Skessuhorn - 19.01.2022, Qupperneq 30
MIÐVIKUDAGUR 19. JANÚAR 202230
Hildur Sólveig Sigurðardótt-
ir sjúkraþjálfari bjó fyrstu árin á
Akranesi en frá ellefu ára aldri
í Vestmannaeyjum. Hún hef-
ur verið öflug í íþróttum og tek-
ur virkan þátt í sveitarstjórnarmál-
um. Þá hefur Hildur Sólveig vak-
ið athygli fyrir verkefni sitt meðal
elstu bekkja grunnskóla en það ber
heitið Leiðarvísir líkamans. Árið
2020 fékk hún m.a. styrk frá Lýð-
heilsusjóði embættis landlæknis til
að efla verkefnið. Hildur er dótt-
ir þeirra Drífu Björnsdóttur ljós-
móður á Akranesi og síðar í Vest-
mannaeyjum og Sigurðar Ragnars-
sonar blikksmiðs á Akranesi. Í Vest-
mannaeyjum býr hún með eigin-
manni og þremur börnum þeirra.
Skessuhorn tók Hildi Sólveigu tali.
Að þekkja líkamann
„Hugmyndin að verkefninu Leiðar-
vísir líkamans fæddist upphaflega
þegar ég var í sjúkraþjálfaranámi.
Síðar þegar ég sem sjúkraþjálfari
fór að sinna einstaklingum komst
ég að því að margir hefðu get-
að komið í veg fyrir sín vandamál
með meiri grunnþekkingu á lík-
amanum. Ég hef því þróað grunn-
skólaverkefnið yfir langan tíma og
nýtt mér m.a. endurgjöf nemenda.
Þá er mikilvægt að nemendur átti
sig á því hvað þekking á líkaman-
um skiptir þá miklu máli síðar á
lífsleiðinni,“ segir Hildur.
Skortir leiðbeiningar
„Ég hef oft sagt það svona til gam-
ans og samanburðar að þegar við
kaupum öll þau tæki sem við not-
um á heimilum okkar fylgja þeim
leiðbeiningabæklingar um notkun
tækjanna. Bæklingar sem eru jafn-
vel upp á tugi eða hundruð blað-
síðna. En við höfum aftur á móti
engar slíkar leiðbeiningar um lík-
ama okkar. Allt of oft hef ég upp-
lifað það í starfi mínu að skjól-
stæðingar mínir koma of seint
í meðhöndlun og hefðu margir
þeirra getað komist hjá því að fá
alvarleg stoðkerfisvandamál ef þeir
hefðu haft aðgang að betri upplýs-
ingum um líkama sinn, svo sem lík-
amsstöðu, líkamsbeitingu og rétt-
ar vinnustellingar. Það er svo margt
sem við getum gert fyrir okkur sjálf
án lyfja og aðgerða ef upplýsingar
væru aðgengilegri. Þess vegna tel
ég mikilvægt að byrjað sé snemma
að gera ungu fólki grein fyrir þessu
og koma í veg fyrir þessi vandamál
síðar á ævinni. Það er ekki aðeins
mikilvægt fyrir fólkið sjálft heldur
allt heilbrigðiskerfið og vinnuveit-
endur.“
Hóf kynningar á degi
sjúkraþjálfunar
„Ég ákvað fyrir fimm árum síðan,
á alþjóðlegum degi sjúkraþjálfun-
ar, sem er 8. september ár hvert,
að fara inn í grunnskóla á þeim
degi og bauð 10. bekk Grunnskóla
Vestmannaeyja upp á forvarnafyrir-
lestur um líkamann, líkamsstöðu og
líkamsbeitingu, auk þess að kynna
störf sjúkraþjálfara. Þetta hefur síð-
an undið upp á sig. Eins og ég sagði
byrjaði ég í grunnskólanum hér
í Eyjum og hef síðan farið í aðra
grunnskóla á Suðurlandi. Eftir að
ég fékk styrkinn frá Landlækni hef-
ur það hvatt mig enn frekar áfram.
Ég hef þróað námsefnið með því
m.a. að þýða spurningalista fyr-
ir nemendur til að fá betri yfirsýn
og auka þekkingu nemenda á lík-
amsstöðu og líkamsvitund. Með
spurningalistanum verða þau meiri
þátttakendur í verkefninu og meta
sína eigin stöðu auk þess að hlusta
á og taka virkan þátt í fyrirlestrun-
um. Nemendurnir fá spurninga-
listann fyrir fyrirlesturinn þar sem
þau svara nafnlaust t.d. hvernig lík-
amsstaðan þeirra er heima við og í
skólanum, hvernig þau bera skóla-
tösku og hvort kennarar hvetji þau
til að hreyfa sig í kennslustundum.
