Skessuhorn - 02.02.2022, Blaðsíða 10

MIÐVIKUDAGUR 2. FEBRÚAR 202210
Línubáturinn Gísli Súrsson GK,
sem rær með beitningarvél um
borð, fékk trollstykki upp með
línunni þegar skipverjar voru að
draga 15 mílur norður af Rifi um
klukkan 13 á laugardaginn. Þetta
hafði þær afleiðingar að trollstykk­
ið fór í skrúfu bátsins og því ekki
hægt að draga línuna eða hreyfa
bátinn. Skipsverjar báðu því um að­
stoð frá Björgunarsveitinni Lífs­
björgu. Björgunarbáturinn Björg
frá Rifi fór til aðstoðar og gekk
heimferðin vel. Á Breiðafirði var
veðrið sæmilegt; kaldi og smá öldu­
gangur. Komið var til hafnar í Rifi
klukkan fimm síðdegis og var skor­
ið úr skrúfunni og haldið aftur til
veiða um átta leytið.
Hreinn Jónsson skipstjóri á
Gísla Súrssyni sagði í spjalli við
fréttaritara að þeir hafi aðeins
náð að draga um helming línunn­
ar en fram að því hafi verið mjög
góður afli. „Við erum með sjö og
hálft tonn, en náðum einungis að
draga helminginn af línunni áður
en trollstykkið slæddist upp. Þetta
er allt bolta þorskur sem við erum
með,“ sagði Hreinn þegar búið
var að landa á laugardagskvöldið.
Vel gekk að hreinsa úr skrúf­
unni og fóru skipverjar út að nýju
og drógu seinni hluta línunnar.
Lönduðu þeir í Ólafsvík á sunnu­
dagsmorgun og reyndist aflinn
14,6 tonn.
af
Netabáturinn Brynjólfur VE kom
til hafnar í Ólafsvík á tólfta tíman­
um á mánudaginn til að fá kafara
til þess að skera net úr hliðarskrúfu
bátsins. Skipsverjar voru rétt að
byrja að draga netin um morgun­
inn í sínum fyrsta túr á Breiða­
firðinum og voru aðeins búnir að
draga fjögur net þegar þeir fengu
í hliðarskrúfuna. Þeir gátu siglt til
Ólafsvíkur þar sem Víðir Haralds­
son kafari skar úr skrúfu bátsins.
Það er fremur óvanalegt að
togari sé á netaveiðum, en áhöfn­
in á Brynjólfi VE hefur undanfarin
ár verið á netum á Breiðafirði með
góðum árangri. Hafa þeir landað
afla sínum í Grundarfirði en bát­
urinn er í eigu Vinnslustöðvarinn­
ar í Vestmannaeyjum. Aflinn er
slægður um borð og síðan er fisk­
urinn sendur með bílum í Herjólf
sem síðan fer með fiskinn til Vest­
mannaeyja þar sem fiskurinn er
fullunninn til útflutnings.
af
Á níunda tímanum síðasta sunnu­
dagsmorgun kom Guðrún Þor­
kelsdóttir SU­211 frá Eskifirði
með fullfermi af loðnu til bræðslu
á Akranesi. Þetta er sjötta loðnu­
löndun úr Guðrúnu á þessari ver­
tíð, en áður hafði skipið landað á
Vopnafirði, Eskifirði og Akranesi.
Guðrún Þorkelsdóttir hafði áður
aflað 7.418 tonna á vertíðinni sem
nú verða um 9000 því fulllestað
tekur skipið um 1600 tonn.
Veður var stillt þegar siglt var
síðasta spölinn til hafnar. Strax
var hafist handa við að dæla aflan­
um frá borði. Meðfylgjandi mynd­
ir tók Guðmundur St. Valdimars­
son bátsmaður á Freyju og sendi
Skessuhorni.
mm
Línubáturinn Signý HU er með
minni bátum sem róa frá Snæfells­
bæ, en gerði heldur betur góð­
an róður síðastliðinn miðvikudag.
Gísli Bjarnason skipstjóri rær með
tengdaföður sínum Guðmundi
Gunnlaugssyni. Þeir fóru út að
morgni með 36 bala og komu að
landi upp úr klukkan fjögur til þess
að millilanda, eins og Gísli orðaði
það. „Við drógum fyrst 18 bala og
þá var lestin orðin kjaftfull og því
ekkert annað í stöðunni en að fara
í land. Við skildum 18 bala eftir en
fórum út strax eftir löndun til þess
að draga restina,“ sagði Gísli. Hann
bætir því við að á þessa 18 bala hafi
verið níu tonn. „Ég átti ekki til orð,
þetta var bara blóðbað,“ sagði Gísli
skælbrosandi eftir að hafa landað
í seinna skiptið. „Við vorum með
í þessum róðri hátt í 17 tonn sem
gera um 450 kíló á bala og aflaverð­
mætið er um sjö milljónir,“ sagði
Gísli og var að vonum ánægður
með afrakstur dagsins.
Gísli sagði enn fremur að þrátt
fyrir vægast sagt mikla ótíð í vet­
ur hafi gengið hratt á kvóta bátsins
en þó hefur góður afli verið þegar
hægt er að róa. „Við erum allavega
hættir í þessum mánuði til að spara
kvótann,“ sagði Gísli þegar rætt var
við hann 26. janúar síðastliðinn,
„en byrjum aftur í febrúar,“ sagði
Gísli að endingu. af
Landað úr bátnum í kafaldsbyl á sunnudagsmorgni.
Fengu í skrúfuna þegar
hálfnað var að draga línuna
Björg dregur Gísla Súrsson til hafnar síðdegis á laugardaginn.
Guðrún Þorkelsdóttir kom
með loðnu á Akranes
Víðir Haraldsson kafari
er að undirbúa sig til þess
að skera úr hliðarskrúfu
Brynjólfs.
Fékk net í hliðarskrúfuna
Togarinn Brynjólfur kemur til hafnar í Ólafsvík.
Signý að koma að landi úr fyrri róðri dagsins.
Þurftu að millilanda eftir átján bala
Gísli Bjarnason sáttur með daginn og
er hér að hífa körin á bryggjuna. „Þú
verður að mynda mig nýrakaðan og
í nýja bláa gallanum,“ kallaði Gísli á
ljósmyndarann.
Tengdapabbinn Guðmundur Gunn-
laugsson að landa.