Skessuhorn - 19.01.2022, Síða 6
MIÐVIKUDAGUR 19. JANÚAR 20226
Getspakur
Akureyringur
LANDIÐ: Það var glúrinn
tippari sem fékk 13 rétta á
enska getraunaseðlinum á
laugardaginn og vann tæp-
ar 18 milljónir króna. „Tipp-
arinn keypti miðann í get-
raunaappinu og er þetta
hæsti vinningur sem unnist
hefur á enska getraunaseðil-
inn sem keyptur er í appinu.
Tipparinn tvítryggði 7 leiki,
þrítryggði 1 leik og var með
eitt merki á 5 leikjum. Alls
kostaði getraunaseðillinn
5.760 krónur. Tipparinn er
frá Akureyri og er stuðnings-
maður KA,“ segir í tilkynn-
ingu frá Íslenskri getspá.
-mm
Með nef fyrir
gámum
STYKKISH. Hringt var í
Neyðarlínuna síðasta þriðju-
dagskvöld í liðinni viku og
tilkynnt um að skipsnef-
ið á Baldri hefði fallið ofan
á frystigám í stafninum.
Stefnið læstist ekki en féll
niður á gám þegar verið var
að aka vöruflutningabifreið
úr ferjunni og eyðilagðist
gámurinn. -vaks
Ók á skilti
AKRANES: Um miðja síð-
asta miðvikudagsnótt var hr-
ingt í Neyðarlínu og tilkynnt
um að ökumaður hefði ekið
niður skilti á Innnesvegi og
bíllinn væri hálfur úti í veg-
kanti. Lögregla kom á stað-
inn og í ljós kom að öku-
maðurinn hafði misst stjórn
á bílnum vegna hálku og
ekið á akbrautarmerki á um-
ferðareyju. Bíllinn var óöku-
hæfur eftir óhappið og kom
dráttarbíll og fjarlægði bíl-
inn. -vaks
Blaðrað í
farsíma undir
stýri
BORGARNES: Síðasta
miðvikudag var ökumað-
ur á bíl með tengivagni tek-
inn við það athæfi að tala
í farsíma og skömmu síð-
ar kom í ljós að hann var
með með útrunnið ökuskír-
teini. Hann á von á sekt upp
á fjörutíu þúsund fyrir hvort
tilvik eða samtals 80 þús-
und krónur í sekt. Sama dag
var annar bílstjóri tekinn við
sömu iðju en skírteinið í lagi
og á von á 40 þúsund krón-
um í sekt. -vaks
Fuku út af
SNÆFELLSNES: Tvær
sendibifreiðar fuku út af
veginum síðasta miðvikudag
á Vatnaleið. Engin slys urðu
á fólki og tjón minniháttar.
Aðstoð kom á vettvang enda
vonskuveður og mjög blint.
-vaks
Góð afkoma
af lottóinu
LANDIÐ: Íslensk getspá hef-
ur ákveðið að greiða eigendum
sínum 300 milljónir króna í
aukagreiðslu vegna góðrar af-
komu af lottóspili á síðasta ári.
Eigendur Íslenskrar getspár
eru þrír. Það eru Íþrótta- og
Ólympíusamband Íslands
(ÍSÍ), sem á 46,67% hlut, Ör-
yrkjabandalag Íslands (ÖBÍ) á
40% og UMFÍ 13,33%. Í til-
kynningu frá UMFÍ kemur
fram að félagið fái rétt tæpar
40 milljónir króna í sinn hlut
og var þeim fjármunum út-
hlutað í vikubyrjun. Upphæð-
in rann að langstærstum hluta
til sambandsaðila UMFÍ og að
hluta í Fræðslu- og verkefna-
sjóð UMFÍ en hvoru tveggja
styður við grasrótarstarfið um
allt land. -mm
Kennarar felldu
kjarasamning
LANDIÐ: Mikill meirihluti
félagsmanna í Félagi grunn-
skólakennara hefur fellt nýj-
an kjarasamning FG og Sam-
bands íslenskra sveitarfé-
laga. Nei sögðu 73,71% en já
24,82%. Kjörsókn var 69 pró-
sent, en 3.529 af 5.092 félags-
mönnum KÍ greiddu atkvæði.