Spurningalistinn er svo aftur lagður
fyrir 4-6 vikum eftir fyrirlesturinn.
Með þessum hætti fæ ég mikilvægar
upplýsingar sem er hægt að vinna
með. Ég hef fundið fyrir mikl-
um áhuga nemenda og einnig frá
kennurum sem eru þakklátir fyrir
þetta framtak. Þá hafa aðrir grunn-
skólar í landinu sýnt þessu verkefni
áhuga og almennt hef ég fengið já-
kvæð viðbrögð úr skólaumhverf-
inu,“ segir Hildur Sólveig.
Covid setti strik
í reikninginn
Hildur segir að vissulega hefði
Covid ástandið sett mikið strik í
reikninginn að undanförnu og orðið
þess valdandi að heimsóknir í enn
fleiri skóla hafa ekki getað orðið.
„En vonandi birtir til í baráttunni
við veiruna sem fyrst, og þá fer ver-
kefnið á fullt að nýju hjá mér.“ Hild-
ur segir að það sé eftirspurn eftir að
fara inn í fyrirtæki með kynningar
um hvernig fólk á að sitja eða standa
við störf sín og kenna fólki að stilla
stólana sína og þess háttar. En það
er nokkuð algengt að fólk spái lítið í
þessa hluti eða þori einfaldlega ekki
að breyta stillingu stólsins eða skrif-
borðsins. Hún segir það skamm-
góðan vermi að eiga góðan og dýran
skrifborðsstól ef maður kunni ekki
að stilla hann rétt. Hildur hefur sótt
námskeið hjá Vinnueftirlitinu varð-
andi öryggi og heilbrigði á vinnu-
stað og miðlar hún þeirri þekkingu
áfram.
Hildur er gift Sindra Ólafssyni
hagfræðingi sem er ritstjóri Eyja-
frétta og eiga þau saman þrjú börn;
Aron 11 ára, Söru Rós 8 ára og svo
Drífu sem er 5 mánaða gömul. Hild-
ur Sólveig útskrifaðist sem sjúkra-
þjálfari frá læknadeild HÍ árið 2007
og hefur verið sjálfstætt starfandi
sjúkraþjálfari síðan. Hún stofnaði
fyrirtækið Physio árið 2009. Einnig
hefur hún starfað sem hreyfistjóri
hjá heilsugæslu HSU í Vestmanna-
eyjum og hefur sótt fjölda nám-
skeiða bæði hér heima og erlendis á
sviði sjúkraþjálfunar. Meðal annars
námskeið í vinnuvistfræði í Banda-
ríkjunum. Loks hefur hún setið í
fagnefnd Félags íslenskra sjúkra-
þjálfara frá árinu 2018.
Virk í bæjarmálum
og íþróttum
Hildur Sólveig er virk í félags-
málunum í Vestmannaeyjum. Hún
hefur tekið þátt í stjórnmálastarfi
Sjálfstæðisflokksins í Vestmannaeyj-
um frá árinu 2010 þegar hún varð
varabæjarfulltrúi og síðar formað-
ur fræðsluráðs Vestmannaeyja. Hún
varð bæjarfulltrúi 2015 og forseti
bæjarstjórnar 2015 til 2018. Hún
tók við sem oddviti Sjálfstæðis-
manna í Vestmannaeyjum árið 2018
og situr nú í bæjarráði.
Hildur var einnig í handboltanum
í Vestmannaeyjum. Var leikmað-
ur meistaraflokks kvenna á árun-
um 1999 til 2013, hjá ÍBV, Fram og
Fylki. Íslands- og bikarmeistari varð
hún með ÍBV.
„Þessi ár í handboltanum gáfu
mér mikið og kenndu mér hversu
góð liðsheild skiptir miklu máli
á hvaða vettvangi sem er. Einnig
hafa stjórnmálin verið mikilvægur
lærdómur, t.d. í samskiptum og að
koma fram opinberlega. Ég minnist
þess líka hvað það var þroskandi á
sínum tíma að taka þátt í upp færslu
á Rocky Horror Picture Show í
Framhaldsskólanum í Vestmanna-
eyjum á sínum tíma. Allt fer þetta í
reynslubankann.
