Skessuhorn - 05.01.2022, Blaðsíða 11

MIÐVIKUDAGUR 5. JANÚAR 2022 11
Hreint ál úr íslenskri orku | nordural.is
Norðurál leitar að jákvæðum, metnaðarfullum og ábyrgum
deildarstjóra birgðahalds. Verkefnin eru fjölbreytt og krefjandi
í umhverfi þar sem metnaður og fagmennska eru í fyrirrúmi.
Starfsstöðin er á Grundartanga.
Deildarstjóri
birgðahalds
Norðurál á Grundartanga er eitt stærsta iðnfyrirtæki á Íslandi. Hjá okkur starfa
um 600 manns með fjölbreytta menntun og bakgrunn. Norðurál er jafnlauna­
vottað fyrirtæki og handhafi gullmerkis PwC.
Starfsfólki Norðuráls bjóðast ferðir til og frá Akranesi, Borgarnesi og af höfuð­
borgarsvæðinu.
Umsóknarfrestur er til og með 11. janúar næstkomandi.
Helstu viðfangsefni: Yfirumsjón, rekstur og stýring vöruhúss og
birgða halds, áætlanagerð og birgðagreining, verkefnastjórnun og
gæða mál, ábyrgð á starfsmannamálum lagers, sem og þróun og
um bætur verkferla.
Menntunar- og hæfniskröfur: Háskólamenntun sem nýtist í starfi
og góð tölvufærni. Reynsla af SAP er kostur. Færni í mannlegum
samskiptum. Góð greiningar­ og skipulagsfærni. Sterk öryggis­
vitund og vilji til að ná árangri. Viðkomandi þarf að geta unnið
eftir ferlum. Reynsla af verkefnastjórnun eða eftirfylgni verkefna.
Reynsla af vöru­ og lagerstjórnun er kostur.
Jafnlaunaúttekt
PwC 2020
Nánari upplýsingar veitir Guðný Björg Hauksdóttir, framkvæmdastjóri mannauðs­
sviðs, í síma 430 1000. Öllum umsóknum verður svarað og trúnaði er heitið.
Sótt er um á nordural.is.
Fasteignafélag Akraneskaupstað-
ar slf. auglýsir nú eftir tilboðum í
uppsteypu og ytri frágang á nýju
íþróttahúsi á Jaðarsbökkum. „Verk-
ið felst í uppsteypu mannvirkis,
lögnum í jörðu, fyllingu að mann-
virki, tengingu við Akraneshöll,
ytri frágangi, gluggum og útihurð-
um, þakvirki og frágangi þaks. Um
er að ræða m.a. steypa 2.750 m3,
útveggjaklæðning 2.700 m2, þak-
fletir 2.300 m2,“ segir í auglýs-
ingunni, en skila skal verkinu eigi
síðar en 28. apríl 2023. Sjá nánar
auglýsingu hér í blaðinu.
mm
Björgunarsveitin Brák í Borgarnesi
fékk skömmu fyrir áramót afar
rausnarlega gjöf í minningu um
Óskar Þór Óskarsson á Tröðum á
Mýrum, en hann lést 31. maí síð-
astliðinn á sjötugasta aldursári. Sig-
urbjörg Helgadóttir ekkja Óskars
Þórs, dætur þeirra og fjölskyldur
færðu sveitinni eina milljón króna
að gjöf til styrktar húsbyggingunni
við Fitja í Borgarnesi. „Styrkurinn
er kærkominn og erum við þeim
innilega þakklát,“ segir Elín Matt-
hildur Kristinsdóttir formaður
Brákar í samtali við Skessuhorn.
mm
Vinna við mat á umhverfisáhrif-
um Holtavörðuheiðarlínu 1 er nú
að hefjast. Það er liður í því að
setja fram valkosti um framkvæmd
verkefnisins. Búið er að leggja
fram valkostaskýrslu með tillög-
um um raunhæfa valkosti við lagn-
ingu háspennulínunnar. Þar er far-
ið yfir hugmyndir og ábendingar
sem komu fram í samráðsvinnu
við hagsmunaaðila og landeigend-
ur. Holtavörðuheiðarlína 1 er 220
kV loftlína sem Landsnet hefur
áform um að leggja frá Klafastöð-
um í Hvalfirði að nýju tengivirki á
Holtavörðuheiði, sem er um 90 km
löng leið. Samkvæmt skýrslunni er
línan á framkvæmdaáætlun kerfis-
áætlunar Landsnets 2020-2029 og
er áætlað að hefja framkvæmdir
árið 2024.
Skýrsluna er hægt að nálga st á
vefsíðu Landsnets. Ábendingar og
athugasemdir skal senda á netfang-
ið landsnet@landsnet.is en frestur
til þess er til 7. janúar næstkom-
andi. arg
Bjóða út uppsteypu nýs íþróttahúss
Valkostaskýrsla um
Holtavörðuheiðarlínu 1
Óskar Þór Óskarsson á heimaslóðum. Ljósm. mm.
Brák afhent minningargjöf
um Óskar Þór
Fulltrúar Björgunarsveitarinnar Brákar og fjölskyldu Óskars Þórs á Tröðum.
Ljósm. Brák.