Skrifað var undir kjarasamn-
inginn 30. desember síðast-
liðinn. -mm
Sveitarstjórn Dalabyggðar hef-
ur formlega eyrnamerkt 250 millj-
ónir króna til byggingar íþrótta-
mannvirkja í Búðardal á þessu ári,
en alls er áætlað að verkefnið kosti
950 milljónir á byggingartíman-
um til ársins 2024. Á fundi sveit-
arstjórnar síðastliðinn fimmtu-
dag var tekin umræða um skip-
un byggingarnefndar mannvirkj-
anna. Fyrir fundinum lá tillaga um
að þessi stjórn yrði skipuð byggð-
arráði, varaoddvita og sveitarstjóra.
Nokkur umræða fór fram á fund-
inum og komu fram ýmis sjónar-
mið um skipan nefndarinnar og að-
gang hennar að sérfræðiþekkingu.
Einnig var rætt um kostnað við
nefndina, sem talinn er verða rúm-
lega þrjár milljónir. Tillaga var lögð
fram um að sveitarfélagið auglýsti
eftir áhugasömum einstaklingum
í nefndina og hún yrði síðan skip-
uð á næsta sveitarstjórnarfundi. Var
tillagan samþykkt samhljóða. Þessi
aðferð við skipan í nefndir er nokk-
uð nýstárleg og gefur þeim íbúum
sem hafa brennandi áhuga á mál-
efninu tækifæri til að leggja verk-
efninu starfskrafta sína.
Í samtali við Kristján Sturluson
sveitarstjóra kom fram að með-
al þess sem nefndin muni þurfa að
fjalla um sé ferill verkefnisins, m.a.
hvort verkið verði boðið út í alút-
boði, þar sem verktakinn myndi
vinna allt frá hönnun og efnisvali
til framkvæmdar, eða hvort verk-
ið verði brotið niður í smærri ein-
ingar, sem boðnar verði út sitt í
hvoru lagi í smærri áföngum. Hann
nefndi jafnframt að ekki hafi verið
tekin endanleg ákvörðun um fjölda
nefndarmanna, en það mun verða
meðal þess sem sveitarstjórn tekur
afstöðu til á næsta fundi sínum, þar
sem nefndin verður skipuð.
Fjárhagslegt svigrúm
Eyjólfur Ingvi Bjarnason, oddviti
sveitarstjórnar, sagði í samtali við
Skessuhorn að ætlunin væri að fara
í jarðvegsvinnu á þessu ári og von-
ast sveitarstjórn til þess að hægt
verði að taka mannvirkin í notk-
un um mitt ár 2024. Spurður hvort
sveitarfélagið hafi burði til að fara í
svo stóra framkvæmd segir Eyjólf-
ur svo vera. Framkvæmdatímanum
verður skipt niður í nokkur ár og
ætlar sveitarfélagið að taka lán eins
og þarf hverju sinni. Hann segir
sveitarfélagið eiga sjóði sem geng-
ið verður á nú til að byrja með en
lánasafn sveitarfélagsins er að klár-
ast á næstu einu til tveimur árum
og skapast þá skilyrði til að taka
ný lán. „Þetta er bara eitthvað sem
þarf að gera ef við viljum að þetta
svæði verði samkeppnishæft,“ seg-
ir Eyjólfur.
Lengi hefur staðið til að byggja
íþróttamannvirki í Búðardal og oft
hefur það verið rætt að fyrst þyrfti
að selja Laugar í Sælingsdal. Eyjólf-
ur segir það þó ekki lengur vera
forsendu fyrir því að hægt verði
að hefja framkvæmdir. Staðan sé
þannig í dag að rými sé að mynd-
ast fyrir frekari lántöku og því geti
sveitarfélagið farið í framkvæmd-
irnar óháð því hvort takist að selja
Laugar. „Laugar eru enn á sölu
og við auglýsum alltaf annað slag-
ið. Við fundum þó nokkurn áhuga
á að kaupa Laugar í kringum ára-
mótin 2019-2020 en svo kom þessi
veira og þá höfum við bara séð
undir hælana á öllum. Það halda
allir að sér höndum eins og stað-
an er í dag,“ segir Eyjólfur Ingvi að
endingu.
bj/arg
Teikning að fyrirhuguðum íþróttamannvirkjum.
Ætla að hefja framkvæmdir við
íþróttamannvirki í Búðardal á þessu ári
Búðardalur. Ljósm. sm.