjölbreyttar en
hæsta einkunn sem hægt var að fá
var 100 stig. Fastefli skoraði 37 stig
af 40 mögulegum í útliti og gæð-
um og 60 stig af 60 mögulegum í
byggingaréttargjaldi. Tilboð þeirra
í byggingarétt var kr. 801.765.000.
Lágmarks heimilað tilboð var hins
vegar kr. 402.750.000.
Umsögn matsnefndar um vinn-
ingstillögu er eftirfarandi: „Tillagan
er fallega unnin, spennandi og gef-
ur góð fyrirheit um áframhaldandi
byggð á Sementsreit. Framsetn-
ingin er góð. Vel er unnið með
staðaranda og leitast við að tengja
útlit við byggð í bænum. Uppbrot
og efnisnotkun er skemmtileg með
tilvísanir í nærumhverfi og þekkt-
ar byggingar. Kennileiti mættu vera
meira afgerandi. Lóðin er áhuga-
verð og lífleg. Útgangur úr bíla-
kjallara í miðjan garð virkjar lóðina
og örvar samfélagsleg tengsl. Já-
kvætt er að bílakjallari sé ekki und-
ir allri lóð og „jarðsamband“ náist í
miðjum garði þar sem að hægt er að
koma fyrir stórum trjám. Blágræn-
ar ofanvatnslausnir á lóð og Svans-
vottun er jákvætt. Hugmynd að
blöndun á sérbýli og fjölbýli með
mismunandi húsagerðum gengur
vel upp og gæði íbúða er góð.“
Í ljósi ofangreindra tilboða
og þess að allar lóðir fóru út við
Suðurgötu, horfir Akraneskaup-
staður björtum augum til upp-
byggingar á Sementsreit og hlakkar
til samstarfs með þeim verktökum
sem munu byggja upp reitinn.
frg
Bæjarstjórn Akraness hefur náð
samstöðu um að samfélagsmið-
stöð verði byggð upp á Dalbraut
8. Eins og kunnugt er varð hús-
næði Fjöliðjunnar að Dalbraut 8
eldsvoða að bráð að kvöldi 7. maí
2019. Nokkur kurr hefur staðið um
með hvaða hætti staðið skyldi að
uppbyggingu hússins og sitt sýnst
hverjum. Uppi voru meðal annars
hugmyndir um að byggja nýtt hús-
næði fyrir Fjöliðjuna á svokölluð-
um Orkuveitureit að Dalbraut 6. Á
fundi bæjarstjórnar Akraneskaup-
staðar 14. desember sl. var lögð
fram bókun þar sem bæjarstjórn
lýsti einhuga yfir ánægju sinni með
þá órofa samstöðu sem náðst hef-
ur meðal kjörinna fulltrúa um upp-
byggingu samfélagsmiðstöðvar í
nýju húsnæði að Dalbraut 8. Sam-
félagsmiðstöðin mun hýsa starf-
semi Fjöliðjunnar, endurhæf-
ingarhússins HVER ásamt Félags-
miðstöðinni Þorpinu, frístunda-
starfi fyrir börn og ungmenni.
Fram kemur í fundargerð bæj-
arstjórnar að ákvörðunin byggi á
hugmyndafræði um samfélag án
aðgreiningar og ítarlegri sviðs-
myndagreiningu allra fagsviða
Akraneskaupstaðar. Hið nýja hús-
næði að Dalbraut 8 verður á stórri
og skemmtilegri lóð í hjarta bæjar-
ins og mun uppfylla núverandi - og
framtíðarþörf á húsnæði fyrir starf-
semina ásamt því að bjóða upp á
aukinn sveigjanleika til að takast á
við ný verkefni og áskoranir í vax-
andi bæjarfélagi.
Tækifæri verða til
bættrar þjónustu
Með samfélagsmiðstöð gefst tæki-
færi til að sameina í einu húsi
þá starfsemi sem í dag dreifist á
nokkra staði. Það skapar tækifæri
til aukins þekkingarflæðis milli
starfsmanna og starfsstöðva sem án
efa mun skila sér í bættri þjónustu
fyrir alla hópa. Samhliða samfé-
lagsmiðstöð er hægt að byggja upp
þjónustu og tækifæri til frístunda-
starfs fyrir hinn almenna borgara.
Byggja upp miðstöð sem endur-
speglar og fangar margbreytileik-
ann í samfélaginu, starfar í anda
samfélags án aðgreiningar í víðum
skilningi og eykur möguleika íbúa
á fjölbreytni í tengslamyndun og
samfélagslegri þátttöku. Ákvörðun
um uppbyggingu á samfélagsmið-
stöð gerir ráð fyrir að hægt verði að
hefja þar starfsemi árið 2024 sem
gefur tækifæri til að flýta um mörg
ár áformum um uppbyggingu á að-
stöðu fyrir frístundastarf barna og
ungmenna og starfsemi Endurhæf-
ingarhússins HVER en fyrirsjá-
anlegt er að uppbyggingu á hús-
næði fyrir starfsemi Fjöliðjunnar
mun seinka um eitt ár. Unnið er að
því hörðum höndum að finna hæf-
ingarhluta Fjöliðjunnar hentugan
stað þar til húsnæðið á Dalbraut 8
verður tilbúið.
Fjárhagslegur ávinning-
ur til lengri tíma
Uppbygging samfélagsmiðstöðv-
ar á Dalbraut 8 mun hafa í för
með sér aukna fjárfestingu Akra-
neskaupstaðar til skemmri tíma
en ef horft er til lengri tíma mun
þessi uppbygging verða fjárhags-
lega hagkvæmari en aðrir valkost-
ir sem skoðaðir voru. Bæjarstjórn
Akraness leggur mikla áherslu á að
uppbygging samfélagsmiðstöðv-
ar verði í forgangi á næstu árum.
Gert er ráð fyrir verkefninu í fjár-
hagsáætlun Akraneskaupstaðar
2022-2025 og þegar er hafin vinna
við breytingar á skipulagi Dal-
brautarreits til samræmis við upp-
byggingaráform. frg
Skömmu eftir hádegi 22. desember
varð harður þriggja bíla árekstur
skammt frá Eiðhúsum í Eyja- og
Miklaholtshreppi á Snæfellsnesi.
Samkvæmt heimildum Skessu-
horns var atvikalýsing þannig að
bíll rann yfir á öfugan vegarhelm-
ing, skall utan í bíl sem kom úr
gagnstæðri átt og lenti síðan fram-
an á þeim þriðja. Mikil mildi þyk-
ir að ekki urðu alvarleg slys á fólki,
en alls voru tólf manns í bílun-
um þremur. Fólkið var flutt undir
læknishendur á Akranesi en sá sem
mest var slasaður var fluttur á slysa-
deild í Reykjavík. Beita þurfti klipp-
um slökkviliðs á einn bíl. Í þessu
útkalli voru boðaðir viðbragðsað-
ilar af öllu Snæfellsnesi; sjúkrabíl-
ar, slökkvilið og lögregla. Aðgerð-
ir á vettvangi gengu vel samkvæmt
heimildum Skessuhorns. Ökutæk-
in þrjú voru óökuhæf eftir óhapp-
ið og flutt af vettvangi með krana-
bifreiðum. Veður var gott á slysstað
en hitastig lágt og orsakaði það ís-
ingu á veginum.
mm
Þriggja bíla árekstur
á Snæfellsnesi
Komin tilboð í byggingarrétt á
115 íbúðum á Sementsreit
Samstaða um uppbyggingu samfélagsmiðstöðvar á Akranesi