Skessuhorn - 02.02.2022, Blaðsíða 30

MIÐVIKUDAGUR 2. FEBRÚAR 202230
Ertu að horfa
á Verbúðina?
Spurning
vikunnar
(Spurt á Akranesi)
Kristjana Júlíusdóttir
„Ég er bara búin að horfa á einn
þátt, fannst hann góður og ætla
að horfa áfram.“
Þórdís Bachmann
„Já og finnst hún frábær, fær
fimm stjörnur frá mér.“
Óðinn Örn Einarsson
„Jebbz, þetta er flott og vel gert
sjónvarpsefni.“
Harpa Sif Þráinsdóttir
„Heldur betur, hún er mjög
skemmtileg.“
Sigurlaug Njarðardóttir
„Mér finnst hún frábær.“
Íþróttanefnd Ungmennafélags
Reykdæla í Borgarfirði veitti um
helgina íþróttamanni Umf. Reyk­
dæla viðurkenningu fyrir sinn ár­
angur. Að þessu sinni var það
Heiður Karlsdóttir sem hreppti
titilinn fyrir körfubolta. Á Face­
book síðu Umf. Reykdæla er árið
2021 hjá Heiði í körfuboltan­
um rakið. Hún æfði og spilaði
með meistaraflokki Skallagríms í
körfubolta framan af árinu 2021.
Hún var valin í U16 landslið og
spilaði með því og var til dæmis
í byrjunar liðinu gegn Eistlandi á
Norðurlandamótinu síðasta sum­
ar. Heiður gerði svo samning og
spilar með stúlkna­ og meistara­
flokki Fjölnis. „Heiður er mjög
einbeitt og frábær íþróttamað­
ur sem stundar sína íþrótt af mik­
ill alvöru og er frábær fyrirmynd
fyrir annað íþróttafólk,“ segir í til­
kynningunni.
Í öðru sæti í vali á íþrótta­
manni Umf. Reykdæla var Skírn­
ir Ingi Hermannsson. Skírnir æfir
og spilar körfubolta með sam­
eiginlegur liði Umf. Reykdæla
og Skallagríms í 9. og 10. flokki.
Hann spilar næstum allar mínútur
í öllum leikjum og er „mikilvæg­
ur hlekkur í liðinu.“ Skírnir æfir
af kappi og er fyrirmynd fyrir aðra
íþróttamenn. Í þriðja sæti var Lis­
beth Inga Kristófersdóttir, einnig
fyrir körfubolta. Lisbeth Inga lék
með 10. flokki stúlkna og meist­
araflokki Skallagríms. „Þá æfði
hún aðeins í sumar með Heffingen
í Lúxemborg, fór svo til Ísafjarð­
ar og samdi við Vestra,“ segir í
tilkynningunni um val á íþrótta­
manni Umf. Reykdæla. Lisbeth
sleit krossband á árinu og bíður
eftir að komast í aðgerð. arg
Keppni í klassískum kraft­
lyftingum á Reykjavíkur­
leikunum ­RIG 2022 fór
fram um helgina og sendi
Kraftlyftingafélag Akra­
ness þrjá keppendur á
mótið. Keppt var að stig­
um og stóðu þeir sig all­
ir vel.
Sylvía Ósk Rodrigu­
ez bætti sig um fimm kg
í hnébeygju og lyfti þar
þyngst 150 kg. Hún fór
létt með 80 kg í bekk­
pressu og 162,5 kg í rétt­
stöðulyftu sem er bæting
um 2,5 kg. Samanlagður
árangur hennar var 392,5
kg sem gáfu 75,16 stig og
6. sætið í kvennaflokki.
Helgi Arnar Jónsson
lyfti þyngst 230 kg í hné­
beygju, 122,5 kg í bekk­
pressu og 270 kg í rétt­
stöðulyftu. Þyngsta lyft­
an í réttstöðulyftunni er
jöfnun á hans besta ár­
angri. Samanlagður ár­
angur Helga var 622,5 kg sem
gáfu honum 89,83 stig og 5. sætið
í karlaflokki.
Einar Örn Guðnason lyfti þyngst
287,5 kg í hnébeygju sem fóru létti­
lega upp, 180 kg í bekkpressu og
282,5 kg í réttstöðulyftu sem einnig
flugu upp. Samanlagður árangur
hans var 750 kg sem gáfu honum
89,56 stig og 6. sætið í karlaflokki.
vaks
Sundmótið Reykjavík International
Games­RIG 2022 fór fram um
helgina í Laugardalslaug. RIG er
fyrsta sundmótið í 50 metra laug á
tímabilinu og í ár var keppnin sterk
með félögum frá Danmörku, Fær­
eyjum, Grænlandi og Noregi. Fjór­
ir Ólympíufarar voru á mótinu og
samtals voru keppendur 233 frá 22
félögum.
Sundfélag Akraness sendi alls 13
sundmenn á mótið og komu þeir
heim með eitt gull, eitt silfur og
þrjú brons. Einar Margeir Ágústs­
son átti gott mót, hann sigraði í 200
metra skriðsundi og var í þriðja sæti
í 100 metra bringusundi. Enrique
Snær Llorens Sigurðsson stóð sig
einnig vel en hann var í öðru sæti
í 200 og 400 metra fjórsundi og í
þriðja sæti í 400 metra skriðsundi.
Þá var Ragnheiður Karen Ólafs­
dóttir í þriðja sæti í 200 metra
bringusundi og Sindri Andreas
Bjarnason þriðji í 50 metra skrið­
sundi. vaks
Knattspyrnufélag ÍA hefur gert
samning við Brooke Jones, banda­
rískan markvörð, sem gildir út
tímabilið 2022. Brooke, sem er 21
árs, hefur leikið með Idaho sem er í
efstu deild bandaríska háskólabolt­
ans. Henni er ætlað að fylla skarð
Anítu Ólafsdóttur sem hefur stað­
ið á milli stanganna hjá ÍA frá árinu
2018 og lék alls 46 leiki í Inkasso­
og Lengjudeildinni á þessum fjór­
um árum. Aníta gekk á dögunum til
liðs við Stjörnuna í Garðabæ sem
leikur í efstu deild kvenna í sumar.
Þá gerði ÍA einnig nýjan samn­
ing við Dagnýju Halldórsdóttur
sem gildir út tímabilið 2022. Dag­
ný, sem er fædd árið 2002, lék 17
leiki í Lengjudeildinni með ÍA síð­
asta sumar og skoraði eitt mark.
Ásamt Anítu Ólafsdóttur hafa
þær Sigrún Eva Sigurðardóttir og
Róberta Lilja Ísólfsdóttir einnig
yfir gefið herbúðir Skagamanna á
síðustu vikum. Sigrún Eva gekk
til liðs við Aftureldingu og Ró­
berta Lilja gekk í raðir KR en bæði
lið leika í efstu deild kvenna næsta
sumar. vaks
Einar Margeir sigraði í 200 metra skriðsundi á RIG 2022. Ljósm. SA.
Sundfólk frá ÍA stóð
sig vel á RIG 2022
Einar Örn, Helgi Arnar og Sylvía í góðum gír. Ljósm.
Kraftlyftingafélag Akraness.
Kraftlyftingafólk frá
ÍA stóð sig vel
Heiður er
íþróttamaður
Umf. Reykdæla
Dagný hefur gert nýjan samning við
ÍA.
ÍA nær sér í bandarískan markvörð
Brooke Jones verður í markinu hjá ÍA í sumar. Ljósm. kfia