Ég hef alltaf haft mikinn áhuga á
félagsmálum og stjórnmálum,“ seg-
ir hún „Ég geri ráð fyrir að baráttu-
málin í Vestmannaeyjum og á Akra-
nesi séu ekki svo ólík. Mikilvægustu
málin eru atvinnumálin, heilbrigð-
is- og skólamálin, en hjá okkur í
Eyjum eru samgöngumálin eðli-
lega ofarlega á blaði. Við erum svo
háð samgöngunum í land og þurf-
um að berjast vel í þeim málaflokki.
Þar sem ég starfa í heilbrigðisgeir-
anum veit ég hvað þarf að hafa mik-
ið fyrir því að halda þjónustunni í
heimabyggð. Ég fylgist með stjórn-
málunum annars staðar á landinu
og hef ágætis samskipti við flokks-
félaga mína á Akranesi. Mér finnst
Skagamenn hafa staðið sig vel að ná
að halda starfsemi sjúkrahússins eins
góðri og hún er. Skiptir þar miklu
máli góð fæðingardeild og nú lið-
skiptasetur sem mun styrkja sjúkra-
húsið enn frekar.“
Á einhverja eldfjallaeyju
„En svona í lokin langar mig til
segja frá því til gamans að þegar ég
var ellefu ára gömul fluttist ég með
móður minni til Vestmannaeyja frá
Akranesi. Þá skildi ég ekkert í henni
að fara með mig frá Akranesi, frá
fjölskyldu og vinum, á einhverja eld-
fjallaeyju þar sem hún fékk starf sem
ljósmóðir. Að flytja frá Akranesi var
mér mjög þungbært á þessum tíma,
en þetta reyndist nú gæfuspor þegar
upp var staðið og dáist ég í dag að
og þakka fyrir hugrekki mömmu.
Okkur líkaði strax vel í Vestmanna-
eyjum. Ég kynntist nýjum vinum og
Eyjamenn reyndust okkur vel. Þar
býr líkt og á Skaganum gott fólk
sem stendur saman þegar á reyn-
ir. Við mæðgur erum enn búsettar í
Eyjum og líður vel. Ég er gift Eyja-
manni og er þriggja barna móðir.“
Nokkur góð heilsuráð
Hildur Sólveig segir ætíð brýnt
að huga að heilsunni, ekki síst á
þessum erfiðu tímum Covid far-
aldursins. „Það er margt sem hægt
er að gera til þess bæta líkamlega og
andlega heilsu,“ segir hún. Við lát-
um fylgja með nokkrar heilsubæt-
andi hugmyndir frá Hildi, en hún
heldur úti vefsíðunni leidarvisirinn.
is og fésbókarsíðunni Leiðarvísir
líkamans þar sem hægt er að sækja
sér ýmsan fróðleik um líkamann.
• Taktu frekar stigana en lyftuna.
• Leggðu bílnum þínum aðeins
lengra frá vinnustaðnum en þú ert
vanur/vön.
• Hálftíma göngutúr á dag ger-
ir mikið fyrir líkamlega og and-
lega heilsu, flest veður er hægt að
klæða af sér eða þá fara inn í t.d.
knattspyrnuhöll/verslunarmiðstöð
og ganga.
• Gerðu góðverk eða taktu þátt í fé-
lagsstarfi, það að tilheyra og leggja
af mörkum bætir andlega líðan.
• Brostu, það losar boðefni í heilan-
um sem bætir andlega og líkamlega
heilsu, gervibros hafa sömu áhrif þó
ekki í sama mæli. Það er góð heilsu-
rækt að æfa bros.
• Heilsusamlegt mataræði, reglu-
legur svefn og takmörkun ávana-
bindandi lyfja bætir andlega og lík-
amlega heilsu.
• Hugaðu að vinnuaðstöðunni eða
óskaðu eftir slíkri ráðgjöf frá vinnu-
veitanda.
• Ef þú glímir við verki eða stoð-
kerfisvandamál ekki hika við að leita
þér aðstoðar fagaðila.
se/ Ljósm. úr einkasafni.
Skildi ekkert í móður sinni að fara með sig á einhverja eldfjallaeyju
Starfar við að kynna Leiðarvísi líkamans
Fjölskyldan við skírn Drífu Sindra-
dóttur, ásamt móður Hildar, Drífu
Björnsdóttur.
Hildur Sólveig Sigurðardóttir.
Fyrirlestur í Grunnskóla Vestmannaeyja um verkefnið Leiðarvísir líkamans.
Fjölskyldan í gönguferð að gosinu í
Geldingadölum.