Skessuhorn - 02.02.2022, Blaðsíða 4

MIÐVIKUDAGUR 2. FEBRÚAR 20224
Fjögurra ára kjörtímabili sveitarstjórna lýkur í vor en nú eru einungis þrír
og hálfur mánuður til kjördags. Einhverjir leita endurkjörs en aðrir rifa
seglin, eins og gengur. Afar mismunandi er hvort kosið er listakosningum
hér í landshlutanum eða persónukjör viðhaft. Það síðarnefnda hentar bet­
ur í fámennustu sveitarfélögunum og líklega hefur sagan kennt okkur að ef
fjöldi íbúa er yfir þetta þrjú, fjögur hundruð er vænlegra að boðnir séu fram
listar. Það er reyndar að því gefnu að tveir eða fleiri listar séu í boði. Versta
mögulega staða sem getur komið upp er nefnilega sú að einn listi sé í boði
og því sjálfkjörið. Við slíkar aðstæður er lýðræðið fótum troðið því kjós­
endur fá ekki að segja skoðun sína um ágæti framboða, hafa þá ekki erin di
á kjörstað og hafa engin áhrif.
Afar fáir af þeim sitjandi sveitarstjórnarfulltrúum sem nú eru að ljúka
kjörtímabili sínu hafa gefið upp afstöðu sína um hvort þeir gefi kost á sér
áfram. Þá hafa fæstir af þeim listum eða flokkum sem buðu fram fyrir fjór­
um árum gefið það út hvað þeir ætli að gera. Ég fól í vikunni sem leið
blaðamanni að forvitnast um stöðuna hér á Vesturlandi. Bjóst reyndar við
því að eftirtekjan yrði rýr, sem og varð raunin. Jafnvel voru þess dæmi að
fólk léti á sér skilja að þetta væri ótímabær spurning og jafnvel afskiptasemi
af hálfu staðarmiðilsins. Engu að síður er það svo að fólk sem kosið er til
að vera fulltrúar almennings í sínu sveitarfélagi á ekki að leyfa sér fálæti
þegar kemur að svo sjálfsögðum upplýsingum korteri fyrir kosningar. Aðrir
þurfa að vita þetta því eðlilegt er að þeim sé gefið tækifæri til að meta stöðu
sína, gefa kost á sér með eðlilegum fyrirvara, fara í mótframboð og láta í
sér heyra. En langflestir reyndust sem betur fer bljúgir og viðræðugóðir.
Reyndar kom það á daginn að fæstir hafa tekið ákvörðun um næstu skref.
Vissulega hafi kóvid seinkað því að hægt hafi verið að halda fundi í flokks­
eða listafélögunum og kannski er það bara góð og gild afsökun fyrir seina­
ganginum. Þetta kemur væntanlega allt í ljós á næstu dögum.
Svo undarlegt sem það nú er þarf ekki lágmarks íbúafjölda til að geta
talist sveitarfélag. Á síðasta kjörtímabili kom fram frumvarp sem markaði
slíkar reglur, en ráðherra féll frá þeim hugmyndum á síðustu stundu vegna
þrýstings úr fámennum byggðum. Sagðist ráðherra telja að betra væri að
hvatinn til sameiningar kæmi innan frá. Kannski út af því verður á tveim­
ur stöðum á Vesturlandi kosið um sameiningu 19. febrúar næstkomandi.
Annars vegar um sameiningu Stykkishólmsbæjar og Helgafellssveitar og
hins vegar Snæfellsbæjar og Eyja­ og Miklaholtshrepps. Ef þessar samein­
ingar verða samþykktar mun stjórnsýsluleg eining verða raunsærri, svo ekki
sé fastar að orði kveðið. Sveitarfélögum á Vesturlandi mun þá fækka úr tíu
í átta. Í Eyja­ og Miklaholtshreppi ákváðu menn að ganga til sameiningar­
viðræðna og kosninga út úr neyð, því hvað er það annað en neyð þegar
rekstur skóla, lögbundinnar þjónustu sveitarfélagsins, kostar orðið meira
en heildartekjur sveitarsjóðs? Það hvort að nákvæmlega þessi sameining
hafi verið sú vænlegasta skal ósagt látið, en í það minnsta er hún skref í
áttina. Vafalítið munu svo íbúar á Snæfellsnesi á næstu árum sjá að væn­
legt væri að skoða sameiningu alls svæðisins. Slíkar þreifingar eru jafnvel
hafnar að frumkvæði Grundfirðinga en alltaf verða það þó íbúar sem hafa
lokaorðið.
Nú hef ég aldrei setið í sveitarstjórn né gefið kost á mér til slíkra starfa.
Ber þó ávallt virðingu fyrir þeim sem gefa kost á sér til illa launaðrar þegn­
skylduvinnu samfélaginu til heilla. Sveitarstjórnarfólk er síst öfundsvert af
hlutskipti sínu. Það þarf að uppfylla lögbundnar skyldur og ráðstafa pen­
ingum til málaflokka sem oftar en ekki sjúga til sín allt ráðstöfunarfé. Þess
vegna má sveitarstjórnarstigið aldrei verða það bágborið að heildartekjur
dugi ekki til að veita lögbundna þjónustu. Og þess vegna verður að styrkja
sveitarfélögin, stækka þau og efla ef þarf, hvort sem fólki líkar það vel eða
illa.
Magnús Magnússon
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.877 krónur með vsk. á mánuði. Elli- og örorkulífeyrisþegar greiða
kr. 3.348. Rafræn áskrift kostar 3.040 kr. Rafræn áskrift til elli- og örorkulífeyrisþega er 2.800 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Kosningavor
Ráðgjafarmiðstöð landbúnaðarins
hefur nú birt niðurstöðu skýrslu­
halds kúabúa í landinu fyrir 2021.
Nythæsta kýr landsins á síðasta ári
var Skör nr. 1003 á bænum Hvammi
í Ölfusi. Skör mjólkaði 13.760 kíló.
Hæsta meðalnyt búa var á Búr­
felli í Svarfaðardal hjá þeim Guð­
rúnu Marinósdóttur og Gunnari
Þór Þórissyni. Nytin eftir hverja
árskú hjá þeim var 8.908 kíló. Þetta
er annað árið í röð sem þau verma
efsta sætið. Í öðru sæti er bú þeirra
Guðlaugar Sigurðardóttur og Jó­
hannesar Eybergs Ragnarsson­
ar á Hraunhálsi í Helgafellssveit á
Snæfellsnesi. Árin 2018–2020 hef­
ur Hraunhálsbúið verið í þriðja
sæti en færist nú sæti ofar á listan­
um. Kýrnar á Hraunhálsi mjólk­
uðu að meðaltali 8.664 kg. Loks í
þriðja sæti á landsvísu er bú Guð­
jóns Björnssonar og Helgu Bjargar
Helgadóttur á Syðri­Hömrum 3 í
Ásahreppi.
Tvö kúabú önnur á Vesturlandi
skiluðu yfir átta tonna meðalnyt
eftir árskú. Það eru búin á Stakk­
hamri II í Eyja­ og Miklaholts­
hreppi með 8.065 kg eftir árskú og
Snorrastöðum í Borgarbyggð með
8.020 kg. mm
Hópur fólks á Akranesi hefur stofn­
að miðbæjarsamtökin Akratorg, en
fyrsti fundur hópsins var kvöldið
fyrir 80 ára kaupstaðarafmæli Akra­
ness. Tilgangur samtakanna er að
vernda, efla og byggja upp gamla
miðbæinn á Akranesi. Jafnframt að
stuðla að viðsnúningi í þróun síð­
ustu ára þannig að miðbærinn verði
aftur hringiða verslunar, þjónustu
og mannlífs.
Að samtökunum stendur fjöl­
breyttur hópur Skagamanna sem
á það sameiginlegt að bera hag
bæjarfélagsins fyrir brjósti og vill
leggja sitt af mörkum til að gera
bæinn líflegri og skemmtilegri.
„Stofndagsetningin er ekki tilviljun
þar sem í dag eru 80 ár síðan Akra­
nes fékk kaupstaðarréttindi. Opinn
kynningarfundur verður auglýstur
um leið og aðstæður leyfa,“ sagði í
tilkynningu.
Stjórn samtakanna skipa: Ólafur
Páll Gunnarsson formaður, Þorbjörg
María Ólafsdóttir varaformaður og
meðstjórnendurnir Anna Guðrún
Ahlbrecht, Bjarnheiður Hallsdóttir,
Guðni Hannesson, Hlédís Sveins­
dóttir og Þorgerður Steinunn Ólafs­
dóttir. mm/ Ljósm. aðsend.
Lokið hefur verið við gerð göngu­
stígs frá Háamel og niður að Eiðis­
vatni í Hvalfjarðarsveit. Stígurinn
er 410 metra langur malarstígur
sem hannaður var af verkfræðistof­
unni Verkís og lagning stígsins var í
höndum Hróarstinda. Þetta kemur
fram á vefsíðu Hvalfjarðarsveitar.
Þar segir einnig að stígurinn
sé góð viðbót við útivistarsvæði
í Hvalfjarðarsveit þar sem íbúar
og gestir geta notið náttúrunnar
líkt og á öðrum útivistarsvæðum í
sveitarfélaginu. vaks
Kýr í mjaltabás á
Snorrastöðum, þar
sem þriðja hæsta
meðalnyt kúa á
Vesturlandi var á
síðasta ári.
Afurðahæstu kúabúin á landinu
Í öðru sæti á landsvísu yfir nythæstu kýrnar er bú þeirra Guðlaugar Sigurðar-
dóttur og Jóhannesar Eybergs Ragnarssonar á Hraunhálsi í Helgafellssveit. Ljósm.
úr safni Skessuhorns.
Miðbæjarsamtökin Akratorg
stofnuð á Akranesi
Nýi göngustígurinn við Eiðisvatn. Ljósm. af vefsíðu Hvalfjarðarsveitar
Nýr göngustígur úr Melahverfi
að Eiðisvatni